ភ្នំពេញៈ ដើម្បីសម្រួលដល់ការដឹកជញ្ជូនជំទិញ ក៏ដូចជាធ្វើដំណើរកាន់តែចំណាយរយៈពេលតិចនៅក្នុងឆ្នំា២០២០ខាងមុខ កម្ពុជាគ្រោងនឹងសាងសង់ផ្លូវដែលមានល្បឿនលឿនចំនូនពីរខ្សែ ដែលមួយខ្សែចេញពីភ្នំពេញទៅទីក្រុងហូជីមិញ និងមួយខ្សែទៀតចេញពីភ្នំពេញ ទៅកាន់ខេត្តព្រះសីហនុដែលគម្រោងសាងសង់ដោយប្រទេសពីរផ្សេងពីគ្នា។
.JPG)
នេះបើតាមការអះអាងរបស់លោក រដ្ឋមន្ត្រីសាធារណៈការ និងដឹកជញ្ជូន ត្រាំ អ៊ីវ តឹក ក្នុងការផ្តល់បទ សម្ភាសន៍ជាមួយ អ្នក សារ ព័តមានក្រោយពីថ្លែងបើកសិក្ខាសាលាស្តីពី« ការធ្វើឲ្យប្រសើរឡើងនូវការដឹកជញ្ជូនតាមផ្លូវទឹកនិងភស្តុភារកម្មរវាងកម្ពុជា និងវៀតណាម » នៅសណ្ឋាគារឡឺរ៉ូយ៉ាល់ កាលពីព្រឹកថ្ងៃទី១៩ កុម្ភៈ។
លោកត្រាំ អ៊ីវតឹកបានឲ្យដឹងទៀតថាផ្លូវដែលមាន ល្បឿនលឿន នោះក្រោមគំរោងសាងសង់ពីប្រទេសជប៉ុន និងសាធារណៈរដ្ឋប្រមានិតចិន ហើយដើម្បីកុំឲ្យមានការប្រទាក់គ្នា យើងឲ្យប្រទេសជប៉ុនធ្វើពីភ្នំពេញ ទៅកាន់ទីក្រុងហូមិញ ចំណែកសាធារណៈរដ្ឋប្រជាមានិតចិនវិញធ្វើគម្រោងសាងសង់ផ្លូវដែលមានល្បឿនលឿនេះ ពីភ្នំពេញទៅកាន់ក្រុងព្រះស៊ីហនុ ប៉ុន្តែបញ្ហានេះជាដំ ណាក់កាលដំបូងព្រោះថារាល់សំស្នើទំាងនេះត្រូវបញ្ជូនទៅរាជរដ្ឋាភិបាល និងធ្វើទំនាក់ទំនងជាមួយប្រទេសវៀតណាមដើម្បីធ្វើទំនាក់នាក់ទំនងជាមួយកម្ពុជាយើង ព្រោះថាយើងធ្វើបានត្រឹមតែបាវិត ហើយវៀតណាមធ្វើពីទីក្រុងហូជីមិញមកទល់និងកម្ពុជាយើង។
លោកត្រាំ អ៊ីវតឹក បានលើកឡើងទៀតថាផ្លូវមានល្បឿនលឿននោះផ្សេងពីផ្លូវដែលសាងសង់រួច ហើយផ្លូវដែលមានល្បឿនលឿននេះមានពីគន្លងពីទៅពីមក និងជាផ្លូវដែលយកលុយនៅពេលឆ្លងកាត់។គម្រោងសាងសង់ផ្លូវល្បឿនលឿននេះនឹងបញ្ចប់នៅក្នុងឆ្នាំ២០២០ ហើយក្រៅពីធ្វើផ្លូវនេះ ជប៉ុនគ្រោងបង្កើតតំបន់សេដ្ឋកិច្ចពិសេសមួយទៀតនៅត្រង់កំពង់ ផែភ្នំពេញថ្មី ដើម្បីផ្តល់លទ្ធភាពដល់ក្រុមហ៊ុនមកធ្វើវិនិយោគ សម្រាប់ធ្វើការទាក់ទងគ្នា ជាមួយប្រទេសវៀតណាម ។
