ភ្នំពេញៈ យោងតាមបណ្ថាញសារព័ត៌មាននៅក្នុងស្រុកបានរាយការណ៍ថា ប្រទេសកាតា បានផ្ដល់វិភាគទានជាទឹកប្រាក់ចំនួន ២០ ០០០ ដុល្លារអាមេ រិកដល់ភាគីជាតិនៃជំនុំ ជម្រះវិសាមញ្ញក្នុងតុលាការកម្ពុជា អ.វ.ត.ក ហើយនៅក្នុងលិខិត ដែលបានប្រកាសពីវិភាគទានថ្មីនេះ ស្ថានបេសកកម្មអចិន្ត្រៃយ៍នៃប្រទេសកាតាប្រចាំអង្គការសហប្រជាជាតិបានលើកឡើងថា ការផ្ដល់វិភាគទាននេះធ្វើឡើងជាការ ឆ្លើយតបទៅ នឹងសេចក្ដីអំពាវនាវរបស់លោក បាន គីមួន អគ្គលេខាធិការអង្គការសហប្រជាជាតិ ដល់រដ្ឋសមាជិកទាំងអស់សូមជួយផ្ដល់នូវការគាំទ្រ ហិរញ្ញវត្ថុជាបន្ទាន់ដល់ អ.វ.ត.ក។
អ.វ.ត.ក បាននិយាយនៅក្នុងសេចក្តីប្រកាសព័ទ៌មានចុះថ្ងៃទី ៧ ខែមីនា ឆ្នាំ ២០១៤ ថា លោក ក្រាញ់ តូនី ប្រធានការិយាល័យរដ្ឋបាលស្ដីទី និងលោក ឃ្នុត រ៉ូហ្សិនហក អនុប្រធានការិយាល័យរដ្ឋបាលនៃ អ.វ.ត.ក បានមានប្រសាសន៍ថា «ក្នុងកាលៈទេសៈប្រ ឈមសម្រាប់ភាគីជាតិនៃ អ.វ.ត.ក យើងខ្ញុំមានក្ដី សោមន្ដរីករាយស្វាគមន៍រដ្ឋកាតាក្នុងនាមជាប្រទេសម្ចាស់ជំនួយថ្មីរបស់ អ.វ.ត.ក ហើយយើងខ្ញុំសូមសម្ដែងអំណរគុណយ៉ាងស្មោះស្ម័គ្រចំពោះ ប្រទេសកាតាដែលបានផ្ដល់វិភាគទាននេះ ។
លោក ក្រាញ់ តូនី បន្ថែមថា យើងខ្ញុំរង់ចាំការបន្ដគាំទ្រពីប្រទេសកាតា និងពីប្រទេសម្ចាស់ជំនួយដទៃទៀត ក្នុងដំណើរស្វែងរកយុត្តិធម៌ ចំពោះ ឧក្រិដ្ឋកម្មដែលបានប្រព្រឹត្តនៅអំឡុងពេលនៃរបបកម្ពុជាប្រជាធិបតេយ្យ»៕
ដោយ៖ ភីនរ៉ា