ភ្នំពេញ៖ មន្ត្រីសាលារាជធានីភ្នំពេញ អាជ្ញាធរខណ្ឌដូនពេញ សហការជាមួយអង្គការចលនាដើម្បីសុខភាព
កម្ពុជា និងមានការចូលរួមពីកាកបាទក្រហមកម្ពុជានៅព្រឹកថ្ងៃទី០៦មិថុនានេះបានធ្វើយុទ្ធនាការចុះអប់រំប្រ
ជាពលរដ្ឋ និងបកក្រដាសបិទផ្សាយពាណិជ្ជកម្មបារីគ្រប់ប្រភេទ ដើម្បីកាត់បន្ថយការទាក់ទាញអ្នកជក់បារី។
លោកស្រី ចាន់សុគន្ធា នាយិការរងទីចាត់ការអន្តរវិស័យរដ្ឋបាលនៃសាលារាជធានីភ្នំពេញ បានមានប្រសា
សន៍ថា មន្ត្រីពាក់ព័ន្ធបានចុះផ្សព្វផ្សាយពីផលប៉ះពាល់នៃការជក់បារីដល់ប្រជាពលរដ្ឋគ្រប់ស្រទាប់ទាំអស់
ទូទាំងខណ្ឌដូនពេញ ។ ក្រៅពីនេះ មន្ត្រី និងក្រុមយុវជនកាកបាទក្រហមបានចុះបកខិតប័ណ្ណផ្សាយពាណិជ្ជ
កម្មនៅតាមផ្ទះលក់បារីមួយចំនួនដោយបានបាញ់ថ្មាំជាសញ្ញាសំគាល់ ហើយនៅថ្ងៃក្រោយបើកន្លែងនេះដ៏
ដែលនៅតែបិទផ្សាយទៀតអាជ្ញានិងមានវិធានការផាកពិនិន័យទៅតាមភាពជាក់ស្តែង។
លោកស្រី ចាន់សុគន្ធាបានបន្តថា សាលារជធានីភ្នំពេញជានិច្ចជាកាលបានប្តេជ្ញាចិត្តអនុវត្តន៍នូវរាល់ច្បាប់
និងលិខិតគតិយុត្តិដែលបានដាក់ចេញដោយរដ្ឋាភិបាលកម្ពុជា។ ក្នុងនោះសាលារាជធានីក៏បានដាក់ចេញ
សេចក្តីជូនដំណឹងដល់ក្រុមហ៊ុននាំចូល ចែកចាយបារី អ្នកលក់ដុំ ព្រមទាំងក្រុមហ៊ុនពាក់ព័ន្ធអោយបញ្ឈប់ជា
បន្ទាន់នូវការផ្សព្វផ្សាយពាណិជ្ជកម្មបារីគ្រប់រូបភាព ។
តែទោះ ជាយ៉ាងនេះក្តីយើងសង្កេតឃើញថា ការផ្សាយពាណិជ្ជកម្មបារីនៅតែបន្តកើតមានឡើង។ ដូច្នេះ រាជ
ធានីភ្នំពេញបានដាក់ចេញនូវសេចក្តីជួនដំណឹងមួយថ្មីទៀត ដោយណែនាំអោយសាលាខណ្ឌទាំង៩ចុះអប់រំ
ណែនាំដល់អាជីវករដែលពាក់ព័ន្ធ និងដកហូតសម្ភារផ្សាយពាណិជ្ជកម្មបារី ដែលល្មើសនិងអនុក្រឹត្យលេខ៣៥
អនក្រ.បក របស់រាជរដ្ឋាភិបាលកម្ពុជា។
លោកមេធាវី កែវសុខគាប្រចាំអង្គការចលនាដើម្បីសុខភាពកម្ពុជា(CHM) បានមានប្រសា សន៍ថា យុទ្ធនាការ
ណ៍ថ្ងៃនេះ គឺចង់ឱអោយប្រជាពលរដ្ឋបានយល់ដឹងនូវខ្លឹមសាររួម អនុក្រឹត្យ និងសេចក្តីប្រកាសរបស់ក្រសួង
សុខាភិបាលស្តីពីការហាមប្រាមមិនឱ្យផ្សព្វផ្វផ្សាយ ពាណិជ្ជក ម្មបា រី ។ លោកបានបញ្ជាក់ថា អនុក្រឹត្យស្តី
ការហាមឃាត់ចំពោះការផ្សាយពាណិជ្ជកម្មផលិតថ្មាំជក់ បានហាមឃាត់ការផ្សាយពាណិជ្ជកម្មបារីគ្រប់ប្រភេទ
ទោះបីជាក្នុងរូបភាពណាក៏ដោយ ដែលមានដូចជាការផ្សព្វផ្សាយតាមផ្ទាំងរូបភាព ផ្ទាំងបដា ផ្ទាំងបាណូ ឆ័ត្រ
យានយន្តចល័ត ប័ណ្ឌផ្សព្វផ្សាយ និងសម្ភា រៈផ្សេងៗ ។ ក្នុងន័យនេះ ការផ្សព្វផ្សាយពាណិជ្ជកម្មបារី នៅលើ
ធុងលក់បារី និងនៅក្នុងហាង ភោជ នីយដ្ឋាន ឬហាងកាហ្វេត្រូវបានហាមឃាត់ ។
ការដាក់តាំងទូបារី គឺអនុញ្ញតិអោយមានតែមួយនៅកន្លែងលក់តែមួយប៉ុណ្ណោះ ហើយការរៀបកញ្ចប់បារី គឺ
អនុញ្ញតិអោយមានតែមួយកញ្ចប់ ក្នុងមួយម៉ាក់។
លោកវេជ្ជបណ្ឌិត មុំ គង់ នាយកប្រតិបត្តិអង្គការចលនា ដើម្បីសុខភាពកម្ពុជាធ្លាប់បានលើកឡើងថា នៅលើ
ពិភពលោកជារៀងរាល់ឆ្នាំមនុស្ស៦លាននាក់បានស្លាប់ បណ្តាលមកពីប្រើប្រាស់ថ្នាំជក់នេះ ក្នុងនោះមានពល
រដ្ឋកម្ពុជាជិត១ម៉ឺននាក់ ហើយត្រូវចំណាយថវិកាជិត១០០លានដុល្លារ ចំណែកការចំណាយព្យាបាលដោយការ
ជក់បារីមានទំហំធំជាងប្រាក់ចំណាយទិញបារីច្រើនដង។ លោកបន្តថា អ្នកស្រូបផ្សែងបារីពីគេ បណ្តាលឲ្យអ្នក
មិនជក់៦រយពាន់នាក់ ស្លាប់ក្នុងមួយឆ្នាំៗ លើពិភពលោក ហើយកម្ពុជាស្ថិត ក្នុងចំណោមប្រទេស មានអត្រា
អ្នកជក់បារីខ្ពស់ក្នុងចំណោមបុរស៤២% មានអ្នកស្រូបផ្សែងបារីពីគេច្រើន៕ដោយ៖ ស.ស្អាត