ប្រព័ន្ធមីស៊ីលនុយក្លេអ៊ែរកូរ៉េខាងជើង បានបែរកាណុងត្រៀមរួចរាល់នឹងបាញ់ ខណៈដែលកូរ៉េខាងត្បូងបានប្រកាសអាសន្នកម្រិតខ្ពស់នៅថ្ងៃនេះ ស្របពេលដែលអគ្គលេខាធិការអង្គការសហប្រជាជាតិ បាន គីមូន ព្រមានថា ឧបទ្វីបកូរ៉េអាចនឹងគ្រប់គ្រងលែងបាន។
អាមេរិក និងកូរ៉េខាងត្បូង ជឿថា កូរ៉េខាងជើងអាចនឹងបាញ់សាកល្បងមីស៊ីលនុយក្លេអ៊ែរឆ្លងទ្វីប ដែលមានរយៈចម្ងាយ ៣០០០ គីឡូម៉ែត្រ គ្រប់ពេលវេលាទាំងអស់ចាប់ពីថ្ងៃនេះតទៅ បន្ទាប់ពីព័ត៌មានចារកម្មចុងក្រោយបង្ហាញថា កូរ៉េខាងជើងបានរៀបចំបាញ់មីស៊ីលរួចរាល់ហើយ។
គ្រាប់រ៉ុក្កែតកូរ៉េខាងជើងសាកល្បងនាពេលកន្លងមក
ចំណែក ព្រំដែនរួមរវាងកូរ៉េខាងជើង និងចិនវិញ ត្រូវបិទមិនឲ្យក្រុមភ្ញៀវទេសចរចូលនោះទេ ដោយសារតែឧបទ្វីបកូរ៉េជិតកើតមានសង្គ្រាមនុយក្លេអ៊ែរ។
ងាកមកមើលជប៉ុនវិញ ក៏ត្រៀមរួចរាល់ផងដែរចំពោះខែលការពារមីស៊ីល Patriot របស់ខ្លួន និងបានព្រលយសម្ដីថា នឹងបាញ់ទម្លាក់មីស៊ីលរបស់កូរ៉េខាងជើង បើសិនមីស៊ីលនោះបាញ់ចូលក្នុងដែនដីខ្លួន។
ព័ត៌មានក្ដៅៗជុំវិញកូរ៉េខាងជើង សូមចុចត្រង់នេះ៕
ប្រភព៖ Sabay