ភ្នំពេញ៖ សាធារណរដ្ឋប្រជាមានិតចិន តាមរយៈសមាគមនមិត្តភាពកម្ពុជា-ចិន បានសម្តេចផ្តល់ជំនួយជាបរិក្ខាពេទ្យមួយ ចំនួន ដល់ក្រសួងសុខាភិបាលកម្ពុជា ដើម្បីជួយដល់ប្រជាពលរដ្ឋកម្ពុជាឱ្យទទួលបានផ្នែកសេវាសុខាភិបាលប្រសើរជាងនេះ។នេះបើ តាម ការបញ្ជាក់ពី លោកស្រី គួ ស៊ីវលាន ប្រធាន សមាគម មិត្តភាព ចិន-កម្ពុជា ក្នុងជំនួបជាមួយ លោក សាយឈុំ ប្រធានស្តីទីព្រឹទ្ធសភា កាលពីល្ងាចថ្ងៃទី០៤ខែធ្នូឆ្នាំ២០១៤នៅវិមានព្រឹទ្ធសភា។
.jpg)
លោក ម៉ម ប៊ុននាង នាយកខុទ្ធការល័យ និងជាអ្នកនាំពាក្យព្រឹទ្ធសភាបានប្រាប់ក្រុមអ្នកសារព័ត៌មានក្រោយពីបញ្ជប់ជំនួបនោះថា លោកស្រីប្រធានសមាគមន៍បានបញ្ជាក់ថា លោកស្រីបានអញ្ជើញគ្រួពេទ្យចិនជំនាញៗជាង១០នាក់មកពីប្រទេសចិន និងផ្តល់ជាសម្ភារៈពេទ្យមួយចំនួនទៀតដើម្បីជួយប្រជាពលរដ្ឋកម្ពុជាផ្នែកសុខាភិបាល។
.jpg)
លោកជំទាវបានលើកពីចំណងមិត្តភាព កម្ពុជា-ចិន ហើយលោកស្រីបាននាំមកគ្រូពេទ្រចិនមកវះភ្នែកដល់ប្រជាពលរដ្ឋកម្ពុជា លោកស្រីនឹងនាំមកនូវគ្រឿងបរិក្ខាពេទ្យដល់ក្រសួងសុខាភិបាលដើម្បីជួយសម្រួលដល់ប្រជាពលរដ្ឋកម្ពុជា»លោក ម៉ម ប៊ុននាង បញ្ជាក់ថា កាសម្តេចផ្តល់បរិក្ខាពេទ្យមួយចំនួនដល់ក្រសួងសុខាភិបាលនេះនឹងធ្វើឡើងតាមរយៈស្ថានទូតចិនប្រចាំនៅព្រះរាជាណាចក្រកម្ពុជា។លោកស្រី ប្រធានសមាគមនមិត្តភាព កម្ពុជា-ចិនបានចាត់ទុកថា ការផ្តល់ជំនួយនេះ គឺជាការរឹតចំណងសាមគ្គីភាពរវៀងកម្ពុជា និងចិនឱ្យកាន់ល្អប្រសើរឡើងទ្វេដង ជាពិសេសជាការដូចំណងដៃ ខួបលើក ទី៥៥នៃ ទំនាក់ទំនងការទូតរបស់ប្រទេសយើងទាំងពីរ។
លោក សាយឈុំ ប្រធានព្រឹទ្ធសភាទស្តីទី បានមានប្រសាសន៍ថា វាយតម្លៃខ្ពស់ចំពោះការផ្តល់បរិក្ខាពេទ្យ និងការបញ្ជួនគ្រូពេទ្យចិនឱ្យមកព្យាបាលប្រជាពលរដ្ឋកម្ពុជាដែលកំពុងត្រូវការសេវាសុខាភិបាល។ លោកបន្តថា ជានិច្ជជាកាលចិនតែងតែជួយកម្ពុជាគ្រប់កាលទេសៈទាំង អស់ដែលនេះបញ្ជាក់ថាទំនាក់ទំនងនៃប្រទេសយើងទាំងពីរបានឈានដល់កំរិតកំពូលជាយុទ្ធសាស្រ្តគ្រប់ជ្រុងជ្រោយ។ ដែលកក្តានេះ បានជំរុញឱ្យអ្នកវិនិយោគ និងភ្ញៀវទេសចរណ៍ចិនមកកម្ពុជាកាន់តែច្រើនឡើងៗពីមួយឆ្នាំទៅមួយឆ្នាំ ដោយបង្កើតបានជាការងារដល់ប្រជាពលរដ្ឋកម្ពុជាជាច្រើនម៉ឺនាក់ ៕ ដោយ ៖ សស្អាត