ភ្នំពេញ៖ អភិបាលរាជធានីភ្នំពេញ លោកប៉ា សុជាតិវង្ស បានប្រកាសឲ្យបិទអាជីវកម្មស៊ីសាឲ្យអស់ពីរាជធានីភ្នំពេញ។ការប្រកាស បែបនោះ ត្រូវបានធ្វើឡើងនៅក្នុងពិធីបើកសន្និបាតបូក សរុបការងារនិង លើកទិសដៅការងារថ្មីរបស់ក្រុមប្រឹក្សារាជធានីភ្នំពេញ នាព្រឹកថ្ងៃទី២៥ ខែ កុម្ភៈ ឆ្នាំ២០១៤នេះ។គួបញ្ជាក់ថា ស៊ីសា (Shisha) ដែលមានដើម កំណើតនៅប្រទេសអេហ្ស៊ីប ក្រោយមកក៏បាន បន្តសាយភាយ ទៅកាន់ទឹកដីអាម៉េរិកខាងជើង អាម៉េរិកខាងត្បូង អឺរ៉ុប អូស្ត្រាលី តង់ហ្សានី អាស៊ីអាគ្នេយ៍ និងអាហ្វ្រិកខាងត្បូង ហើយវាជាគ្រឿងជក់ ដែលមានប្រជាប្រិយភាពបំផុត ចំពោះយុវវ័យនាសម័យនេះ ។
.jpg)
ស៊ីសាទើបបានហូរចូលកម្ពុជានាពេលថ្មីៗនេះ ហើយបានធ្វើឲ្យយុវវ័យកម្ពុជា មួយចំនួនធំនៅរាជធានីភ្នំពេញ ឈ្លក់វង្វេងជាមួយនឹងការប្រើប្រាស់ តាមក្លឹបកម្សាន្តនិងកន្លែងអាជីវកម្មមួយចំនួនធំ នៅរាជធានីភ្នំពេញ សៀមរាប និងខេត្តព្រះសីហនុ។លោក ប៉ា សុជាតិវង្ស អភិបាលរាជធានីភ្នំពេញ បានប្រកាសបិទ មិនឱ្យមានការប្រើប្រាស់នូវ ឬ ជក់ស៊ីសាទៀត ឡើយ ៕
ដោយ៖ ស ស្អាត