សៀមរាប៖ តាមរយៈរូបភាពដ៏ប្រណីតៗ នៃបា្រង្គប្រាសាទដ៏ផូរផង់របស់កម្ពុជា ប្រមាណជា ១០០ ប្រសាទនៅក្នុងទីក្រុងសៀមរាប រួមទាំងប្រាសាទអង្គរវត្ត ដែលមានមានវត្តមាននៅក្នុងទំព័រ Street View (https://www.google.com/maps/views) និងវិទ្យាស្ថានចងក្រងវប្បធម៌ (Google Culture Institute) (https://www.google.com/cultural institute/home ?view=grid) របស់ Google ហើយ។
ការដាក់បញ្ចូលប្រាសាទបុរាណរបស់ខ្មែរកម្ពុជា លើទំព័ររបស់ Google ទាំងពីរនេះ ត្រូវបានរំពឹងថា នឹងធ្វើឲ្យមនុស្សជាតិនៅលើពិភពលោក បានស្គាល់កាន់តែច្បាស់ថែមទៀត អំពីប្រាសាទបុរាណដ៏ប្រណីតរបស់ខ្មែរ ហើយអាចនឹងជួយទាក់ទាញ ភ្ញៀវទេសចរអន្តរជាតិកាន់តែច្រើន តាមផ្ទាំងទស្សនីយភាព នៃរូបភាពទាំងអស់នេះផងដែរ។
ពិធីសម្ពោធដាក់បង្ហាញ និងប្រើប្រាស់ជាផ្លូវការនូវរូបភាពស្ទ្រីតវីយូ (Street View Imagery) នៃតំបន់អង្គរដ៏ល្បីល្បាញ នៅលើផែនទី Google Maps និងនៅក្នុងគម្រោងអច្ឆរិយវត្ថុពិភពលោក (World Wonder Project) របស់វិទ្យាស្ថានចងក្រងវប្បធម៌ (Google Culture Institute) របស់ Googleត្រូវបានធ្វើឡើង នាព្រឹកថ្ងៃទី០៣ ខែមេសា ឆ្នាំ២០១៤ លើទឹកដីអង្គរ ដោយមានការចូលរួមពីក្រុមអ្នកសារព័ត៌មានជាតិ និងអន្តរជាតិ ជាច្រើននាក់៕
ដោយ៖ សស្អាត