បាត់ដំបង៖ ជនសង្ស័យម្នាក់បន្លំធ្វើជាគ្រូខ្មែរក្នុងបំណងមិនល្អទៅលើស្រ្តីអ្នកជំងឺ ត្រូវបានប៉ូលិសស្រុក
មោងឫស្សី ឃាត់ខ្លួនកាលពីរសៀលថ្ងៃទី៩ ខែឧសភា ឆ្នាំ២០១៣ នៅផ្ទះរបស់គ្រូខ្មែរនេះស្ថិតក្នុងភូមិចុង
សំណាយ ឃុំជ្រៃ ស្រុកមោងឫស្សី និងបន្ទាប់មកប៉ូលិសបានកសាងសំណុំរឿងបញ្ជូនទៅតុលាការបន្ទាប់
មានស្ត្រីរងគ្រោះ៣នាក់បានប្ដឹង ។
បុរសចំណាស់ជាជនសង្ស័យរូបនេះមានឈ្មោះ ជាតាប់ ហៅជ័រ អាយុ៦៨ឆ្នាំ ដែលជាប់ចោទពីបទចាប់
រំលោភ និងបន្លំអង្អែលកេរខ្មាសលើស្រ្តី ។ ក្រោយពីប៉ូលីសបានសួរនាំ ជនសង្ស័យបានសារភាពថាមាន
ស្ត្រីពិការអាយុ២២ឆ្នាំម្នាក់ ដែលទៅដេកមើលជំងឺក្នុងផ្ទះរបស់ខ្លួននោះគឺខ្លួនពិតជាបានចាប់រំលោភលើ
រូបនាងបានសម្រេច២លើកមែន ។
ចំណែកស្ត្រីដែលឈឺពើតក្នុងសុដននោះគឺគាត់បានបន្លំអង្អែលសុដនលេងធ្វើដូចខាបមន្តអាគមដកបន្លា
ពិសចេញពីក្នុងសុដន ដើម្បីបំបាត់ការឈឺចាប់ ។ ដែលជាល្បិចកលជាការកុហកបោកគ្រាន់តែចង់អង្អែល
សុដនស្រីៗលេងប៉ុណ្ណោះ ។ បច្ចុប្បន្ននេះជនសង្ស័យត្រូវបានប៉ូលិសកសាងសំណុំរឿងបញ្ជូនទៅស្នង
ការដ្ឋាននគរបាលខេត្តបាត់ដំបងបន្តទៅតុលាការនៅរសៀលថ្ងៃទី១០ខែឧសភាឆ្នាំ២០១៣៕
ដោយ៖សស្អាត