ភ្នំពេញ៖ តុលាការកំពូលបានបើកសវនាការលើសំណុំរឿងរបស់លោកសែម សុវណ្ណដេត អតីតអនុប្រធានក្រុម
ប្រឹក្សាភិបាល ទទួលបន្ទុកអគ្គនាយកស្ថានីយវិទ្យុ និងទូរទស្សន៍អាស៊ីអាគ្នេយ៍លើសំណុំរឿងការប៉ះពាល់កម្មសិទ្ធិ
សាធារណៈនិងអំពើកាប់រានព្រៃឈូសឆាយ ដីព្រៃនៅភូមិព្រៃព្រាយ ឃុំត្រពាំងព្រះស្រុកឈូក ខេត្តកំពត នៅថ្ងៃ
ទី២០ ខែមីនា ឆ្នាំ២០១៣។
នៅក្នុងសវនាការអវត្តមានជនជាប់ចោទលោកសែម សុវណ្ណដេត មានតែមេធាវី ជនជាប់គឺ លោកហ៊ុយ ផាវី ដែល
បានផ្ទេរសិទ្ធពីលោក កៅ ទីអតីតមេធាវីលោកសែម សុវណ្ណដេត ។នៅក្នុងសវនាការលោក ហ៊ុយ ផាវីបានទទួល
ការពារសារណារបស់លោក កៅ ទី បានឲ្យដឹងថាលោក សែម សុវណ្ណដេតដែលជាកូនក្តីរបស់លោកនៅក្នុងអំឡុង
ឆ្នាំ២០០៤លោក សែម សុវណ្ណដេត បានប្រមូលទិញដីធ្លី នៅក្នុងភូមិព្រៃព្រាយ ឃុំត្រពាំងព្រះស្រុកឈូក រហូតមក
ដល់អំឡុងឆ្នាំ២០០៥កូនក្តីរបស់លោកបានបង្កើតក្រុ មហ៊ុនមួយ ។
លោកមេធាវីឲ្យដឹងបន្តថានៅថ្ងៃទី១១ ខែតុលាឆ្នាំ២០០៥ កូនក្តីរបស់លោក បាន ដាក់ពាក្យស្នើសុំធ្វើការឈូសឆាយ
ដីធ្លីទំហំ៤០០ហិកតា។ហើយអំឡុងឆ្នាំ២០០៦អាជ្ញាធរបានលើកស្លាកបញ្ហាថាជាតំបន់ទីតាំងអភិវឌ្ឍន៍ឧស្សហ៍កម្ម
សម្តេច ហ៊ុនសែន ឃុំតាកែន កោះស្លា។
ក្រោយមកសាលាខេត្តកំពតបានសម្រេចដកហូតដីទាំងអស់ដែលកូនក្តីរបស់លោក ដែលបានទិញពីរប្រជាជន។ ក្រោយមកទៀតព្រះរាជអាជ្ញាអមសាលាដំបូងខេត្ត កំពត់ បានចេញ ដីការស៊ើបសួរនិងបានប្តឹងទៅតុលាការខេត្ត
កំពតចោទប្រកានកូនក្តីរបស់ លោកពីបទប៉ះពាល់កម្មសិទ្ធិនិងទ្រព្យសម្បត្តិសាធារណៈនិងអំពើកាប់រានព្រៃឈូស
ឆាយ ដីព្រៃហំព័ទ្ធកាន់កាប់ដីព្រៃ។បន្ទាប់ពីការប្រមូលភស្តុតាងរួចរាល់ហើយចៅក្រម ស៊ើបសួរ សាលា ដំបូងបាន
សម្រេចលើកលែងកូនក្តីរបស់លោក។ ក្រោយពីបានដោះលែងកូនរបស់លោកឲ្យសេរីភាពរហូតមកដល់ថ្ងៃទី១១
ខែធ្នូឆ្នាំ២០០៩សាលាដំបូងខេត្តកំពត បានកកូរកកាយសើរើលើសំណុំរឿងនេះឡើងវិញនិងបានចោទប្រកាន់លោក
សែមសុវណ្ណដេតពីការប៉ះពាល់កម្មសិទ្ធទ្រព្យសម្បត្តិសាធារណៈ។ សាលាដំបូងខេត្តកំពតបានជំនុំជម្រះវិនិច្ឆ័យ
លោកសែម សុវណ្ណដេត ដាក់ពន្ធនាគារ៨ឆ្នាំ និងពិន័យ ជាប្រាក់ ២០លានរៀលពីបទប៉ះពាល់កម្មសិទ្ធទ្រព្យសម្បត្តិ
សាធារណៈដែលបានប្រព្រឹត្តនៅភូមិព្រៃព្រាយ ឃុំត្រពាំងព្រះស្រុកឈូក ខេត្តកំពត ។
លោកមេធាវីរូបនេះបន្តថា ដោយមានការមិនសុខចិត្តលោកសែម សុវណ្ណដេត បានប្តឹងមកសាលាឧទ្ធរណ៍ ហើយសា
លាឧទ្ធរណ៍បើកសវនាការដោយបាន តម្កល់សាលដីការរបស់សាលាដំបូងខេត្តកំពតចាត់ទុកជាបានការ។
ក្រោយពីស្តាប់ការបកស្រាយរបស់មេធាវីរូបនេះ រួចក្រុមប្រឹក្សាអង្គជំនុំជម្រះដែលមានលោក ឃីម ប៉ុណ្ណ អនុប្រធាន
តុលាការ និងជាប្រធាន អង្គ ជំនុំជម្រះបានប្រកាសលើកសាលក្រមរបស់លោកសែម សុវណ្ណដេត ទៅថ្ងៃទី៣ ខែ
មេសា ឆ្នាំ២០១៣បន្ត។
គួររម្លឹកថាតុលាការកំពូលធ្លាប់បានជម្រះករណីលោកសែម សុវណ្ណដេត ដែលជាអតីតអគ្គនាយកទូរទស្សន៍អាស៊ី
អាគ្នេយ៍ជាមួយលោក កៅ គឹមហួនសព្វថ្ងៃជាអគ្គនាយកនៃ ស្ថាន័យ៍ទូរទស្សន៍អាស៊ីអាគ្នេយ៍។នៅក្នុងអង្គសវនាកា
ពេលនោះលោក កៅ គឹម ហួន បានចោទប្រកាន់ថាលោកសែម សុវណ្ណដេតបានកឹបកេងលុយកាក់សរុបជាង៧លាន
ដុល្លារអាមេរិក៕
ស.ស្អាត