ភ្នំពេញ៖ រាជរដ្ឋាភិបាលកម្ពុជាមានផែនការបង្រៀនដល់កសិករទាំងអស់ និងរោង​ម៉ាស៊ីន​កិន​ស្រូវឲ្យចេះកែច្នៃផលិតផលដែល មានស្រាប់ដូចជាអង្កាម ឲ្យទៅជាថាមពលអគ្គីសនី​ដើម្បី​យក​មក​ប្រើប្រាស់ក្នុងសង្វាកផលិតកម្មរបស់ខ្លួន បន្ទាប់ពីទទួល បាន​ជំនួយបច្ចេកទេស ពី​ប្រទេស​ជប៉ុន។ក្នុងសិក្ខាសាលាផ្សព្វផ្សាយការប្រើប្រាស់ថា មពលជីវម៉ាសប្រភេទអង្កាមនៅតាមទី​ជនបទ នៅព្រឹកថ្ងៃទី១៧ ខែមីនា លោក ស៊ុយ សែម រដ្ឋមន្រ្តីក្រសួងរ៉ែ និងថាមពលមានប្រសាសន៍ថា ការកែច្នៃអង្កាមទៅជាថាម​ពល​អគ្គីសនីនៅតាមរោងម៉ាស៊ីនកិនស្រូវនានាទាំងខ្នាតតូច និង​មធ្យមនឹងទទួល បានផលចំណេញច្រើននៅក្នុងសង្វាគ​ផលិតកម្ម​របស់ពួកគេ។

លោករដ្ឋមន្រ្តីបញ្ជាក់ថា បច្ចេកទេសដ៏ ល្អនេះនឹងត្រូវផ្សព្វផ្សាយជូនប្រជាពលរដ្ឋឲ្យបានយល់​ដឹងកាន់តែទូលំទូលាយ បន្ទាប់​ពីការសិក្សា ស្រាវជ្រាវរវាងអង្គការនេដូរបស់ជប៉ុន និង​ក្រុមហ៊ុនសុខកែវផលិតអង្ករកម្ពុជាអនុវត្តទទួលបានជោគ ជ័យកន្លង​មក។ បច្ចុប្បន្ននេះ​នៅ​កម្ពុជា​ការទាញយកកាក់សំណល់កសិកម្មមកបំលែង ជាថាមពលអគ្គីសនីត្រូវបានប្រើប្រាស់​បច្ចេក​ទេស​ជាច្រើនរូបភាព ដូចជាអង្កាម ស្នូលពោត សំបក ដូង ឬកាកអំពៅជាដើម ហើយទាំងនេះទទួលបានអត្ថប្រយោជន៍​ច្រើនដោយ​មិន​ត្រឹមតែមានថាមពលអគ្គីស ប្រើ​ប្រាស់​​​ប៉ុណ្ណោះទេ ឬអាចប្រើប្រាស់ជាជីវធ្យូងដើម្បីកែលម្អដីកសិកម្មផងដែរ។

លោក ហ្វ៊ុរុ កាវ៉ា ប្រធានអង្គកាណេដូមានប្រសាសន៍ថា នៅកម្ពុជាអគ្គីសនីមានតម្លៃ​ថ្លៃទាមទាឲ្យមាន ការប្រើប្រាស់​បច្ចេកទេស​ទាំងនេះ ដើម្បីផ្គត់ផ្គង់ថាមពលអគ្គីសនីនៅក្នុង​រោង​ចក្រឲ្យបានគ្រប់គ្រាន់ ហើយកាត់បន្ថយផលប៉ៈពាល់បរិស្ថានទៀតផង។លោក ហ្វ៊ុរុ កាវ៉ា បញ្ជាក់ថា ប្រពន្ធ័បច្ចេកវិទ្យារបស់គំរោងនេះ មានគុណសម្បត្តិ​បីយ៉ាងដែល​អាចចូលរួមចំ ណែកលើក​ស្ទួយ​កិច្ច​ប្រឹងប្រែងរបស់រាជរដ្ឋាភិបាល ក្នុងការបង្កើនអត្រា​អគ្គីសនីយកម្ម ការសន្សំសំចៃថាមពល និងការជំរុញការនំាចេញអង្ករដែល​មាន​​គុណភាព​ខ្ពស់។ ក្នុងនោះទី១បច្ចេកទេសនេះ អាចដំណើរការបានដោយភាពឯករាជ្យទោះបីជាក្នុង​ភូមិស្រុកគ្មានអគ្គីសនីក៏​ដោយ​ ទី២អាចកិន​អង្ករ ដែលមានគុណភាព និងទី៣អាចផលិតជា​ធ្យូង​​សម្រាប់កែលម្អគុណភាពដីផងដែរ។

លោកស្រី សុខ កែវ ប្រធានក្រុមប្រឹក្សាភិបាលក្រុមហ៊ុនសុខកែវអ៊ីមផតអ៊ិចផតមានប្រសាសន៍​ថា តាមរយៈគម្រោង​ជំនួយ​នេះ​ពិតជាផ្តល់ផលប្រយោជន៍ជាច្រើនជូនប្រជាពលរដ្ឋ​ទូទាំង​ស្រុកត្រាំកក់ ក៏ដូចជាប្រជាពលរដ្ឋនៅទូទាំងប្រទេស ដោយបានរួម​ចំណែកកាត់បន្ថយ​ភាពក្រីក្រ ដោយការប្រែក្លាយកាកសំណល់អង្កាមឲ្យទូទៅជាជីវធ្យូធម្មជាតិសម្រាប់ប្រើប្រាស់​ក្នុងការដំាដុះ ធ្វើឲ្យដំណាំទ ទួលទិន្នផលកើនឡើងជាលំដាប់។

លោកស្រីបានសន្យានឹងបន្ត​ជួយផ្សព្វផ្សាយដល់ប្រជាកសិករឲ្យ ចេះប្រើប្រាស់ជីវម៉ាស​ប្រភេទ​អង្កាមឲ្យកាន់តែទូលំទូលាយ ពិសេស​ជំរុញ​​ឲ្យ​ការនាំចេញអង្ករកម្ពុជា មានការ​កើន​ឡើងដែលអាចឈានដល់ការសម្រេចគោល​ដៅរបស់រាជរដ្ឋាភិបាល​ក្នុង​ការនាំអង្ករ ចេញអង្ករ​ឲ្យបាន១លានតោននៅក្នុងឆ្នាំ២០១៥ខាងមុខនេះ៕ ដោយ៖ សស្អាត