ប៉េកាំង៖ គូស្នេហ៍ដែលបញ្ជាទិញផ្កាសម្រាប់ថ្ងៃបុណ្យនៃក្តីស្រឡាញ់នឹងត្រូវចំណាយ​ប្រាក់ច្រើន​ជាង​ឆ្នាំ មុន​ដោយសារការធ្លាក់ព្រិលច្រើនហួសប្រមាណបណ្តាលឲ្យតម្លៃផ្កាកុលាបក្នុងខេត្ត Yunnan ភាគខាងត្បូងប្រទេសចិន​កើនឡើង ខ្ពស់។ ទីភ្នាក់ងារព័ត៌មានចិនស៊ិនហួ ចុះថ្ងៃទី០៩ ខែកុម្ភៈ ឆ្នាំ២០​១៤ បានឲ្យដឹងថាតម្លៃផ្កាកុលាប​លក់​​រាយ​ក្នុង ឆ្នានេះ មានតម្លៃចំនួន២០យុន ដែលស្មើនឹង ៣,៣ដុល្លារដោយតម្លៃនេះស្មើនឹងតម្លៃផ្កាឆ្នាំមុនទ្វេដង។

       ​ទោះបីជាយ៉ាងនេះក្តី បណ្តាម្ចាស់ហាងនានា បានលើកឡើងថា ការកើនឡើងនូវតម្លៃផ្កានេះ មិន​បានជួយ​ដល់​ការ រកស៊ីរបស់ពួកគេឡើយ ព្រោះអតិថិជននឹងកាត់បន្ថយចំនួនផ្កា ឬជ្រើសរើសទិញ​ទំនិញ​​ផ្សេងទៀ​តជំនួសវិញ​សម្រាប់ ថ្ងៃបុណ្យ នៃក្តីស្រឡាញ់ដែលត្រូវនឹងថ្ងៃសុក្រ ទី១៤ ខែកុម្ភៈ ឆ្នាំ២០​១៤ ខាងមុខនេះ។ He Yuauhong ម្ចាស់ហាង  ផ្កា Jing an បានលើកឡើងថាអតិថិ​ជន​ភាគច្រើន មានការភ្ញាក់ផ្អើលចំពោះតម្លៃផ្កាដែលឡើងខ្ពស់​បែប​នេះ។ ពួកគេ អាចជ្រើសរើសផ្កាផ្សេង ដូច​ជា​​ផ្កាលីលី ដើម្បីជំនួសផ្កាកុឡាប ឬវេចខ្ចប់ផ្កាក្នុង ចំនួនតិចជាងមុន។

       ម្ចាស់ហាងរូបនេះបានបន្តថា អតិថិជនឆ្នាំនេះភាគច្រើនបញ្ជាទិញផ្កាកុលាប១១ទង ដែលមាន​ន័យថា ស្រឡាញ់ ពេញបេះដូង ឬ៣៣ទង ដែលមានន័យថា ស្រឡាញ់គ្នាជារៀងរហូត។ ប្រភព​ដដែល​បានឲ្យដឹងថា កាលពីឆ្នាំមុន គាត់​​បាននាំចូលផ្ការហូតដល់ ១២.០០០ទងមុនថ្ងៃបុណ្យ ហើយ​អតិថិជនទិញអស់គ្មានសល់៕

ដោយៈភីនរ៉ា