ភ្នំពេញ៖ អង្គការសុខភាពពិភពលោកប្រចាំតំបន់អាស៊ីប៉ាស៊ីហ្វិក  បានជ្រើសរើសសាលារាជធានី​ភ្នំពេញ​ជា
អង្គភាពឆ្នើមមួយ   ដើម្បីផ្តល់នូវពានរង្វាន់ទិវាពិភពលោក​គ្មានថ្នាំជក់ឆ្នាំ២០១៣ដោយសារ​អង្គភាពមួយនេះ
រួមចំណែកក្នុងការអនុវត្តអនុក្រិត្យស្តីពីវិធានការហាមឃាត់   ចំពោះការផ្សាយ​ពាណិជ្ជ​កម្មលើ​ផលិតផលថ្នាំ
ជក់​ និងបានរួមសហការណ៍យ៉ាងជិតស្និតជាមួយ នឹងអង្គការ​សុខភាពពិភព​លោក​ដែលបានធ្វើ​ឡើង​នាព្រឹក
​ថ្ងៃទី២៩ខែឧសភាឆ្នាំ២០១៣នេះនៅទីស្តីការក្រសួង​សុខាភិបាល។

លោកវេជ្ជបណ្ឌិតPieter JM Van Maaren  តំណាងអង្គការសុខភាពពិភពលោកប្រចាំកម្ពុជាបាន​លើក​ឡើងថា
ដោយមើលឃើញពីកិច្ចខិតខំប្រឹងប្រែងដោយយកចិត្តទុកដាក់ចំពោះការអនុវត្តនូវ​អនុក្រិត្យរបស់រាជរដ្ឋាភិ
បាលស្តីពីវិធានការហាមឃាត់ចំពោះការផ្សាយ​ពាណិជ្ជ​កម្មលើ​ផលិតផលថ្នាំ​ជក់​​ និងបានរួមចំណែកយ៉ាង
សកម្មជាមួយអង្គការសុខភាពពិភពលោក  ​ដើម្បីទប់ការប្រើប្រាស់ផលិត​ផលថ្នាំជក់ដែលបានបង្ករមហន្ត
រាយដ៏ធ្ងន់ធ្ងរដល់សុខភាពមនុស្សទូទាំងពិភពលោក របស់សាលារាជ​ធានីភ្នំពេញក្នុងរយៈពេលកន្លងមក
និងកំពុងបន្តយ៉ាងមមាញឹកនាពេលបច្ចុប្បន្ន  និងទៅអនាគតនោះ។  ទើអង្គការសុខភាពពិភពលោកបាន
សម្រេចប្រគល់ជូននូវពានរង្វាន់ទិវាពិភពលោកគ្មានថ្នាំជក់នេះជូនដល់សាលារាជធានីភ្នំពេញ ដើម្បីជា
ការលើកទឹកចិត្តនិងជម្រុញកិច្ចខិតខំប្រឹងប្រែងនេះបន្តទៅទៀត។

លោកវេជ្ជបណ្ឌិត  Pieter JM Van   Maaren បន្តថាឧស្សាហកម្មថ្នាំជក់គឺជាសត្រូវដ៏ធំបំផុត​សម្រាប់​សុខភាព
មនុស្សនៅលើពិភពលោក។     ហើយផលិតផលថ្នាំជក់បានសម្លាប់ជីវិតមនុស្សយ៉ាងតិច៥លាននាក់ក្នុង
មួយឆ្នាំនៅលើពិភពលោកនេះហើយនៅប្រទេសកម្ពុជាវិញមានមនុស្សប្រមាណជាមួយម៉ឺនាក់បានស្លាប់
ដោយសារការប្រើប្រាស់ថ្នាំជក់នេះដែរ។

