ប្រទេសឥណ្ឌា៖ យោងតាមប្រភពព័ត៌មានក្នុងទីក្រុងម៉ុមបៃបានអោយដឹងថា រហូតមកដល់ពេលនេះចំនួនអ្នក ស្លាប់ដោយការរលំអាគារមានយ៉ាងហោចណាស់ ៤២នាក់ហើយ។ មនុស្ស ៣៣ នាក់ត្រូវបានជួយសង្រ្គោះពី កន្លែងកើតហេតុនោះហើយមួយចំនួននៃពួកគេបានទទួលរងរបួសយ៉ាងធ្ងន់ធ្ងរ។ ប៉ូលីសក្នុងទីក្រុងម៉ុមបៃបាន បន្ត ទៀតដឹងថា នៅពេលអាគារនោះបានរលំមានមនុស្សប្រហែលជា៨៣ទៅ ៨៩នាក់បានជាប់ក្នុងកន្លែង
កើតហេតុនោះ។ កាលពីថ្ងៃសុក្រ ក្រុមអ្នកជួយសង្រ្គោះបានរកឃើញក្មេងស្រីតូចមួយនៅមានជីវិតក្នុងកំទេច អាគារដួលរលំនោះហើយកាលពីថ្ងៃសៅរ៍ម្សិលមិញពួកគេបានរកឃើញ បុរសអាយុ ៥០ ឆ្នាំម្នាក់បានទទួល រងរបួសយ៉ាងធ្ងន់ធ្ងរ ប៉ូលីសបាននិយាយថា ពួកយើងមិនទាន់បានដឹងពីមូលហេតុនៃការដួលរលំអាគារនេះ នៅឡើយទេ។ ដោយ៖ តុលា
