ឧត្តមានជ័យ៖ នៅវេលាម៉ោង៧និង៤៥នាទីមានករណីគប់គ្រាប់មួយបានកើតឡើងនៅចំណុចភូមិអូរចិញ្ចៀនឃុំអន្លង់វែងស្រុកអន្លង់វែងខេត្តឧត្តរមានជ័យ ។ ប៉ូលិសបានរាយការណ៍ថានៅព្រឹកថ្ងៃទី៦
ខែឧសភា ឆ្នាំ២០១៣ នេះថា ហេតុការណ៍នោះជនបង្កជាអតីតប៉េអឹមបានគប់គ្រាប់បែកលើផ្ទះប្រធាន
ផ្សារអន្លង់វែង។
ស្នងការដ្ឋាននគរបាលខេត្តឧត្តរមានជ័យបានឲ្យដឹងថាករណីបោកគ្រាប់បែកនោះបង្កឡើងដោយជន
សង្ស័យឈ្មោះវីគឹមវិនភេទប្រុសអាយុ២៥ឆ្នាំអតីតជាកម្លាំងកងអាវុធហត្ថប្រចាំស្រុកអន្លង់វែង។
ប្រភពដដែលបានបន្តថាជនសង្ស័យខាងលើបានគប់គ្រាប់បែក១គ្រាប់ទៅលើផ្ទះល្វែងរបស់ឈ្មោះ
ឃឹម បូខាន់ ភេទប្រុស អាយុប្រហែល៥៧ឆ្នាំ ជាម្ចាស់ផ្សារស្រុកអន្លង់វែង។ ក្នុងនោះបណ្ដាលឲ្យ
ខូចខាតផ្ទះសម្បែងនិងសម្ភារៈមួយចំនួនតែពុំមានគ្រោះថ្នាក់ដល់មនុស្សទេ។
បច្ចុប្បន្ន ករណីនេះកម្លាំងសមត្ថកិច្ចនគរបាលខេត្ត និងស្រុកកំពុងញាប់ដៃញាប់ជើងចាត់វិធានការ
ស្រាវជ្រាវស៊ើបអង្កេតបន្ត និងតាមរកចាប់ខ្លួនជនសង្ស័យយកមកផ្តន្ទាទោសតាមផ្លូវច្បាប់៕
សស្អាត