ភ្នំពេញៈ បណ្តាប្រទេសក្នុងតំបន់អាស៊ី និងសហភាពអ៊ឺរ៉ុបរួមគ្នាលុបបំបាត់ការជួញដូរមនុស្ស និងការធ្វើចំណាក់ស្រុកខុសច្បាប់ ខណៈដែលបញ្ហានេះនៅតែបន្តផ្តល់ផលប៉ៈពាល់រុំារ៉ៃនៅក្នុងតំបន់ភូមិសាស្រ្តទាំងនេះ។ ក្រុមប្រឆាំងការជួញដូរមនុស្សពីតំបន់អាស៊ីនិង អឺរ៉ុប បានព្រមព្រៀងគា្ននៅក្នុងការ បើកកិច្ចសហការរវាងប្រទេសបញ្ជូន និងប្រទេសទទួល ដើម្បីបំបាត់អំពើឧក្រិដ្ឋកម្មជួញដូរមនុស្សឆ្លងដែនដែលកំពុងបន្តកើតមាន។
លោកហ្វ្រង់ ហ្សង់ស្វរកូតំាង ឯកអគ្គរដ្ឋទូតសហគមន៍អ៊ឺរុបប្រចាំកម្ពុជា បានថ្លែងនៅក្នុងកិច្ចប្រជុំជាលក្ខណៈអន្តរជាតិដែលបានប្រារព្វធ្វើឡើងនៅក្នុងប្រទេសកម្ពុជានាព្រឹកថ្ងៃទី៦ ខែមិនា ថា ការប្រឆាំងនៃការជួញដូរមនុស្សនេះត្រូវធ្វើជានិរន្តតាមរយៈបន្តពិភាក្សាគ្នាដើម្បីស្វែងរកយន្តការដោះស្រាយបន្ថែម ហើយរកឲ្យឃើញពីល្បិចកលថ្មីៗរបស់ជនល្មើស។
លោកបានបញ្ជាក់ថា នេះជាវិធីសាស្រ្តដ៏ល្អបំផុតដែលធានាបាននូវការទប់ស្កាត់ និងបង្ក្រាប់អំពើជួញដូរមនុស្ស នេះកាន់តែមានប្រសិទ្ធិភាពខ្ពស់។ លោកបន្តថា ក្រៅពីមានគោលនយោបាយប្រឆំាងអំពើទាំងនេះ ហើយ គ្រប់បណ្តាប្រទេសទាំងអស់ដែលបញ្ជូនពលករ និងទទួលពលករក៏ត្រូវតែបង្កើនការគ្រប់គ្រងព័ត៌មានពលករចំណាកស្រុក ដើម្បីធានាឲ្យមានទិន្នន័យច្បាស់លាសក្នុងការឆ្លើយតបនៅពេលមានបញ្ហាមិនប្រក្រតីណាមួយកើតឡើងចំពោះពលករចំណាក់ស្រុកទាំងនោះ។
លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃមានប្រសាសន៍ថា ការពិភាក្សាគ្នានាពេល នេះមានសារៈសំខាន់ណាស់សម្រាប់កម្ពុជាក្នុងការបង្កើនកិច្ចសហការជាមួយបណ្តាប្រទេសផ្សេង ទៀត ដើម្បីឈានទៅអនុវត្តរាល់កិច្ចព្រមព្រៀងនានាកាន់តែល្អប្រសើរ ហើយឆ្លើយតបបានយ៉ាងទា ន់ពេលវេលានៅពេលមានបញ្ហាណាមួយកើតឡើងចំពោះពលករកម្ពុជា។
លោកជំទាវបញ្ជាក់ថា ករណីពលករកម្ពុជាទៅមិនស្របច្បាប់ភាគច្រើនតាមរយៈមេខ្យល់ ក្នុងនោះទៅបំរើការងារនៅក្នុង ប្រទេសថៃ ហើយត្រូវបានបញ្ជូនទៅកាន់ប្រទេសផ្សេងៗទៀតជាច្រើន ក្នុងរូបភាពការជួញដូរបន្ត ដែលទាំងធ្វើឲ្យពួកគេរងគ្រោះថ្នាក់ជាខ្លាំង។តែទោះជាយ៉ាងនេះក្តី លោកជំទាវជូ ប៊ុនអេង បានអះអាងថា រាជរដ្ឋាភិបាលកំពុងអនុវត្ត និងរៀបចំឲ្យមានយន្តការជាច្រើនក្នុងការប្រយុទ្ធប្រឆំាងអំពើជួញដូរមនុស្សនេះឲ្យកាន់តែមានប្រសិទ្ធិភាព តាមរយៈបង្កើតជាច្បាប់និងគណៈកម្មការជាតិប្រឆំាងការជួញដូរនមនុស្សដែលមានការចូលរួមពីស្ថាបន័ពាក់ពន្ធ័។
សូមបញ្ជាក់ថា បើតាមការឲ្យដឹងពីមន្រ្តីក្រសួងមហាផ្ទៃបច្ចុប្បន្នមានពលករកម្ពុជាដែលទៅធ្វើការ នៅក្រៅប្រទេសដោយស្របច្បាប់ប្រហែលជាង១០ម៉ឺននាក់ ហើយចំពោះអ្នកមិនស្របច្បាប់វិញមាន ប្រហែលពី៣០ទៅ៤០ម៉ឺននាក់ ដោយគោលដៅធ្វើការងារធំទី1ទៅកាន់តែប្រទេសថៃ៕ ដោយ៖ ភីន រ៉ា