ភ្នំពេញ ៖ គ្រោះថ្នាក់ចរាចរណ៍នៅទូទាំងប្រទេសកើតឡើង១០លើក (យប់០៦លើក) បណ្តាលឲ្យមានមនុស្សស្លាប់០៧នាក់ (ស្រីម្នាក់) និងរងរបួសធ្ងន់២៣នាក់(ស្រី១០នាក់) របួសស្រាល០៣នាក់ (ប្រុស)។នៅក្នុង ហេតុការណ៍គ្រោះថ្នាក់ចរាចរណ៍ទាំង១០លើកបានបង្កឲ្យខូចខាតយានយន្ត សរុប១៥គ្រឿងក្នុងនោះម៉ូតូ១៣គ្រឿង រថយន្តធុនតូច០១គ្រឿង យានផ្សេងៗ០១គ្រឿង។
ប្រភព ព័ត៌មាន បន្តទៀតថា មូលហេតុដែលបង្កឲ្យកើតមានករណីគ្រោះថ្នាក់ចរាចរណ៍គឺបណ្តាលមកពី ល្បឿន០២លើក មិនគោរពសិទ្ធិ០២លើក បត់គ្រោះថ្នាក់០១លើក ស្រវឹង០៤លើក កត្តាយានយន្ត០១លើក ក្នុងនោះជិះម៉ូតូគ្រោះថ្នាក់មិនពាក់មួក១៩នាក់ (យប់១៣នាក់)។
ប្រភពព័ត៌មាន បានបញ្ជាក់ថា រថយន្តដែលត្រូវផាកពិន័យនៅអង្គភាពកាលពីថ្ងៃទី១៨ ខែមីនា ឆ្នាំ២០១៤ នេះសរុបចំនួន៤២៩គ្រឿង ក្នុងនោះមានរថយន្តទេសចរណ៍គ្រួសារ៣៩គ្រឿង រថយន្តដឹកអ្នកដំណើរធុនតូច១៨៨គ្រឿង រថយន្តដឹកអ្នកដំណើរធុនធំ០៦គ្រឿង រថយន្តដឹកទំនិញធុនតូច៥៦គ្រឿង រថយន្តដឹកទំនិញធុនធំ ១៤០គ្រឿង។ រថយន្តទាំងអស់ត្រូវបានបង់ប្រាក់ពិន័យរួចនៅអធិការដ្ឋាននគរបាល ស្រុក២៧គ្រឿងស្នងការដ្ឋាននគរបាលខេត្ត៤០២គ្រឿង។នេះបើយោង តាមរបាយការណ៍ពីនាយកដ្ឋានសណ្ដាប់ធ្នាប់នៃអគ្គស្នងការដ្ឋាននគរ បាលជាតិ កាលពីថ្ងៃទី១៨ ខែកុម្ភៈ ឆ្នាំ២០១៤ ៕ ភីនរ៉ា