ភ្នំពេញ៖ មន្រ្តីជាន់ខ្ពស់ក្រសួងព័ត៌មាន ជុំរុញលើកទឹកដល់គ្រឹះស្ថានអប់រំឯកជន និងរដ្ឋគួរតែបង្កើតឱ្យមានវគ្គវណ្តុះបណ្តាលជំនាញថតរូប និងយកព័ត៌មាន ដល់សិស្ស និស្សិត ឬ ប្រជាពលរដ្ឋដែលលោកមានចំណាប់អារម្មណ៍លើផ្នែកនេះឱ្យបានច្រើន ដើម្បីបំរើដល់ការផ្សព្វផ្សាយលើគ្រប់វិស័យ ជាពិសេសវិស័យទេសចរណ៍ និងព័ត៌មាន។
(1).jpg)
លោក ជា ច័ន្ទបរិបូរណ៍ រដ្ឋលេខាធិក្រសួងព័ត៌មាន នៅព្រឹកថ្ងៃទី២២ ខែ កុម្ភៈនេះបានជំរុញបែបនេះក្នុងឱកាសដែលលោក បានអញ្ជើញជាអធិបតីភាព ក្នុងពិធីបើកវគ្គបណ្តុះបណ្តាល អ្នកជំនាញថតរួបដែលរៀបចំឡើងដោយ វិទ្យាស្ថានអន្តរទ្វីបអា មេរិកកាំង សហការជាមួយគេហទំព័រថ្មីៗ នាព្រឹកថ្ងៃទី២២ខែកុម្ភៈឆ្នាំ ២០១៤នៅវិទ្យាស្ថានអន្តរទ្វីបអាមេរិកកាំង។លោកជា ច័ន្ទបរិបូរណ៍ មានប្រសាសន៍បន្តថា ការថតរួបនាពេលបច្ចុប្បន្ននេះ មានសារៈសំខាន់ណាស់សម្រាប់ការអភិវឌ្ឍសង្គមជាតិក្នុងយុគសម័យទំនើប តាមរយៈការផ្សព្វផ្សាយរូបថតដែលបានឆ្លុះបញ្ចាំងពីវិស័យនីមួយៗដូច ជាវិស័យទេសចរណ៍ និងសារព័ត៌មានដែលប្រជាពលរដ្ឋកំពុងស្រេកឃ្លានចង់ដឹងចង់ឃើញ។
លោកបញ្ជាក់ថា ការថតរូបអ្នកណាក៏អាចថតបានដែរ គ្រាន់តែស្អាតឬមិនស្អាតប៉ុណ្ណោះ ។ ប៉ុន្តែការថតជាលក្ខណៈអាជីពត្រូវមានការបណ្តុះបណ្តាលត្រឹមត្រូវពី គ្រូជំនាញខាងថតរូប ហើយត្រូវស្គាល់ពីឧបករណ៍ និងម៉ាស៊ីនថតរូបឱ្យបានច្បាស់។ត្រូវការពេលវេលា និងការតាំងចិត្ត អតធ្មត់ កំណត់ប្រធានបទ នៃរូបទើបទទួលបានរូបថតដែលល្អ និងត្រូវចិត្ត។
លោក គីសុខ លីម នាយកគេហទំព័រថ្មីថ្មីបានឲ្យដឹងថាការបើកវគ្គបណ្តុះបណ្តាលអ្នកថតរូបនេះពិតជាមានសារៈសំខាន់ សំរាប់វិស័យព័ត៌មាន ហើយគោលបំណង នៃការបើកវគ្គបណ្តុះបណ្តាលនេះ គឺដើម្បីចូលរួមអភិវឌ្ឍន៍ធនធានមនុស្សខាងជំនាញថតរូប ព្រោះថាសព្វថ្ងៃនេះ ប្រទេសយើងមិនទាន់មានសាលាបង្រៀន អ្នកថតរូបនៅឡើយទេ គឺអ្នកថតរូបអាជីពសព្វថ្ងៃពួកគាត់ចេះ ដឹងតៗគ្នាពិសេសពីជនបរទេស ដូចជាជនជាតិបារាំងជាដើម។ សម្រាប់វគ្គបណ្តុះបណ្តាលថ្ងៃនេះ គ្រាន់តែជាវគ្គចែករំលែកបទពិសោធន៍គ្នាប៉ុណ្ណោះ វាមិនបានសិក្សាឱ្យស៊ីជំរៅពីការថតនោះទេ ការថតរូបត្រូវទាមទារពេលវេលាសិក្សាច្រើនឆ្នាំយ៉ាងតិចបីបួនឆ្នាំទើបអាចនិយាយបានថា មានអាជីពពិតប្រាកដ ។
លោក គីសុខ លីម បន្តថា ប្រសិនបើវគ្គបណ្តុះបណ្តាលអ្នកថតរូបនេះ ទទួលបានការគាំទ្រពីអ្នកសិក្សាច្រើន យើងនឹងបើកវគ្គផ្សេងៗទៀតដូចជា៖ ជំនាញសរសេរព័ត៌មានជាតិ និងអន្តរជាតិ បទសំភាសន៍ បទយកការណ៍ និងអ្នកនាំពាក្យជាដើម ៕
ដោយ៖ ស.ស្អាត