ភ្នំពេញ៖ ស្របតាមគោលនយោបាយរាជរដ្ឋាភិបាល ក្នុងការអនុវត្តយុទ្ធសាស្ត្រចតុកោណដំណាក់កាលទី៣ ក្រសួងផែនការ កាលពីថ្ងៃទី២៨ខែវិច្ឆិកា ឆ្នំា២០១៣ បានជួបជុំគ្នាជាមួយដៃគូនិងម្ចាស់ជំនួយបង្ហាញពីផែនការមេថ្នាក់ជាតិសម្រាប់វិទ្យាសាស្ត្រ និងបច្ចេកវិទ្យាសម្រាប់គម្រោងឆ្នំា២០១៤ -២០២០ នៅទីស្តីការក្រសួង។
.jpg)
លោក ទួន ថាវរៈ រដ្ឋលេខាធិការក្រសួងផែនការ និងជាតំណាងលោក ឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការបានមានប្រសាសន៍ថា ការបង្ហាញផែនការមេថ្នាក់ជាតិ សម្រាប់វិទ្យាសាស្ត្រ និងបច្ចេកវិទ្យា គឺក្នុងគោលបំណង ដើម្បីពិនិត្យមើលរួមគ្នាលើក្រខណ្ឌ ទស្សនៈនៃសេចក្តីព្រាងចុងក្រោយ សម្រាប់ផែនការមេថ្នាក់ជាតិសម្រាប់វិទ្យាសាស្ត្រ និងបច្ចេកវិទ្យា ។
.jpg)
សេចក្តីព្រាងនេះត្រូវបានផ្តួចផ្តើមឡើងសម្រាប់ការពិភាក្សាពិគ្រោះយោបល់ ទំាងក្នុងរង្វង់រដ្ឋាភិបាល និងដៃគូអភិវឌ្ឍដែលអ្នកពាក់ព័ន្ធ។លោកទួន ថាវរៈបន្តថា រាជរដ្ឋាភិបាលបានទទួលស្គាល់ដោយយុគ្គសម័យ សេដ្ឋកិច្ចពុទ្ធិ បច្ចេកវិទ្យាព័តដែលធ្វើការប្រកួតប្រជែងរបស់ប្រជាជាតិនិមួយៗ អាស្រ័យជាសំខាន់លើកក្តាធនធានមនុស្ស ខ្ពង់ខ្ពស់ទូលំទូលាយ មានភាពច្នៃប្រឌិត និងមានជំនាញច្បាស់លាស់ ។ ជាក់ស្តែង នៅក្នុងមុំទី១ នៃចតុកោណទី៤របស់យុទ្ធសាស្ត្រចតុកោណដំណាក់កាលទី៣ ត្រូវពង្រឹង និងការលើកកម្ពស់វិស័យអប់រំវិទ្យាសាស្ត្រនិងបច្ចេកវិទ្យា ព្រមទំាងបណ្តុះបណ្តាលបច្ចេកទេស ជាអាទិភាព។
លោកបានបន្តថា ដើម្បីធានាសន្តិភាពនៃឋានានុក្រម តួនាទីខ្លឹមសារ និងលំដាប់លំដោយនៃការអនុវត្តរវាងយុទ្ធសាស្ត្រចតុកោណ ជាមួយនឹងផែនការយុទ្ធសាស្ត្រអភិវឌ្ឍន៍ជាតិក៏ដូចជាយុទ្ធសាស្ត្រតាមវិស័យ ដែលមានលក្ខខណៈជាផែនការគោលនយោបាយ ក្រសួងផែនការបានសហការជាមួយនឹងស្ថាប័នពាក់ព័ន្ធក្រោមកិច្ចសហប្រតិបត្តិការ និងបច្ចេកទេសរបស់អង្កការKOICA និងអង្កកា KISTEP បានរៀបនូវសេចក្តីព្រាងផែនការមេថ្នាក់ជាតិសម្រាប់វិទ្យាសាស្ត្រនិងបច្ចេកវិទ្យានេះឡើង។
ក្នុងគោលបំណងរួមចំណែកឲ្យសម្រេចបាននូវទិសដៅផែនការយុទ្ធសាស្ត្ររបស់អង្កការសហប្រជាជាតិ និងយុទ្ធសាស្ត្រចតុកោណ ដំណាក់កាល ទី៣របស់រាជរដ្ឋាភិបាលកម្ពុជា។
