ភ្នំពេញ៖ព្រះអង្គម្ចាស់ ស៊ីសុវត្ថិ ធម្មិកោ អតីតលេខាផ្ទាល់សម្តេចឪបានសម្រេចព្រះទ័យយាងចូលទៅធ្វើនយោបាយជាមួយនឹងគណបក្សសង្គ្រោះជាតិបន្ទាប់ពីការយាងចូលទិវង្គតរបស់ព្រះបរមរតនកោដ្ឋ ។ នៅក្នុង
សមាជលើកដំបូងកាលពីព្រឹកថ្ងៃអាទិត្យ ទី៧ ខែមេសា ឆ្នាំ២០១៣ នេះគេបានឃើញព្រះអង្គម្ចាស់ ធម្មិកោ មានវត្តមាននៅក្នុងនោះ ហើយត្រូវបានអង្គសមាជជ្រើសតាំងជាសមាជិកក្រុមប្រឹក្សាជាតិគណបក្សសង្រ្គោះ
ជាតិទៀតផង។
បន្ទាប់ពីចប់អង្គសមាជ ព្រះអង្គម្ចាស់ ធម្មិកោ បានមានបន្ទូលថាក្រៅពីព្រះអង្គដែលបានយាងចូលរួមធ្វើនយោ
បាយជាមួយគណបក្សប្រឆាំងនៅមានរាជវង្សានុវង្សសែស៊ីសុវត្ថិ និងសែនរោត្តមមួយចំនួនទៀតក៏នឹងយាងចូលរួមជាគណបក្សប្រឆាំងនេះដែរ ។ តែព្រះអង្គមិនបានបញ្ជាក់ឈ្មោះសែរាជវង្សអង្គណាដែលមកចូលរួម
ជាមួយគណបក្សសង្គ្រោះជាតិនោះទេ?។
ព្រះអង្គម្ចាស់ ធម្មិកោ បានបង្ហាញពីមូលហេតុដែលព្រះអង្គមិនយាងទៅចូលរួមនយោបាយជាមួយនឹងគណ
បក្សហ្វ៊ុនស៊ិនប៉ិចដែលដឹកនាំដោយសម្តេចព្រះអនុជនរោត្តមអរុណរស្មីនោះគឺមកពីហ្វ៊ុនស៊ិនប៉ិចមិនបានផ្តល់
លទ្ធភាពឲ្យព្រះអង្គបញ្ចេញជំហរដែលផ្ទុយពីជំហររបស់រាជរដ្ឋាភិបាល។ ព្រះអង្គម្ចាស់បញ្ជាក់ថាក្នុងសង្គម
ខ្មែរសព្វថ្ងៃនេះមានភាពអយុត្តិធម៌ជាច្រើន។ គេមិនផ្តល់សេចក្តីសុខក្នុងការកសាងអភិវឌ្ឍន៍ប្រទេសជាតិ
គេមិនផ្តល់សេចក្តីសុខជូនប្រជារាស្ត្រ។ ដូច្នេះខ្ញុំជាស្តេចមួយរូបខ្ញុំត្រូវតែមានសិទ្ធិបញ្ចេញជំហរមតិជុំវិញការ
ការពារសេចក្តីសុខនិងរកយុត្តិធម៌ជូនប្រជារាស្ត្រកម្ពុជា។ព្រះអង្គម្ចាស់ធម្មិកោក៏គ្រោងនឹងជជែកជាមួយនឹង
ថ្នាក់ដឹកនាំគណបក្សសង្គ្រោះជាតិដើម្បីបានឈរឈ្មោះជាតំណាងរាស្ត្រនៅតាមខេត្តណាមួយនៅក្នុង
ការបោះឆ្នោតជាតិនាពេលខាងមុខ។
ទាក់ទិននិងការយាងទៅចូលរួមនយោបាយជាមួយបក្សប្រឆាំង របស់ព្រះអង្គម្ចាស់ធម្មិកោខាងលើនេះ ត្រូវ
បានអគ្គលេខាធិការគណបក្សរាជានិយមហ៊្វុនស៊ិនប៉ិចលោកញឹកប៊ុនឆៃមានប្រសាសន៍នៅព្រឹកថ្ងៃទី៧ខែ
មេសាឆ្នាំ២០១៣នេះថានេះជាសិទ្ធិផ្ទាល់ខ្លួនរបស់លោកទេចង់ព្រះអង្គជ្រើសរើសយកបក្សណាក៏មិនជាបញ្ហា
