ភ្នំពេញៈ លោក សាយ សំអាល់រដ្ឋមន្ត្រីក្រសួងបរិស្ថាន បានទទួលជួបគណ:ប្រតិភូនៃអង្គការមូលនិធិសកលសម្រាប់អភិរក្សធម្មជាតិ ប្រចាំនៅកម្ពុជា (World Wide Fund For Nature) ហៅកាត់ថា WWF នៅព្រឹកថ្ងៃទី៣១ ខែមីនា ឆ្នាំ២០១៤ ដដែល។
.jpg)
លោក ឈិត សំអាត នាយកអង្គការ WWF ប្រចាំនៅកម្ពុជា បានលើកឡើងនូវគោលបំណងនៃជំនួប គឺដើម្បីជូនពរក្នុងឱកាសបុណ្យចូលឆ្នាំថ្មី ប្រពៃណីខ្មែរ ក៏ដូចជា ជម្រាបជូនលោករដ្ឋមន្ត្រីអំពីសមិទ្ធផលនិងការប្រឈមនានា សំដៅស្វែងរកកិច្ចសហការល្អពីសំណាក់ក្រសួងបរិស្ថាន ក្នុងការទប់ស្កាត់រាល់បទល្មើសក្នុងដែនជម្រកសត្វព្រៃ ជាពិសេសនៅតំបន់ភ្នំព្រេច។
ជាការឆ្លើយតប លោករដ្ឋមន្ត្រីបានសម្តែងនូវការកោតសរសើនិងថ្លែងអំណរគុណ ដល់អង្គការដែលបានរួមចំណែកដល់កិច្ចគាំពារបរិស្ថាន ការអភិរក្សជីវ:ចម្រុះ និងការប្រើប្រាស់ធនធានឱ្យបានសមស្រប ហើយលោកក៏បានស្វាគមន៍ចំពោះការលើកឡើងនូវគន្ត្រីម្រោងផែនការគ្រប់គ្រងដែនជម្រកសត្វព្រៃ ដែលក្នុងនោះមានផែនការកំណត់ព្រំនៃតំបន់ដែនជម្រកសត្វព្រៃជាដើម។ លោករដ្ឋមន្ត្រីមានជំនឿយ៉ាងមុតមាំថា អង្គការនឹងបន្តកិច្ចសហការល្អជាមួយរាជរដ្ឋាភិបាល តាមរយ:តួនាទីរបស់ក្រសួងស្ថាប័នពាក់ព័ន្ធ ដើម្បីឧត្តមប្រយោជន៍របស់សង្គមជាតិនិងបុព្វហេតុសុខ សន្តិភាព និងការអភិវឌ្ឍនៅកម្ពុជា៕
ដោយៈ ភីនរ៉ា