ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប.) បានបដិសេធចំពោះការស្នើសុំរបស់គណ
បក្សសង្គ្រោះជាតិក្នុងការរៀបចំបញ្ជីបោះឆ្នោតថ្មីឡើងវិញ សម្រាប់ការបោះឆ្នោតជ្រើសតាំងតំណាងរាស្រ្តនីតិ
កាលទី៥នេះ។
បើតាមការឆ្លើយបំភ្លឺរបស់ គ.ជ.ប. ទៅនឹងញត្តិបាតុកម្មរបស់គណបក្សសង្គ្រោះជាតិដែលចុះថ្ងៃទី២៤ ខែមេសា
ឆ្នាំ២០១៣ កន្លងទៅថា គ.ជ.ប. មិនអាចទទួលយកបានទេចំពោះករណីធ្វើបញ្ជីបោះឆ្នោតថ្មីឡើងវិញ។ ពីព្រោះជាលក្ខខណ្ខច្បាប់ក្រោយពីបញ្ជីបោះឆ្នោត ផ្តល់សុពលភាពរួចហើយពុំអាចធ្វើការចុះឈ្មោះ ឡើងវិញ
បានទេហើយម្យ៉ាងទៀតក្នុងក្របខណ្ឌច្បាប់ គ.ជ.ប. ក៏ពុំមានសមត្ថភាពពន្យារពេលការបោះឆ្នោតបានដែរ ។
សេចក្តីបំភ្លឺខាងលើបន្តទៀតថា គ.ជ.ប. បានទទួលយកសំណើនិងបានកែលម្អក្នុងបទបញ្ជានិងនីតិវិធីសម្រាប់
ការបោះឆ្នោតជ្រើសតាំងតំណាងរាស្រ្តនីតិកាលទី៥នេះរួចហើយ ។ ប៉ុន្តែចំពោះសំណើផ្សេងទៀតដែលមិន
ស្របទៅនឹងលក្ខណច្បាប់ជាធរមានគ.ជ.ប. ពុំអាចទទួលយកអនុវត្តបានឡើយ។
តាមរបាយការណ៍សវនកម្មបញ្ជីបោះឆ្នោតរបស់អង្គការមួយចំនួន បានបង្ហាញពីភាពល្អដូចខាងមានក្រោម ៖
អង្គការខុមហ្វ្រែលបានវាយតម្លៃថាបញ្ជីឈ្មោះបោះឆ្នោតឆ្នាំ២០១២មានភាពល្អប្រសើរបើធៀបនិងឆ្នាំ២០០៨
និង២០០១ដោយអ្នកមានសិទ្ធិបោះឆ្នោតមាន៩៨,២៦ភាគរយ ឆ្លើយថាពុំមានការភ័យខ្លាចជុំវិញការចុះឈ្មោះ
បោះឆ្នោតនិងពិនិត្យបញ្ជីឈ្មោះបោះឆ្នោតទេ និងអ្នកមានសិទ្ធិបោះឆ្នោត៩៦,៨ភាគរយ ឆ្លើយថាមិនមានការ
លំបាកទាល់តែសោះនិងអ្នកមានសិទ្ធិបោះឆ្នោត ៩៧,៧ភាគរយ បានចុះឈ្មោះបោះឆ្នោត។
វិទ្យាស្ថានប្រជាធិបតេយ្យអន្តរជាតិ( NDI) វាយតម្លៃថាមានការជឿជាក់លើដំណើរការចុះឈ្មោះបោះឆ្នោត៩១
,៣ភាគរយ និងនីតិវិធីចុះឈ្មោះសាមញ្ញនិងមានភាពងាយស្រួល៩៧,១ភាគរយ ។ រីឯអង្គការGALLUP POLL
បានវាយតម្លៃថាប្រជាពលរដ្ឋ៩២ភាគរយមានសេរីភាពជ្រើសរើសក្នុងការរស់នៅរបស់ខ្លួន ។
នៅឆ្នាំ២០១២ គ.ជ.ប. បានចាត់វិធានការគ្រប់រូបភាព ដើម្បីធានាឲ្យដំណើរការពិនិត្យបញ្ជីឈ្មោះនិងការ
ចុះឈ្មោះបោះឆ្នោតទទួលបានលទ្ធផលល្អទាំងលើទិដ្ឋភាពច្បាប់បច្ចេកទេសនិងតាមគោលការណ៍ស្តីពីភាព
ពេញលេញភាពត្រឹមត្រូវនិងបច្ចុប្បន្នភាពនៃបញ្ជីបោះឆ្នោត ។
សូមរំលឹកថានៅឆ្នាំ២១៩៩៨ការរៀបចំការបោះឆ្នោត គ.ជ.ប. បានអនុវត្តយ៉ាងត្រឹមត្រូវទៅតាមច្បាប់ជាធរមាន
ហើយត្រូវបានអ្នកអង្កេតការណ៍អន្តរជាតិបានវាយតម្លៃនិងសរសើរថាជាអច្ឆរិយៈ នៅដងទន្លេមេគង្គហើយធ្វើ
បានល្អប្រសើរជាងការបោះឆ្នោតពេលមុនៗ៕
ស.ស្អាត