បន្ទាយមានជ័យ៖ នៅព្រឹកថ្ងៃទី២៣ ខែឧសភា ឆ្នាំ ២០១៣  ក្រុមគ្រូពេទ្យស្ម័គ្រចិត្តមកពី​ប្រទេស​សិង្ហបុរី និង
ក្រុមគ្រូពេទ្យកម្ពុជា នៃមន្ទីរ​ពេទ្យបង្អែកក្រុងប៉ោយប៉ែត បានទទួលព្យាបាលជូន​ពល​រដ្ឋរស់នៅតាមបណ្តាយ​
ព្រំដែនដោយ​កម្ពុជា-ថៃដោយឥតគិតថ្លៃ ។

ពិធីនេះបានធ្វើឡើងនៅមន្ទីរពេទ្យបង្អែក ក្រុងប៉ោយប៉ែត ដោយមានការទទួលស្វាគមន៍ពីលោក ង៉ោ ម៉េងជ្រួន អភិបាលក្រុងប៉ោយប៉ែត និងមន្ត្រីមន្ទីរសុខាភិបាលខេត្ត និងក្រុម​គ្រូពេទ្យ មន្ត្រីរាជការ មកពីមន្ទីរស្ថាប័នពាក់
ពន្ធ័ជាច្រើនរូបទៀត ។

បើតាមការឲ្យដឹងពី លោក ង៉ោ ម៉េងជ្រូនថា ការព្យាបាលជូនប្រជាពលរដ្ឋនេះ គឺក្រុមគ្រូពេទ្យ មិនគិតថ្លៃទេពួក
គាត់មកព្យាបាល ជូនប្រជាពលរដ្ឋ តាមរយៈ លោកឧបនាយករដ្ឋមន្ត្រី យឹម ឆៃលី ។       ក្រុមគ្រូពេទ្យទាំងនេះ
មកពីប្រទេសសិង្ហបុរី មានវេជ្ជបណ្ឌិតចំនួន ១៦ នាក់   គិលានុ​បដ្ឋា​ក៩នាក់ និស្សិតពេទ្យ៨នាក់   ក្រៅពីនេះក៏
មានការចូលរួមបកប្រែពីសំណាក់យុវជន របស់​លោកហ៊ុន ម៉ានី ពេទ្យមកពីមង្គលបុរី២នាក់តំណាងក្រសួង
អភិវឌ្ឍន៍ជនបទមួយ​ចំនួនទៀត ។

លោកបន្តថា នេះគឺជាសកម្មភាពមួយ ស្តែងឲ្យឃើញថា រាជរដ្ឋាភិបាល ក្រៅពីដឹកនាំប្រទេស ឲ្យមានភាពរីក
ចម្រើននិងប្រកបទៅដោយសុខសន្តិភាព លោកបានយកចិត្តទុកដាក់ លើប្រជា​​​រាស្ត្រគ្រប់ទីកន្លែងព្រមទាំង
បានទំនាក់ទំនង នាំគ្រូពេទ្យបរទេស មកព្យាបាលជូនប្រជាពលរដ្ឋ ដោយឥតគិតថ្លៃ ក្នុងន័យចូលរួម ចំណែក
កាត់បន្ថយភាពក្រីក្រ និងលើកកម្ពស់សុខមាលភាព​ដល់ប្រជាពលរដ្ឋដែលរស់នៅតាមជនបទចុងកាត់មាត់
ញក ៕ដោយ៖ សំអាត