កណ្តាល៖ យុវជនម្នាក់ត្រូវបានសមត្ថកិច្ច នគរបាល ស្រុកកោះធំ ចាប់ខ្លួន កាលពីវេលាម៉ោង២៣ និង១០នាទី ថ្ងៃទី២០ ខែមីនា ឆ្នាំ២០១៤ នៅចំណុចផ្ទះរបស់ ឈ្មោះ ផៃ ធីម ប្រុស ស្ថិតក្នុង ភូមិព្រែកតាសេក ឃុំជ្រោយតាកែវ ស្រុកកោះធំ ខេត្តកណ្តាល បញ្ជូនទៅកាន់អធិការដ្ឋាន នគរបាលស្រុកដើម្បី កសាងសំណុំ រឿងចាត់ការតាម និតិវិធីច្បាប់បន្ទាប់ ពីយុវជនខាងលើនេះ បានល្បួងក្មេងស្រី អាយុ១៤ឆ្នាំ ដើម្បីរួមភេទ ។
លោក មុយ ចាន់ពេជ្រ អធិការនគរបាល ស្រុកកោះធំបានប្រាប់ឱ្យដឹងថា ជនសង្ស័យដែលត្រូវ បានចាប់ខ្លួន នោះមានឈ្មោះ ឃាម ផាន្នី ភេទប្រុស អាយុ២០ឆ្នាំ មានទីលំនៅក្នុង ភូមិចារថ្នី ឃុំទំនប់ដាច់ ស្រុកត្រពាំងប្រាសាទ ខេត្តឧត្តមានជ័យ ។ ចំណែកក្មេងស្រី រងគ្រោះមាន ឈ្មោះ ហួន ស្រីដាវ អាយុ១៤ឆ្នាំ មានទីលំនៅ ភូមិខ្វាវលិច ឃុំស្វាយចេក ស្រុកស្វាយចេក ខេត្តបន្ទាយមានជ័យ ។
លោកអធិការបានបញ្ជាក់ ថាជនសង្ស័យខាង លើនេះបានល្បួង ក្មេងស្រីរងគ្រោះពី ផ្ទះនៅខេត្តបន្ទាយមានជ័យ យកទៅរួមរក្សនៅ ខេត្តកំពត និងបន្តយកទៅផ្ទះ ឈ្មោះ ផៃ ធីម ដែលជាសាច់ញាតិ នៅក្នុងភូមិ/ឃុំកើត ហេតុខាងលើ អស់រយៈពេលជា ច្រើនថ្ងៃរហូត ឪពុយកម្តាយខាងស្រី តាមទាន់ក៍ប្តឹង សមត្ថកិច្ច ឲ្យជួយអន្តរាគមន៍ ចាប់ខ្លួនជនសង្ស័យ ចាត់ការតាម និតិវិធីច្បាប់តែម្តង។
បច្ចុប្បន្នជនសង្ស័យ ត្រូវបានសមត្ថកិច្ច នគរបាលស្រុកកោះធំ ឃុំខ្លួនបណ្តោះអាសន្ន ដើម្បីរងចាំ បញ្ជូនខ្លួនទៅកាន់ស្នង ការដ្ឋាននគរបាល ខេត្តកណ្តាល ចាត់ការបន្តតាមច្បាប់៕
ដោយ៖ ភីនរ៉ា