ប្រទេសអ៊ីរ៉ាក់៖ កាលពីថ្ងៃច័ន្ទម្សិលមិញ អំពើហឹង្សារវាង ពួក Sunni និងកងកម្លាំងសន្តិសុខរបស់ប្រទេសអ៊ីរ៉ាក់
គឺបានផ្ទុះឡើងយ៉ាងខ្លាំងនៅភាគលិចនៃទីក្រុង Ramadi។ មន្រ្តីប៉ូលីសបានអះអាងថា អំពើហឹង្សាខាងលើនេះ
គឺបានឆក់យកជីវិតមនុស្សយ៉ាងហោចណាស់ ១០នាក់។ គួរបញ្ជាក់ផងដែរថា ការវាយប្រហារខាងលើនេះគឺ
បានផ្ទុះឡើងបន្ទាប់ពីក្រុមមន្រ្តីប៉ូលីសបានធ្វើការវាយប្រហារមកលើជម្រំ Sunni នៅក្នុង ខេត្ត Anbar មកម្លេះ។ គួរបញ្ជាក់ទៀតផងដែរថា ឡានចំនួន ១គ្រឿងគឺត្រួវបានភ្លើងឆាបឆេះ យ៉ាងសន្ធោរសន្ធៅ។ បន្ទាប់ពីអំពើហឹង្សា បានផ្ទុះឡើងរួចមក ពួក Sunni ជាច្រើននាក់ បានសំណូមពរអោយលោកនាយករដ្ឋមន្រ្តី Nouri Maliki ចុះហត្ថ
លេខាសន្តិភាព ១ឆ្នាំបន្ថែមទៀតដើម្បីញ្ចប់ជម្លោះរវាងភាគីទាំងសងខាង។ ពួក Sunni បានមានប្រសាសន៍ថា រដ្ឋាភិបាលរបស់លោកនាយករដ្ឋមន្រ្តី Nouri Maliki គឺមានការស្អប់ខ្ពើមយ៉ាងខ្លាំងមកលើសហគមន៍របស់ពួក
គេហើយតែងតែបង្កភារវកម្មជារឿយៗមកលើតំបន់នេះ។ អង្គការសហប្រជាជាតិ បានអោយដឹងថា អំពើហឹង្សា នៅក្នុងប្រទេសនេះគឺបានផ្ទុះឡើងតាំងតែពីឆ្នាំ ២០០៨មកម្លេះ ដោយបានសំលាប់ជនស៊ីវិលជាង ៧១៥០នាក់ និងកងសន្តិសុខចំនួន ៩៥០នាក់។ ដោយ៖ តុលា