ដាម៉ាស់ៈ កងកម្លាំងប្រទេស អ៊ីស្រាអែល កាលពីថ្ងៃពុធកន្លងទៅនេះ បានរំលោភ លើកិច្ចព្រមព្រៀងកាលពីឆ្នាំ១៩៧៣ ដោយការបាញ់គ្រាប់រ៉ុកែត បីបួនគ្រាប់ពីតំបន់ Golan Heights ដែលស្ថិតនៅក្រោមការគ្រប់គ្រង របស់ខ្លួន ទៅកាន់តំបន់ភាគខាងត្បូងប្រទេសស៊ីរី។
ទីភ្នាក់ងារសារព័ត៌មានចិន ស៊ិនហួ ចុះថ្ងៃទី០៦ ខែមីនា ឆ្នាំ២០១៤នេះបានឲ្យដឹងថា ប្រទេសអ៊ីស្រាអែល បានបាញ់ប្រហារ គ្រាប់រ៉ុកែតចំនួនបួនគ្រាប់ នៅវេលាម៉ោងប្រមាណជា ៦នាទីព្រឹក ពីតំបន់ Talet Sateh និងAl-khwain ក្នុងតំបន់Golan Heights ដែលជាតំបន់ក្រោមការដឹកនាំរបស់ខ្លួន ដោយបានបាញ់ប្រហារ ឆ្ពោះទៅកាន់ សាលារៀន និងវិហារសាសនាស្ថិតក្នុងទីក្រុង Al-Hamidiyah ក្នុងខេត្ត Qunaitera ទល់មុខនឹងGolan Heightsតែម្តង។
ការវាយប្រហារ នេះបានបង្ហាញពីការធ្វើទំនាក់ទំនងដោយផ្ទាល់រវាងស្ថាប័នZionish ដែលបានគាំទ្រក្រុម ភេវរកម្មក្នុងប្រទេសស៊ីរី ហើយវាច្បាស់ណាស់ថា នេះជាការពង្រីកនូវទំនាក់ទំនងរបស់ក្រុម Zionist និងក្រុមមួយនេះ។ នេះបើយោងតាមប្រភពព័ត៌មានពីសំណាក់កម្លាំងយោធាដែលត្រូវបានដកស្រង់ដោយ ភា្នក់ងារព័ត៌មាន SANA។
គួរបញ្ជាក់ថា ប្រទេស អ៊ីស្រាអែល បានធ្វើការវាយប្រហារជនសង្ស័យ និងបានសម្លាប់មនុស្សពីរនាក់ ដែលព្យាយាមរៀបគម្រោងដាក់បង្កៃគ្រាប់បែកក្នុងតំបន់ក្បែររបងមន្ទីសន្តិសុខដែលស្ថិតនៅតាមបន្ទាត់ព្រំដែនរវាងប្រទេស ស៊ីរី និងអ៊ីស្រាអែល៕ ដោយ៖ ភីន រ៉ា