ភ្នំពេញ៖ កំលាំងជំនាញសមត្ថកិច្ចក្រសួងមហាផ្ទៃ សហការជាមួយព្រះរាជអាជ្ញា​សាលា​ដំបូងរាជធានីភ្នំពេញ និង​ដោយ​មានការចូលរួមពីអាជ្ញាធរដែនដី និងក្រុមនិស្សិត​ចៅក្រមផងនោះ នៅព្រឹកថ្ងៃទី១៣ ខែមីនា ឆ្នាំ២០១៤នេះ បាន​បន្តធ្វើការស៊ើបអង្កេត​ស្រាវជ្រាវយ៉ាងសកម្ម ដើម្បីស្វែងរកមុខសញ្ញាក្នុងករណីចោរលួចយក ព្រះរតកោដ​​​​ចំនួនមួយ រូបព្រះបដិមាករស្រោបមាសចំនួន ០៥ព្រះអង្គ និងភ្លុកដំរីមួយគូរ ។ លោក មួង សុធា អនុប្រធាននា​​​​​​​​​​យក​​​ដ្ឋានបច្ចេកទេស និងវិទ្យាសាស្ត្រ ក្រសួងមហាផ្ទៃ​បានឲ្យដឹងថា កោដចំនួនមួយ  រូបព្រះបដិមាករស្រោប​​មាសចំនួន​០៥​ព្រះអង្គ ក្នុងមួយព្រះអង្គ​មាន​ស្រោបមាសទម្ងន់០២តម្លឹង និងភ្លុកដំរីមួយគូរ ប្រវែង ៨តឹក សរុបទម្ងន់ ១០គីឡូ​ក្រាម ត្រូវបានជនមិនស្គាល់មុខឡើងកាច់ចង្រឹងដែកបង្អួចខាងមុខ នៃកុដិសុគណកុដិ ខាងត្បូង​មហាកុដិសម្តេច​ព្រះសង្ឃរាជធិបតី  ទេព វង្ស វត្តឧណ្ណា ចូលលួចយកបាត់កាលពីមុនមោង៣​:00ទៀបភ្លឺ ថ្ងៃទី១១ ខែមីនា ឆ្នាំ២០១៤​មកនេះ។

លោកបានបញ្ជាក់បន្ថែមថា បន្ទាប់ពីធ្វើការស្រាវជ្រាវជំហានដំបូងកាលពីថ្ងៃទី១២ រហូតដល់ព្រឹកមិញថ្ងៃទី១៣ ខែ​មីនា ឆ្នាំ២០១៤នេះ កំលាំងជំនាញសមត្ថកិច្ចក្រសួងមហាផ្ទៃ សហការជា​​​​​​​មួយព្រះរាជអាជ្ញាសាលា​​ដំបូងរាជ​ធានី​ភ្នំពេញ អាជ្ញាធរដែនដី និងក្រុមនិស្សិត​ចៅក្រម បានបន្តស៊ើបអង្កេតយ៉ាងសកម្មជាបន្តទៀត ដើម្បីស្រាវជ្រាវ​រកមុខ​សញ្ញា​ក្នុងករណី​ចោរលួចកោដ រូបព្រះបដិមាករ ព្រមទាំងភ្លុកដំរី មកផ្តន្ទាទោសទៅតាមនីតិវិធីផ្លូវច្បាប់។ នៅព្រឹក​ថ្ងៃ​ដដែល​នោះ សមត្ថកិច្ចក៏បានហៅ សិស្ស និស្សិត ដែលស្នាក់នៅក្នុងវត្តនោះ ចំនួន៤នាក់ ទៅសួរនាំ ដើម្បីឈានទៅ​កំណត់​មុខសញ្ញាចាប់ខ្លួនជនប្រព្រឹត្តបញ្ជូន​ទៅតុលា​ការកាត់​ទោសតាមផ្លូវច្បាប់៕

ដោយ៖ ស.ស្អាត