សៀមរាប៖ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានត្រាស់បង្គាប់ដំឡើងឋានន្ដរស័ក្ដិ តាមសំណើរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រី ជូននាយនគរបាលជាតិជាន់ខ្ពស់ចំនួន៣រូប ជានាយឧត្ដមសេនីយ៍ (ផ្កាយមាស៤)។
នាយឧត្ដមសេនីយ៍(ផ្កាយមាស៤)ទាំង៣រូបនោះមានទី១- លោកឧត្ដមសេនីយ៍ឯក យុន ឈុន្នី អគ្គស្នងការរងនគរបាលជាតិ, ទី២-លោកឧត្ដមសេនីយ៍ឯក ស៊ឹម សុផល អគ្គស្នងការរងនគរបាលជាតិ និង ទី៣- លោកឧត្ដមសេនីយ៍ឯក ខេង សុមេធ អគ្គស្នងការរងនគរបាលជាតិ។
សូមរំលឹកថា កាលពីមុននេះបន្ដិច ព្រះមហាក្សត្រ នៃព្រះរាជាណាចក្រកម្ពុជា បានចេញព្រះរាជក្រឹត្យ ចុះថ្ងៃទី២២ ខែមករា ឆ្នាំ ២០១៤ បានត្រាស់បង្គាប់ តម្លើងឋានន្ដរស័ក្ដិ ជានាយឧត្ដមសេនីយ៍ជូននាយនគរបាលជាតិចំនួន៦រូបរួចមកហើយ។
នាយឧត្ដមសេនីយ៏ ទាំង ៦ រូបនោះ មានទី១- លោកឧត្ដមសេនីយ៍ឯក ខៀវ សុភ័គ អ្នកនាំពាក្យក្រសួងមហាផ្ទៃ, ទី២- លោកឧត្ដមសេនីយ៍ឯក អ៊ុក គឹមលេខ រដ្ឋលេខា ធិការ ក្រសួងមហាផ្ទៃ, ទី៣- លោកឧត្ដមសេនីយ៍ឯក សុខ ផល អគ្គស្នងការរងនគរបាលជាតិ,ទី៤- លោកឧត្ដមសេនីយ៍ឯក ម៉ៅ ច័ន្ទតារា អគ្គស្នងការរងនគរបាលជាតិ, ទី៥- លោកឧត្ដ មសេនីយ៍ឯក ចាន់ អ៊ាន,និងទី៦- លោកឧត្ដម សេនីយ៍ឯក ម៉ៅ ប៊ុនណារិន អគ្គនាយក នៃអគ្គនាយកដ្ឋានភស្ដុភានិងហរិញ្ញវត្ថុក្រសួងមហាផ្ទៃ។
ប្រភពពីក្រសួងមហាផ្ទៃ បានឱ្យដឹងថា នាយឧត្ដមសេនីយ៍ នគរបាលជាតិចំនួន ៩ រូប ដែលទើបតម្លើងឋានន្ដរស័ក្ដិ ដោយព្រះរាជាក្រឹត្យ ២ ផ្សេងគ្នា បើពុំមានអ្វីប្រែប្រួលទេ នឹងធ្វើពិធីបំពាក់ឋានន្ដរស័ក្ដិ ជាផ្លូវការ នៅព្រឹកថ្ងៃអាទិត្យ ទី២០ ខែកុម្ភៈ ឆ្នាំ ២០១៤ខាងមុខ នៅក្នុងក្រសួងមហាផ្ទៃ ក្រោមអធិបតីភាពដ៏ខ្ពង់ខ្ពស់ របស់ សម្ដេច អគ្គមហា សេនាបតី តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា៕ ដោយ៖ ស ស្អាត