អីដែរព្រោះព្រះអង្គបច្ចុប្បន្នពុំមានមុខនាទីអ្វីទៀតទេ ទាំងលេខាផ្ទាល់ឬព្រះរាជខុទ្ទកាល័យ បន្ទាប់ពីការ
យាងចូលទិវង្គតរបស់ព្រះបរមរតនកោដ្ឋ ។
លោក ញឹក ប៊ុនឆៃ បានបញ្ជាក់ថាមូលហេតុដែលព្រះអង្គម្ចាស់ស៊ីសុវត្ថិធម្មិកោទៅគណបក្សសង្គ្រោះ
ជាតិគឺដោយសារតែព្រះអង្គបរាជ័យមិនបានធ្វើជាប្រធានគណបក្សហ៊្វុនស៊ិនប៉ិច។ព្រោះថាថ្នាក់ដឹក
នាំគណបក្សបានសំរេចគ្នាជាឯកឆ្ឆ័ន សុំយាងសម្តេចព្រះអនុជ នរោត្តម អរុណរស្មី ដែលជារាជបុត្រី
ពៅសម្តេចឪមកធ្វើជាប្រធានគណបក្ស ។ មួយទៀតនៅ ពេលចុងក្រោយនេះក៏មានបំណងមកធ្វើជា
អគ្គលេខាធិការបក្សទៀត ប៉ុន្តែថ្នាក់ដឹកនាំទាំងអស់មិនអាចទទួលយកបាន ដោយសារព្រះអង្គធម្មិកោ
ច្រើនតែមានបន្ទូលប្រាប់ប្រព័ន្ធផ្សព្វផ្សាយមិនមានការពិតដោយមិនសួរនាំយោបល់ថ្នាក់ដឹកនាំទេ
ធ្វើឲ្យកើតមានបញ្ហាជាបន្តបន្ទាប់កន្លងមក ។
ជាមួយនឹងបន្ទូលដែលលើកឡើងដោយព្រះអង្គម្ចាស់ធម្មិកោថា ហ៊្វុនស៊ិនប៉ិចជារបស់លោក ញឹក ប៊ុន
ឆៃនោះ ក៏ត្រូវបានលោកអគ្គលេខាធិការបដិសេធន៍ថា ហ៊្វុនស៊ិនប៉ិចមិនមែនជារបស់អ្នកណាម្នាក់នោះ
ទេគឺជារបស់សមាជិកសមាជិការទូទាំងប្រទេស ហើយក៏ជាស្នាព្រះហស្ថដ៏ថ្លៃថ្លារបស់អង្គសម្តេចឪ
សម្តេចតា សម្តេចតាទួតនៃយើង បានបន្សល់ទុកឲ្យកូនចៅជំនាន់ក្រោយៗនាំគ្នាថែរក្សាតែប៉ុណ្ណោះ ។
ហើយខ្ញុំគ្រាន់តែជាសមាជិកម្នាក់ដែលបានបំរើក្នុងគណបក្សនេះដូចជាសមាជិកដទៃទៀតដែរ។
លោកញឹកប៊ុនឆៃមិនបានសម្តែងនូវការសោកស្តាយចំពោះការយាងរបស់ព្រះអង្គទៅកាន់គណបក្ស
សង្គ្រោះជាតិនោះឡើយហើយព្រះអង្គក៏ជាមនុស្សដែលពូកែលោតផ្លោះពីគណបក្សមួយទៅគណ
បក្សមួយនិងសំបូរវោហាដែលមិនពិតទៀតផង ។ហើយការយាងរបស់ព្រះអង្គក្នុងគោលបំណង
បំរើប្រជាជននិងជួយដល់ប្រជាជនកម្ពុជាឲ្យបានសេចក្តីសុខនិងទទូលបានភាពយុត្តិធម៌។តែទោះ
យ៉ាងណាក៏ដោយលោកញឹកប៊ុនឆៃពុំមានជំនឿចំពោះគណបក្សសង្គ្រោះជាតិដែលមានមេនៅ
ក្រៅស្រុកនោះឡើយដោយលោកសំអាងថារាល់ការអភិវឌ្ឍន៍និងរីកចំរើននៅក្នុងប្រទេសកម្ពុជាគឺ
កើតឡើងដោយសារតែគណបក្សប្រជាជនកម្ពុជានិងគណបក្សហ៊្វុនស៊ិនប៉ិចបានរួមដៃគ្នាធ្វើកន្លង
មកតែប៉ុណ្ណោះ៕