ភ្នំពេញ៖កម្លាំងនគរបាលប្រឆាំងការជួញដូរគ្រឿងញៀនមកពីក្រសួងមហាផ្ទៃនិងមានការចូលរួមពីកម្លាំង
នគរបាលខណ្ឌទួលគោកដឹកនាំដោយព្រះរាជអាជ្ញារងឯកឆេងហួតតាមរយៈក្រឡាបញ្ជីរបស់ខ្លួន លោកហួន
សុផន អនុប្រធានមន្ទីរប្រឆាំងគ្រឿងញៀន និងលោក ពៅ សំហេង នៅព្រឹកថ្ងៃទី១៣ខែឧសភានេះបានចុះ
ទៅឡោមព័ទ្ធនិងបង្ក្រាបទីតាំងចែកចាយប្រើប្រាស់ថ្នាំញៀនមួយកន្លែង។
មន្ទីរប្រឆាំងគ្រឿងញៀនក្រសួងមហាផ្ទៃសហការជាមួយសមត្ថកិច្ចខណ្ឌទួលគោកបានចុះបង្ក្រាបទីតាំងចែក
ចាយគ្រឿងញៀនមួយកន្លែង នៅបន្ទប់ជួលតាមបណ្តោយផ្លូវ២៧១ មុខវិទ្យាល័យជាស៊ីមសាមគ្គីស្ថិតក្នុង
សង្កាត់បឹងសាឡាងខណ្ឌទួលគោកដោយឃាត់ខ្លួនបានជនសង្ស័យ៤នាក់ និងវត្ថុតាងថ្នាំញៀន ប្រភេទម៉ា
ទឹកកកមួយចំនួន កាំភ្លើងខ្លីម៉ាករ៉ូឡូ២ដើម គ្រាប់១៨គ្រាប់ ទូរស័ព្ទដៃ៥គ្រឿងម៉ូតូ១គ្រឿង និងឧបករណ៍ប្រើ
ប្រាស់គ្រឿងញៀនមួយចំនួនទៀត ។
ជនសង្ស័យដែលសមត្ថកិច្ចឃាត់ខ្លួនបាន១-ឈ្មោះចាន់សៀកឡុង២-ឈ្មោះចាន់សៀកជួយ៣-ឈ្មោះសុខជា
និង៤-ឈ្មោះម៉ៅវីរៈ ។ បន្ទាប់ពីឆែកឆេរទីកន្លែងចែកចាយគ្រឿងញៀនខាងលើនេះហើយសមត្ថកិច្ចបាននិង
កំពុងបន្តឆែកឆេរមួយកន្លែងទៀត៕
ដោយ៖សស្អាត