ភ្នំពេញ:មន្ត្រីជាន់ខ្ពស់រដ្ឋាភិបាលទទួលបន្ទុកជាប្រធាន រដ្ឋបាលជលផលបានបញ្ជាក់ថា ការបង្កើនចំនួនស្រះ ​ជំរកត្រីក្នុងសហគមន៍ក្នុងមួយឃុំអោយបាន១ អាចនឹងជួយស​ហគ​ម​ន៍មានសន្តិសុខស្បៀង និងជួយ​អោយ​​ផល​​​​​​ស្រូវមានកំណើន១០ភាគរយ តាមរយៈកា​រ​បំផ្លាញសត្វ​ល្អិតចង្រៃដែល​មកបៀតបៀន​ដំណាំស្រូវ​ដោយ​​ត្រី ។ក្នុងសិក្ខាសាលា ពិគ្រោះយោបល់ជាមួយស្ថាប័នពាក់ព័ន្ធស្តីពីការធ្វើអោយប្រ​សើ​រឡើងនូវជំរក និងការ​​​គ្រប់​គ្រង​​​ធនធានជលផលតាមវាលស្រែ នៅព្រឹកថ្ងៃទី១៨ខែតុលា នេះ លោក បណ្ឌិត ណៅ ធួក ប្រតិភូរាជ​​រដ្ឋាភិ​បាល​កម្ពុជាទទួលបន្ទុកជាប្រ​ធាន រដ្ឋបាលជលផល បានមានប្រសាសន៍ថា ការបង្កើនស្រះជំរកត្រី​ក្នុង​​សហគមន៍​​​​​អាចធ្វើអោយមានត្រីច្រើនក្នុងវាលស្រែតាមរយៈការបង្កើតកូន និងចេញពីស្រះ​ទៅរស់នៅ​តាម​​វាល​​ស្រែពេលរដូវវស្សា ហើយត្រីទាំងនោះជួយចាប់សត្វល្អិតចង្រៃដែលចូលម​កបំផ្លាញស្រូវបាន​យ៉ាងមាន​​ប្រសិទ្ធិ​ភាព ដោយមិនចាំបាច់បាញ់ថ្នាំគីមីទៅលើស្រូវឡើ​យ ។​

លោក បានបន្តថា ផែនការអនុវត្តន៍ស្រះជំរកត្រីក្នុងសហគមន៍នេះ ក៏អាចជួយមួយផ្នែកធំដល់អ្នក​ដែលគ្មានដី​​ស​ម្រាប់ធ្វើកសិកម្ម ឬចិញ្ចឹមត្រីបាន ព្រោះត្រីទាំងនោះបង្កើត​កូនចៅបាន​ច្រើនចេញទៅរស់នៅតាមវាលស្រែ ​ពេលនោះ ប្រជាពលរដ្ឋក្នុងសហគមន៍អាចរកមកធ្វើជាម្ហូបអាហារបាន មិនថា នៅក្នុងស្រែកសិករណាទេគេ​​អាច​​រ​ក​បានទាំងអស់។ត្រីក៏ជាអាហារមួយប្រភេទដែលសម្បូរប្រូតេអ៊ីន និងជាអាហារដែ​ល​ប្រ​ជា​ជនខ្មែរ​ចូល​​ចិត្តបរិភោគជាទីបំផុត ។លោក ណៅ ធួក បានមានប្រសាសន៍ថា រដ្ឋាភិបាលក្នុងអាណត្តិទី៥នេះ មានការចាប់ ​អារម្មណ៍​និងទទួល​ស្គាល់​​វិស័យជលផលថា ជាផ្នែកមួយជួយបង្កើនជីវភាពប្រពលរដ្ឋផងដែរ ។​

លោក Alan Brooks ប្រធានអង្គការ​ត្រី​ពិភព​លោកWorld fishបានមានប្រសាសន៍ថា ការបង្កើនជំរកត្រីក្នុង​​​សហគមន៍​គឺជាកត្តា​សំខាន់ដែលធ្វើ​អោយ​មាននិរន្តរភាពសេដ្ឋកិច្ច ជាពិសេសប្រជាពល​រដ្ឋដែលប្រកបរបរ​​​ចិញ្ចឹម​ត្រីតាមវាលស្រែបែបធម្មជាតិ និងការធ្វើស្រែបែបប្រពលវប្បកម្មផងដែរ ។​

គួរបញ្ជាក់ថា ចាប់តាំងពី​​អនុវត្ត​គម្រោង​ស្រះជំរកត្រី​ក្នុងសហគមន៍​ក្នុង​ឆ្នាំ២០១០មក ប្រទេសកម្ពុជាមាន​ ​ សហគមន៍​​​​​​​ស្រះជំរកត្រី​​​ចំនួន៧៦៤កន្លែង ហើយខេត្តដែលទទួលបាន​ជោគជ័យក្នុងការ​អនុវត្តគម្រោង​ជាង​​គេគឺ សៀមរាបបាត់ដំប​ង និងពោធិ៍សាត់ ៕ ដោយ៖ រតនា​