បន្ទាយមានជ័យ៖ចាប់តាំងពីថ្ងៃទី៤ ដល់ថ្ងៃទី៥ ខែឧសភា ឆ្នាំ២០១៣ នេះ សម្តេចបុត្រី ព្រះអនុជ
នរោត្តម អរុណរស្មី ប្រធានគណបក្សហ្វ៊ុនស៊ិនប៉ិច អមព្រះដំណើរដោយលោក កែវ ពុទ្ធរស្មី ប្រធាន
ឧត្តមក្រុមប្រឹក្សាគណបក្ស លោក ញឹក ប៊ុនឆៃ ប្រធានក្រុមការងារចុះពង្រឹងមូលដ្ឋានខេត្ត បានយាង
ចុះសួរសុខទុក្ខសមាជិក សមាជិកា ជាអ្នកគាំទ្រចំនួនប្រមាណ១១.៥០០នាក់ ក្នុងស្រុកចំនួន៤ស្រុក
ជួបដោយឡែកពីគ្នានៃខេត្តបន្ទាយមានជ័យ។
តាមកម្មវិធីដែល បានគ្រោងទុកនោះ នៅព្រឹកថ្ងៃទី៤ ខែឧសភា ឆ្នាំ២០១៣ សម្តេចរាជបុត្រីព្រះអនុជ
នរោត្តម អរុណរស្មី យាងសម្ពោធអគារចំនួន ២ខ្នង មានចំនួន១០បន្ទប់ ជាអំណោយរបស់លោក ញឹក
ប៊ុនឆៃ ឧបនាយករដ្ឋមន្ត្រី និងជាអគ្គលេខាធិការគណបក្សហ្វ៊ុនស៊ិនប៉ិច ដោយមានការចូលរួមពីសមា
ជិក សមាជិកាចូលរួមចំនួន១.១៥០នាក់។
បន្ទាប់មក នៅរសៀលថ្ងៃដដែលនេះ សម្តេចរាជបុត្រីព្រះអនុជ នរោត្តម អរុណរស្មី បានយាងកាត់ខ្សែ
បូ ដាក់អោយប្រើប្រាស់នូវផ្លូវលំ១ខ្សែ ប្រវែង២.៣០០ម៉ែត្រ ស្ថិតនៅភូមិថ្មពួក ឃុំថ្មពួក ស្រុកថ្មពួក ខេត្ត
បន្ទាយមានជ័យ ជាអំណោយរបស់លោកឧបនាយករដ្ឋមន្ត្រី ញឹក ប៊ុនឆៃ ហើយព្រះអង្គក៏បានយាងបញ្ចុះបឋមសិលា សម្រាប់កសាងសាលារៀនចំនួន១ខ្នងទៀតផងដែរ ដោយមានការចូលរួមពីសមាជិក
គាំទ្រ ចំនួន៣.៤០០នាក់ផងដែរ។
ដោយឡែក នៅព្រឹកថ្ងៃទី៥ ខែឧសភា ឆ្នាំ២០១៣ សម្តេចបុត្រី ព្រះអនុជ នរោត្តម អរុណរស្មី បានយាង
សម្ពោធសមទ្ធិផលមួយចំនួន ក្នុងនោះរួមមាន កុដិ ខឿនព្រះវិហារ និងក្លោងទ្វារវត្តឧត្តមរត្ញារាម (ហៅវត្ត
ត្រពាំងថ្ម) ស្ថិតនៅ ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ សម្រាប់ប្រគេនព្រះសង្ឃ ប្រើប្រាស់
ក្នុងផ្លូវព្រះពុទ្ធសាសនា ដោយមានការចូលរួមពីសមាជិកគាំទ្រ ចំនួន៣.២០០នាក់។ បន្ទាប់មក នៅ
រសៀលថ្ងៃដដែលនេះ ព្រះអង្គម្ចាស់ក្សត្រី ក៏បានយាងបន្ត ដើម្បីជួបសំណេះសំណាលជាមួយសកម្មជន
អ្នកគាំទ្រចំនួន៣.៣០០នាក់ទៀត នៅវត្តអូរស្ងួត ឃុំអូរស្ងួត ស្រុកមង្គលបុរី ខេត្តបន្ទាយមានជ័យ ។
លោក ញឹក ប៊ុនឆៃ ឧបនាយករដ្ឋមន្ត្រី និងជាអគ្គលេខាធិការគណបក្សហ្វ៊ុនស៊ិនប៉ិច បានថ្លែងនៅក្នុង
ឱកាសពិធីសម្ពោធសមិទ្ធផលទាំង៤កន្លែងនោះថា យើងមានភ័ព្វសំណាងខ្លាំងណាស់ដែលសម្តេចព្រះ
នរោត្តម សីហនុ ព្រះមហាក្សត្ រ ”ព្រះបរមរតនកោដ្ឋ” និងជាព្រះបិតាស្ថាបនិក ហ្វ៊ុនស៊ិនប៉ិច ព្រះអង្គ
បានបន្សល់ទុកអោយយើងនូវមរតកដ៏មានតម្លៃ ដែលមិនអាចកាត់ថ្លៃបាននោះ គឺហ្វ៊ុនស៊ិនប៉ិច ។
