រាជធានីភ្នំពេញ ៖ ផ្ទះស្តុបគំនរជ័រមួយកន្លែង ដែលស្ថិតក្នុងភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌប្ញស្សីកែវកំពុងត្រូវបានអគ្គីភ័យបន្តឆាបឆេះយ៉ាងសន្ធោសន្ធៅ កាលពីវេលាម៉ោង១០និង២០នាទីព្រឹកថ្ងៃទី០៦ កុម្ភៈ ២០១៤។បើតាមប្រភពពីកន្លែងកើតហេតុបានឲ្យដឹងថា អគ្គិភ័យនេះបាននិងកំពុងបន្តឆាបឆេះគំនរជ័រយ៉ាងសន្ធោសន្ធៅ នៅខាងក្រោយយានដ្ឋានជួសជុលអូរប័រ។
សេចក្តីរាយការណ៍នោះបានបញ្ជាក់ដែរថា រហូតមកដល់ពេលនេះវាមិនទាន់រលត់ទេ ហើយអាជ្ញាធរ និង កម្លាំងសមត្ថកិច្ចរួមទាំងរថយន្តពន្លត់អគ្គិភ័យផងដែរ កំពុងនាំគ្នាអន្តរាគមន៍បាញ់ទឹកពន្លត់ អគ្គីភ័យនោះ ដើម្បីទប់ស្កាត់មិនឲ្យឆេះរាលដាលដល់ផ្ទះប្រជាពលរដ្ឋ ដែលស្ថិតនៅក្បែរកន្លែងកើតហេតុ។ប្រភពពីអាជ្ញាធរបានឲ្យដឹងថា រហូតមកដល់ពេលនេះនៅមិនទាន់ដឹងអំពីមូលហេតុ នៃការឆាបឆេះនៅឡើយទេ៕
ដោយ៖ អភិរក្ស