លោករដ្ឋលេខាធិការបញ្ជាក់ថា ដោយមើលឃើញពីសារៈប្រយោជន៍នៃការអភិវឌ្ឍ វិស័យវិទ្យាសាស្ត្រនិងបច្ចេកវិទ្យានៅកម្ពុជា ក្រោមការគំាទ្រពីសារធារណៈរដ្ឋកូរ៉េ និងផ្អែកលើបទពិសោធន៍ប្រកបដោយជោគជ័យក្នុងវិស័យវិទ្យាសាស្ត្រនិងបច្ចេកវិទ្យា របស់ប្រទេសកូរ៉េ និងភាពមានកម្រិតនៃបទពិសោធន៍ធនធានរបស់កម្ពុជា។ ក្រសួងផែនការបានលើកសំណើរឲ្យភាគីកូរ៉េបន្តគាំទ្រលើកាពង្រឹងសមត្ថភាព ផ្នែកវិទ្យាសាស្ត្រនិងបច្ចេកវិទ្យាជានៅកម្ពុជា សំដៅលើកការអភិវឌ្ឍធនធានមនុស្ស ក្របខណ្ឌ វិទ្យាសាស្ត្រនិងបច្ចេកវិទ្យា និងប្រព័ន្ធគ្រប់គ្រងវិទ្យាសាស្ត្រនិងបច្ចេកវិទ្យាសម្រាប់ការអភិវឌ្ឍវិស័យនៅកម្ពុជា ដែលនិងត្រូវអនុវត្តចាប់ពីឆ្នំា ២០១៤នេះតទៅ។
លោក ហាស់ ប៊ុនស្ថន អគ្គនាយករងវិទ្យាស្ថានជាតិស្ថិតិបានលើកឡើងថា ការធ្វើផែនការមេថ្នាក់ជាតិនេះ គឺបង្ហាញពីសេចក្តីព្រាងសម្រាប់វិទ្យាសាស្ត្រនិងបច្ចេកវិទ្យាលើកចុងក្រោយ ហើយឯកសារនេះជាប្រវត្តិសាស្ត្រមួយរបស់កម្ពុជា។ ឯកសារនេះត្រូវបានពិនិត្យយ៉ាងលម្អិតពីភាគីកូរ៉េនិងភាគីកម្ពុជាដែលមានគណៈកម្មាកាបច្ចេកទេស បច្ចេកវិទ្យាសាស្ត្រដើម្បីឈានដល់កាសម្រេចជាផ្លូវការ។
លោក ហាស់ ប៊ុនស្ថន បានបន្តថា ឯកសារសេចក្តីព្រាងសម្រាប់វិទ្យាសាស្ត្រ និងបច្ចេកវិទ្យាមានពីរភាសារគឺមានភាសាខ្មែរនិងភាសាអង់គ្លេស ។ ប៉ុន្តែភាសារអង់គ្លេសអស់ត្រូវបានបោះពុម្ពជាលើកចុក្រោយរួមដូច្នេះមិនអាចកែតម្រូវបានទេ លើកលែងតែផ្នែកជាភាសាខ្មែរ មិនទាន់សម្រេច និងបោះពុម្ពជាផ្លូវការនោះទេ ដូច្នេះអាចកែតម្រូវបាន។ទោះបីជាឯកសារ ដែលមានកំរាស់ក្រាស់នេះមិនទាន់សម្រេចជាផ្លូវការក្តី ភាគីពាក់ព័ន្ធអាចពិនិត្យ លើចំណុច ណាដែលខ្វះខាត រយៈពេលមួយសប្តាហ៍ ទើបយើងសម្រេចបោះពុម្ពជាផ្លូវការ។
លោកញ្ជាក់ថា ក្រៅពិភាក្សាលើសេចក្តីព្រាងសម្រាប់ វិទ្យាសាស្ត្រ និងបច្ចេកវិទ្យា យើងនៅពិភាក្សាលើព្រះរាជក្រឹត្យស្តីពីការបង្កើតក្រុមប្រឹក្សាជាតិបច្ចេកវិទ្យា ដែលក្នុងនោះមានការចែងអំពីការបង្កើតរដ្ឋលេខាធិការដ្ឋានបច្ចេកវិទ្យា ដែលមានចែងពីតួនាទីយ៉ាងលម្អិត និងថ្នាក់គ្រប់គ្រងផ្សេងៗជាច្រើនទៀត៕ ដោយ៖ សស្អាត