ក្រៅពីផ្លូវគោក ជប៉ុនបានងាកមកផ្លូវទឹកមួយទៀត ដើម្បីបំពេញគ្នាទៅវិញទៅមក ។កម្ពុជាយើងមានកិច្ចព្រមព្រៀងគ្នាជាមួយប្រទេសវៀតណាមពីការ ដឹកជញ្ជូនឆ្លង់កាត់ព្រំដែន ហើយរាល់ទំនិញដែលដឹកចូលពីប្រទេសទីបីត្រូវតែចូលក្នុងកំពង់ផែវៀតណាម តាមផ្លូវ ទឹកទន្លេមេគង្គ ឬទន្លេបាសាក់ដើម្បីមកដល់ទីក្រុងភ្នំពេញ ។លោកបញ្ជាក់ប្រទេសទីបីដែលដឹកទំនិញចូលមកកម្ពុជាត្រូវតែឆ្លង់កាត់កំពង់វៀត ណាម មានលក្ខណៈអន្តរជាតិ កុំឲ្យគាត់រឹតបន្តឹងព្រួតពិនិត្យខ្លំាងពេក ។ ពេលកន្លងមកមានកាហាមឃាត់ត្រួតពិនិត្យទំនិញដែលត្រូវចូលក្នុងប្រទេសកម្ពុជា ហើយតម្រូវឲ្យមានការសុំ ច្បាប់ពីប្រទេសវៀតណាម ប៉ុន្តែពេលនេះមិនចំាបាច់សុំច្បាប់ទេ គឺឲ្យតែដឹងថាទំនិញ ត្រួវដឹកមកកម្ពុជានឹងអាចចូលបាន។
លោក YUJI KUMAMARU ឯកអគ្គរាជទូតជប៉ុនប្រចំានៅកម្ពុជាបានមានប្រសាសន៍ថាកាដឹកជញ្ជូនតាមផ្លូវទឹកជាមធ្យោបាយដ៏មានសារៈសំខាន់ក្នុងប្រទេសកម្ពុជានិងប្រទេ សវៀតណាម ដែលក្នុងនោះមានបណ្តាញផ្លូវទឹកជាបន្តបន្ទាប់ ហើយការដឹកជញ្ជូនតាមផ្លូវ ទឹកមានតម្លៃថោកជាងការដឹកជញ្ជូនតាមផ្លូវគោក ហេតុនេះជាការអភិវឌ្ឍផ្លូវទឹក និងផ្តល់នូ វផលប្រយោជន៍យ៉ាងធំធេងនៃប្រទេសទំាងពីរសម្រាប់ការអភិវឌ្ឍ សេដ្ឋកិច្ចនឹង សង្គម ។
គួរបញ្ជាក់ថា ការតភ្ជាប់នូវបណ្តាញផ្លូវទឹករវាងប្រទេសទំាងពីរនេះ គឺ និងមានផលប្រយោន៍យ៉ាងសំខាន់ ហើយបណ្តាញផ្លូវទឹកនឹងទទួលបាននូវភាពកាន់តែប្រសើ រនៅពេលសមារហណកម្មអាស៊ាននៅឆ្នាំ២០១៥ខាងមុននេះ។ ប្រទេសជប៉ុនបានដើរតួលើវិស័យដឹកជញ្ជូនជាច្រើនឆ្នំាមកហើយ ពិសេសនោះយើងមានគម្រោងជា អាទិភាពធំៗមួយចំនូនក្នុងវិស័យពាក់ព័ន្ធមួយគឺមានការស្តារនឹងជួយជុលផ្លូវថ្នល់នៅតាមច្រងរបៀង សេដ្ឋកិច្ចភាគខាងត្បូងក្នុងនោះមានផ្លូវជាតិលេខ១ និងផ្លូវជាតិលេខ៥៕ ដោយ៖ ភីន រ៉ា