ភ្នំពេញ៖ កម្ពុជា និងកូរ៉េ បានជ្រើសយកប្រធានបទធំៗ ចំនួន៦ មកសិក្សា រួមគ្នាដើម្បីចែករម្លែកនិងបទពិសោធន៍ ពីការអភិវឌ្ឍន៍ របស់ប្រទេសកូរ៉េ រួមមានគោលនយោបាយនិងការប្រឹក្សាយោបល់ពីការអភិវឌ្ឍន៍ដល់កម្ពុជា។ក្នុង ជំនួបពិភាក្សាការងារទាក់ទងទៅនឹងកម្មវិធីចែករម្លែកចំណេះដឹង របស់វិទ្យាស្ថានអភិវឌ្ឍន៍កូរ៉េកាលពីចុង សប្តាហ៍ កន្លងទៅនេះរវាង លោក អូន ព័ន្ធមុនីរ័ត្ន រដ្ឋមន្ត្រី ក្រសួងសេដ្ឋកិច្ច និងហិរញ្ញវត្ថុ និងគណៈប្រតិភូរបស់ វិទ្យាស្ថាន អភិវឌ្ឍន៍កូរ៉េ ដឹកនាំដោយសាស្ត្រាចារ្យ Hyeok JEONG ភាគីទាំងពីរបានសម្រេចយកប្រធាន បទចំនួន៦ សម្រាប់ ស្រាវជ្រាវរួមគ្នា ។

ប្រធានបទទាំងនោះរួមមាន៖ទី១ការកំណត់កង្វះខាតជំនាញដែលមានតម្រូវការខ្ពស់ និងអនុសាសន៍គោលន​យោ​បាយ សម្រាប់កម្ពុជាទី២ ការស្វែងយល់ ពីនិន្នាការ​ ចរិកលក្ខណៈ និងការបែងចែក ការវិនិយោគ ពីប្រទេសកូរ៉េនៅ​ក្នុងតំបន់ និង ទំនាក់ ទំនងមក លើកម្ពុជា ទី៣. តួនាទីរបស់គោលនយោបាយ ម៉ាក្រូសេដ្ឋកិច្ច ក្នុងការគ្រប់គ្រង ការ​អភិវឌ្ឍន៍ និងការធ្វើឱ្យ មានពិពិធកម្ម ភាវូបនីយកម្ម-ឧស្សាហកម្ម នៅកម្ពុជា ទី៤. ការផ្តល់ហិរ​ញ្ញប្បទាន សម្រាប់​អភិវឌ្ឍន៍ វិស័យឧស្សាហកម្ម តាមរយៈប្រព័ន្ធ ធនាគារ ទី៥. ការលើកកម្ពស់ ផ្នែកវិទ្យាសាស្ត្រ បចេ្ចកវិទ្យា និងនវានុ​វត្តន៍ សម្រាប់ការអភិវឌ្ឍសេដ្ឋកិច្ច រយៈពេលវែង និងទី៦. ការស្រាវជ្រាវ អំពីប្រព័ន្ធនិង វិញ្ញាបនបត្រ បញ្ជាក់ពីភូមិ​សាស្ត្រ នៃប្រភព ផលិតផល។

ភាគីទាំងពីរ កម្ពុជា កូរ៉េ បង្កើតកម្មវិធីនេះ ឡើងក្នុងគោលដៅ ចែករំលែក ចំណេះដឹង និងបទពិសោធន៍ការអភិវឌ្ឍន៍ របស់ប្រទេស កូរ៉េ រួមមានការសិក្សាស្រាវជ្រាវ ពីគោលនយោបាយការប្រឹក្សាយោបល់ពីការអភិវឌ្ឍន៍និង​ការ​ក​សាង សមត្ថភាព សំដៅជួយ ប្រទេសដៃ គូអភិវឌ្ឍន៍ ក្នុងការ ជួយជំរុញជួយ ឱ្យ មា​ន​ការអភិវឌ្ឍន៍ សេដ្ឋកិច្ច និងសង្គមកាន់ តែមានភាព ប្រសើរឡើង ។

ម្យ៉ាងទៀត គោលដៅសំខាន់ នៃកម្មវិធីនេះ គឺដើម្បីជួយ ក្នុងការលើក កម្ពស់ដល់ការ ប្រកួតប្រជែងថ្នាក់ជា​តិនិង​កិច្ច​ខិតខំ ប្រឹងប្រែង ក្នុងការរៀប រចនាសម្ព័ន្ធស្ថាប័ន របស់ប្រទេស ដៃគូអភិវឌ្ឍន៍របស់កូរ៉េ  តាមរយៈ ​ការចែករំលែក បទ​ពិសោធន៍ នៃការអភិវឌ្ឍន៍ ដែលកូរ៉េ បានជួបប្រទះ។

គួរបញ្ជាក់ថា ប្រទេសកម្ពុជា និងប្រទេសកូរ៉េ បានផ្តើម អនុវត្តការ ស្រាវជ្រាវរួមគ្នា លើកម្មវិធីចែករម្លែកចំណេះដឹង នេះ ចាប់តាំងពី ឆ្នាំ២០០៦មកម្លេះ ចំណែក ឆ្នាំ២០១៣-២០១៤នេះ ជាលើកទី៦ ហើយៗ ភាគីទាំងពីរ ក៏បានកំណត់ យកប្រធានបទ ចំនួន៦ផងដែរ ៕ ដោយ៖ រតនា