ពីព្រោះហ្វ៊ុនស៊ិនប៉ិច បាននាំមកជូនជាតិមាតុភូមិនូវ បាវចនា ជាតិ សាសនា ព្រះមហាក្សត្រ ទង់ជាតិ
ភ្លេងជាតិ លទ្ធិប្រជាធិបតេយ្យសេរីពហុបក្ស ការគោរពសិទ្ធិមនុស្សនៅកម្ពុជា និងជាពិសេសរបបរាជា
និយម ដែលប្រជារាស្ត្រខ្មែរស្រលាញ់ចូលចិត្ត និងចង់បានបំផុតនោះ។ លើសពីនេះទៀត លោកអគ្គ
លេខាធិការ ក៏បានជម្រាបជូនអង្គពិធីផងដែរថា ហ្វ៊ុនស៊ិនប៉ិច នៅមានភ័ព្វសំណាងមួយទៀត គឺយើង
បានសម្តេចបុត្រី ព្រះអនុជ នរោត្តម អរុណរស្មី(កូនស្រីពៅរបស់សម្តេចឪ) ព្រះអង្គបានមកគង់ប្រថាប់ជា
ប្រធានគណបក្ស។
ហើយសម្តេចរាជបុត្រីគឺជាបុត្រីរបស់សម្តេចព្រះនរោត្តម សីហនុ ហើយព្រះអង្គពុំដែលមានប្រវត្តិមិនល្អ
ណាមួយ ឬអំពើពុករលួយ ឬក៏បទល្មើសណាមួយកន្លងមកនោះទេ។
ដូចនេះ យើងទាំងអស់គ្នា ត្រូវរួមគ្នាអោយបានសកម្មថែមទៀតក្នុងការកសាង និងពង្រឹងបក្ស ត្រូវប្រមូល
អ្នកគាំទ្រនៅទូទាំងប្រទេស អោយបានច្រើនទៅតាមមូលដ្ឋានភូមិ ឃុំ សង្កាត់ក្នុងមូលដ្ឋានរបស់ខ្លួន។
លោកបានបង្ហាញពីក្តីសង្ឃឹម របស់ហ្វ៊ុនស៊ិនប៉ិចក្រោមការដឹកនាំរបស់សម្តេចរាជបុត្រី ព្រះអនុជ នរោត្តម
អរុណរស្មី ប្រធានគណបក្សថា យើងនឹងទទួលបាននូវអាសនៈច្រើនលើសពីការរំពឹងទុករបស់យើង។
បន្ទាប់មក សម្តេចរាជបុត្រី ព្រះអនុជ នរោត្តម អរុណរស្មី ប្រធានគណបក្សហ្វ៊ុនស៊ិនប៉ិច មានព្រះសវនីយ៍
ទៅកាន់អ្នកគាំទ្រ នាឱកាសពិធីសម្ភោធ និងសំណេះសំណាលថា ព្រះអង្គមានហឫទ័យសប្បាយរីករាយ
ខ្លាំងណាស់ បានមកជួបមុខលោកតា លោកយាយ មាមីង បងប្អូន ក្មួយៗទាំងអស់ក្នុងខេត្តបន្ទាយមាន
ជ័យយើងនេះ។
សម្តេចរាជបុត្រីក៏បានថ្លែងអំណរអរគុណចំពោះបងប្អូនខ្មែរយើងនៅ ទូទាំងប្រទេសដែលបានចូល
រួមកាន់ព្រះរាជមរណទុក្ខថ្វាយសម្តេចព្រះ វររាជបិតារបស់ព្រះអង្គគឺសម្តេចព្រះបិតាឯកភាពផ្សះផ្សាជាតិ
បង្រួបបង្រួមជាតិបានយាងចូលទិវង្គតកាលពីថ្ងៃទី១៥ ខែតុលា ឆ្នាំ២០១២ នាទីក្រុងប៉េកាំងនៃសាធារ
ណរដ្ឋប្រជាមានិតចិន។ ការបាត់បង់សម្តេចឪ សម្តេចតា របស់យើង គឺជាការបាត់បង់ដ៏ធំធេងណាស់
សម្រាប់ជាតិទាំងមូល ពីព្រោះថាព្រះអង្គជាព្រះមហាក្សត្រដ៏ល្បីល្បាញតែមួយព្រះអង្គគត់ ដែលប្រទេស
លើសកលលោកទទួលស្គាល់ជារដ្ឋបុរសកសាង និងអភិវឌ្ឍប្រទេសកម្ពុជា ។ លើសពីនេះទៀត សម្តេច
រាជបុត្រី ព្រះអនុជ នរោត្តម អរុណរស្មី បានស្នើសុំអោយអ្នកគាំទ្រគណបក្សហ្វ៊ុនស៊ិនប៉ិច ទាំងអស់នៅទូ
ទាំងប្រទេសត្រូវបន្តប្រឹងប្រែងបន្ថែមទៀតក្នុងការ យកចិត្តទុកដាក់ជួយដល់ប្រជារាស្ត្រនៅក្នុងមូលដ្ឋាន
របស់ខ្លួន៕
ដោយ៖សស្អាត