ភ្នំពេញ៖ យោងតាមទិន្នន័យពីអាកាសយានដ្ឋានកម្ពុជា នៅថ្ងៃម្សិលមិញនេះ បានឲ្យដឹងថា អាកា
សយានដ្ឋានអន្តរជាតិទាំងពីររបស់កម្ពុជា បានទទួលនូវភ្ញៀវបរទេសចំនួន ៧០២.០៧០នាក់ នៅក្នុង
រយៈពេលបីខែដើមឆ្នាំ២០១៣នេះ មានការកើនឡើងរហូតដល់២១ភាគរយ ពីចំនួនភ្ញៀវបរទេសចំនួន ៥៦៩.៧៧០នាក់ ក្នុងរយៈពេលដូចគ្នា កាលពីឆ្នាំមុន។
ទីភ្នាក់ងារសារព័ត៌មាន ចិនស៊ិនហួ បានឲ្យដឹងនៅថ្ងៃទី៤ ខែឧសភា ឆ្នាំ២០១៣នេះ ថា ក្រុមមន្រ្តីបាន
ចាត់ទុកថា ការកើនឡើងនេះ ដោយសារតែមានការផ្សព្វផ្សាយពីវិស័យទេសចរណ៍ កាន់តែទូលំទូលា
យដល់បណ្តារប្រទេសនៅលើពិភពលោក មានជើងហោះហើរផ្ទាល់ជាច្រើន ជាមួយបណ្តាប្រទេសពី
សន្តិសុខល្អ និងស្ថេរភាពនយោបាយ នៅក្នុងប្រទេសកម្ពុជា ថែមទាំងការងើបឡើងវិញ នូវកំណើន
សេដ្ឋកិច្ចសកល។
ក្នុងអំឡុងរយៈពេលខែមករា-មីនាឆ្នាំនេះ អាកាសយានដ្ឋានអន្តរជាតិភ្នំពេញ បានទទួលស្វាគមន៍ភ្ញៀវ
បរទេសចំនួន២៧៤.៨២០នាក់ មានការកើនឡើង១៣ភាគរយ ប្រៀបធៀបជាមួយរយៈដូចគ្នាកាលពី
ឆ្នាំមុន ខណៈពេលដែលអាកាសយានដ្ឋាន អន្តរជាតិសៀមរាប ទទួលបានភ្ញៀវបរទេសចំនួន៤២៧.២
៥០នាក់ មានការកើនឡើង៣១ភាគរយ។
នាយកនៃនាយកដ្ឋានស្ថិតិរបស់ក្រសួងទេសចរណ៍កម្ពុជាលោក គង់ សុភារក្ស បានឲ្យដឹងថា ការកើន
ឡើងនេះ គឺដោយសារតែការផ្សព្វផ្សាយពីវិស័យទេសចរណ៍របស់យើង កាន់តែធំទូលាយកម្ពុជាការ
ងើបឡើងវិញនូវសេដ្ឋកិច្ចសាកល ស្ថេរភាពនយោបាយ និងសន្តិសុខពេញលេញរបស់កម្ពុជា ។
លោកបានបន្តទៀតថា ភ្ញៀវទេសចរមកពី ប្រទេសក្នុងតំបន់បានរួមចំណែកយ៉ាងធំ ចំពោះកំណើននៅក្នុងតួលេខនេះ។ របាយការណ៍ភ្ញៀវទេសចរចុងក្រោយបានបង្ហាញថា កម្ពុជាបានទទួលស្វាគម
ន៍ភ្ញៀវទេសចរជនជាតិកូរ៉េខាងត្បូងមានចំនួន១២០.១០០នាក់ នៅក្នុងរយៈពេលពីរខែដំបូងនៃឆ្នាំនេះ មានការកើនឡើង៩ភាគរយ ដែលបានធ្វើឲ្យ ភ្ញៀវទេចរកូរ៉េខាងត្បូង ជាប្រភពទេសចរដ៏ធំបំផុតស
ម្រាប់កម្ពុជា។ ភ្ញៀវទេសចរវៀតណាម បានឡើងមកលំដាប់ទី២ ក្នុងចំនួនភ្ញៀវទេសចរ១១៣.៤២០
នាក់ ធ្លាក់២ភាគរយហើយភ្ញៀវទេសចរចិន បានឈរក្នុងលំដាប់ទី៣ ក្នុងចំនួនភ្ញៀវទេសចរ៩៥.៤៤០
នាក់ មានការកើនឡើង៥៣ភាគរយ។
គួរបញ្ជាក់ថា ភ្ញៀវទេសចរមកប្រទេសកម្ពុជាភាគច្រើនបានចំណាយពេលពេលវេលារបស់ពួកគេធ្វើ
ដំណើរទៅទស្សនាតំបន់បេតិកភណ្ឌពិភពលោក ប្រាសាទអង្គរវត្ត ដែលស្ថិតនៅភាគពាយ័ព្យក្នុងខេត្ត
សៀមរាបដែលមានចំងាយប្រហែល៣១៥គីឡូម៉ែតពីរាជធានីភ្នំពេញ ៕
សស្អាត