ជ្រុងមួយនៃក្ដីស្រឡាញ់

មិត្តយុវវ័យយើងដឹងច្បាស់ថា ថ្ងៃ ១៤ កុម្ភៈ ជាថ្ងៃអ្វី ប៉ុន្តែជាមួយគ្នានោះ មិត្តយុវវ័យយើងបែរជាយល់ច្រឡំទៅវិញចំពោះអត្ថន័យនៃថ្ងៃនេះ ពោលគឺពី “ថ្ងៃនៃក្ដីស្រឡាញ់” ទៅជា “ថ្ងៃបុណ្យសង្សារ” ។

ជាមួយ ការយល់ច្រឡំបែបនេះ បាននាំឲ្យមានកំហុសឆ្គងមួយចំនួន ដែលរហូតដល់ទៅ មានការលះបង់ខ្លួនប្រាណខ្លួនឯងពីសំណាក់យុវតីខ្មែរយើង ឲ្យទៅគូសង្សារជាថ្នូរនឹងការបង្ហាញទឹកចិត្តស្រឡាញ់ និងតបតាមការលួងលោមរបស់ភាគីជាដៃគូទៅទៀត។

យ៉ាងណាក៏ដោយ ការភ័ន្តច្រឡំទាំងនេះ បានកើតមានផុលផុសកាលពីប៉ុន្មានឆ្នាំមុនប៉ុណ្ណោះ ខណៈមកទល់នឹងពេលនេះ ការភ័ន្តច្រឡំបានផ្លាស់ប្ដូរជាបណ្ដើរៗ ពោលគឺយុវវ័យយើង ចាប់ផ្ដើមយល់ច្បាស់ថា ថ្ងៃ “១៤ កុម្ភៈ” គឺជាថ្ងៃអ្វីឲ្យពិតប្រាកដ ស្របតាមការខំប្រឹងរបស់បណ្ដាភាគីដែលពាក់ព័ន្ធនានា ក្នុងការបញ្ជ្រាបការអប់រំស្ដីពីថ្ងៃដ៏ពិសេសនេះ រួមទាំងសកម្មភាពទប់ស្កាត់ពីសមត្ថកិច្ចផង។

ពិតមែនហើយ ថ្ងៃ ១៤ កុម្ភៈ គឺជា”ថ្ងៃនៃក្ដីស្រឡាញ់” ដែលជាន័យដ៏ទូលំទូលាយមួយត្រូវបានប្រើទូទាំងពិភពលោក។ ក្ដីស្រឡាញ់នោះ អាចត្រូវស្ដែងចេញជាមួយគ្រប់បុគ្គល ក្នុងនោះមានក្ដីស្រឡាញ់ស្ដែងចេញរវាង ភរិយា និងស្វាមី បង និងប្អូន កូនជាមួយ ឪពុកម្ដាយជាដើម។

រូបភាពខាងក្រោមនេះ គឺជាជ្រុងមួយនៃការស្ដែងចេញនូវក្ដីស្រឡាញ់។ តោះ ទស្សនាបន្តិចមើល…!!!
អីចឹង…! គ្នាយើងជ្រើសរើសរូបភាពណាមួយ ដើម្បីស្តែងចេញពីក្តីស្រឡាញ់ទៅកាន់បុគ្គលសំខាន់ៗរបស់យើង…?

ដកស្រង់ចេញពីគេហទំព័រSabay

អត្ថបទស្ថិតក្នុងប្រភេទតែមួយ