ជាមួយគ្នានោះដែរលោកស្រីម៉ក់វណ្ណស៊ីថាអភិបាលរងរាជធានីភ្នំពេញបានសម្តែងនូវការរីករាយខណៈដែល
អង្គការសុខភាពពិភពលោកប្រចាំតំបន់អាស៊ីប៉ាស៊ីហ្វិក   បានជ្រើសរើសសាលារាជធានី​ភ្នំពេញ​ជាអង្គភាព
ឆ្នើមមួយដើម្បីផ្តល់នូវពានរង្វាន់ទិវាពិភពលោក​គ្មានថ្នាំជក់ឆ្នាំ២០១៣។  លោកស្រី​បានចាត់ទុកថានេះគឺជា
ការទទួលស្គាល់នូវស្នាដៃថ្មីមួយបន្ថែមទៀតរបស់សាលារាជធានី​ភ្នំពេញនៅ​ក្នុងការរួមចំណែកក្នុងការអនុ
វត្តអនុក្រិត្យស្តីពីវិធានការហាមឃាត់ចំពោះការផ្សាយ​ពាណិជ្ជ​កម្មលើ​ផលិតផលថ្នាំជក់លេខ៣   ៥អ.ន.ក្រ.
បករបស់រាជរដ្ឋាភិបាលកម្ពុជាក៏ដូចជាការអនុវត្តមាត្រា១៣នៃអនុសញ្ញាស្តីពីការត្រួតពិនិត្យថ្នាំជក់របស់អង្គ
ការសុខភាពពិភពលោកដែរ។

លោកស្រីអភិបាលរងបានបន្តថាក្នុងនាមជាសេនាធិការរបស់រាជរដ្ឋាភិបាលសាលារាជធានីភ្នំពេញជានិច្ច
កាលប្តេជ្ញាចិត្តអនុវត្តរាប់ច្បាប់និងលិខិតគតិយុទ្ធដែលបានដាក់ចេញ។ជាក់ស្តែងក្នុងឆ្នាំ​២០១១​កន្លងមក
សាលារាជធានីបានដាក់ចេញនូវសេចក្តីជូនដំណឹងទៅគ្រប់ក្រុមហ៊ុនចែកចាយនិងនាំ​ចូលបារីលក់ដុំនិង
លក់រាយនិងក្រុមហ៊ុនពាក់ព័ន្ធឲ្យបញ្ឈប់ការផ្សាយជាបន្ទាន់នូវរូបភាពផ្សាយ​ពាណិជ្ជកម្មបារីគ្រប់ប្រភេទ
ដូចការចង្អុលបង្ហាញរបស់អនុក្រិត្យ។និងនៅដើមខែកក្កដាឆ្នាំ២០១២បានចេញសេចក្តីជូនដំណឹងមួយ
ទៀតណែនាំឲ្យសាលាខណ្ឌទាំង៩ចុះណែនាំដល់អាជីវករដែលពាក់ព័ន្ធព្រម​ទាំងដកហូតសម្ភារៈផ្សាយ
ពាណិជ្ជកម្មបារីដែលល្មើសទៅនឹងអនុក្រិត្យខាងលើហើយសកម្មភាពនេះបានបន្តធ្វើជាបណ្តើរៗរហូត
ដល់សព្វថ្ងៃនេះ។

សូមបញ្ជាក់ផងដែរថាកន្លងមកនេះសាលារាជធានីភ្នំពេញបានច្រានចោលនូវសំណើរសុំជួបពិភាក្សាពី
ក្រុមហ៊ុនថ្នាំជក់ជុំវិញការអនុវត្តអនុក្រិត្យលេខ៣៥អ.ន.ក្រ.បកនេះ​ ព្រោះយល់ឃើញថា​ការជួបជា​មួយ
ក្រុមហ៊ុនថ្នាំជក់ជាការមិនចាំបាច់។ម៉្យាងវិញទៀតបានការណែនាំពីប្រទេសជាសមាជិកឲ្យ​បដិ​សេធន៍​ភាពជាដៃគូនិងកិច្ចព្រមព្រៀងជាមួយឧស្សាហកម្មថ្នាំជក់ព្រោះឧស្សាហកម្មថ្នាំជក់និងសុខភាព​មាន
ទំនាស់ផលប្រយោជន៍ជាមូលដ្ឋានដែលមិនអាចផ្សះផ្សារបាន៕

ដោយ៖សស្អាត