ក្រសួងការពាជាតិជប៉ុនគ្រោង នឹងបញ្ជូននាយទាហានខ្មែរទៅបន្តការសិក្សា នៅប្រទេសជប៉ុន លើជំនាញដែល ពាក់ព័ន្ ធនឹងបេសកម្មថែរក្សាសន្តិភាពអង្គការសហប្រជាជាតិ ដើម្បីឱ្យពួកគាត់ក្លាយជាគ្រូបង្រៀនបន្តវេនប្រចាំ ប្រទេសកម្ពុជា។ លោក គង់ សេដ្ឋាមុនី ធ្វើសេចក្តីរាយការណ៍។ លោក OKAZAKI ប្រធានក្រុមយោធាចារ្យមកពីកងស្វ័យការពារជើងគោកជប៉ុន បានថ្លែង ប្រាប់អ្នកសារព័ត៌មាន ក្នុងទីលានហ្វឹកហ្វឺនក្នុងស្រុកឧដុង្គកាលពីថ្ងៃម្សិលមិញថា លោកមានបំណងនឹងបញ្ជូនសិក្ខាកាមមួយចំនួនក្នុង គម្រោងសហប្រតបត្តិការ ហ្វឹកហ្វឺននិងអប់រំប្រតិបត្តិការ រក្សាសន្តិសុខ របស់អង្គការសហប្រជាជាតិដំណាក់កាលទី២នេះទៅបន្តការសិក្សា នៅប្រទេសជប៉ុនដើម្បីឱ្យពួកគាត់ក្លាយជាគ្រូបង្រៀនបន្តវេននៅពេលពួកគាត់ត្រឡប់មកប្រទេសកម្ពុជាវិញ។ លោកបន្តថា បច្ចុប្បន្នកម្ពុជាបានក្លាយជាប្រទេសមួយដែលទទួលបានសន្តិភាពពេញលេញ។ មិនតែ ប៉ុណ្ណោះ កម្ពុជាបានក្លាយជាប្រទេសដែលបានបញ្ជូនកងកម្លាំងរក្សាសន្តិភាពអង្គការសហប្រជាជាតិទៅកាន់ប្រទេសនានា ដែលកំពុងតែជួបវិបត្តិក្នុងពិភពលោក។
លោក ឧត្តមសេនីយ៍ទោ តាំង សំប៊ន នាយកវិទ្យាស្ថានហ្វឹកហ្វឺន បណ្តុះបណ្តាលកងកម្លាំងរក្សាសន្តិសុខ បោសសម្អាតមីន និងកាកសំណល់សង្រ្គាមក្នុងស្រុកឧដុង្គខេត្តកំពង់ស្ពឺ បានមានប្រសាសន៍ថា នាយទាហានហាត់ការចំពោះមុខរក្នុងសាលារបស់ គឺផ្តោតសំខាន់លើការត្រៀមបំពេញបេសកម្មទៅរក្សាសន្តិភាពអង្គការសហប្រជាជាតិ ប៉ុន្តែបើក្នុងករណីរដ្ឋាភិបាលត្រូវការឱ្យជួយបោសសម្អាតមីនដើម្បីស្តារហេដ្ឋារចនាសម្ព័ន្ធ ផ្លូវស្ពានលូ និងប្រព័ន្ធធារាសា ស្ត្រជាដើមនោះ លោកក៏ធ្វើតាមសំណូមពរចាំបាច់ផងដែរ។ សម្លេង លោក ឧត្តមសេនីយ៍ទោ តាំង សំប៊ន(ហ្វឹកហ្វឺនចំពោះមុខនៅទីនេះ ...............ស្តារហេដ្ឋារចនាសម្ព័ន្ធផ្លូវស្ពានលូ ហើយនឹងសំណង់ធារាសាស្ត្រជាដើម)។ គួរបញ្ជាក់ថា រហូតមកដល់ពេលនេះ កម្ពុជាបានបញ្ជូនកម្លាំងរក្សាសន្តិភាពជាង២១០០នាក់ទៅកាន់ប្រទេសចំនួន៧ ហើយមកដល់ពេលនេះ ក្នុងចំណោមកងកម្លាំងរក្សាសន្តិភាពរបស់កម្ពុជាទាំងនោះបាននិងកំពុងតែបំពេញបេសកកម្មនៅប្រទេសលីបង់ ប្រទេសស៊ូដង់ខាងត្បូង និងប្រទេសម៉ាលីជាដើម៕
ដោយ៖ រតនា