ស្រ្តីមកពីសហគមន៍ក្រីក្រជាច្រើននៅរាជធានីភ្នំពេញចង់ឲ្យអាជ្ញាធរថ្នាក់មូលដ្ឋាន បង្កើនកិច្ច សហការជាមួយពួកគេឲ្យបានកាន់តែច្រើនពិសេសបញ្ជូលបញ្ហាប្រឈមនានាទៅក្នុងផែនការវិនិយោគឃុំសង្កាត់ ដើម្បីដោះស្រាយការលំបាកជូនដល់ពួកគេកាន់តែមានប្រសិទ្ធិភាពខ្ពស់។
ក្រុមតំណាងស្រ្តីមកពីសហគមន៍ក្រីក្រចំនួន25 នៅក្នុងខណ្ឌចំនួន4បានជួបពិភាក្សាគ្នារជា មួយអាជ្ញាធរមូលដ្ឋាន និងអង្គការអភិវឌ្ឍស្រ្តីក្រីក្រក្នុងទីក្រុង រួមគ្នាស្វែងរកបញ្ហាប្រឈមនានានឹង តំរូវការចង់បានរបស់ពួកគេ ដើម្បីធ្វើការឆ្លើយតបឲ្យចំទិសដៅដោយធានាបាននូវការកាត់បន្ថយ ភាពក្រីក្រជាដើម។លោកស្រីស៊ុំ សាម៉ុននាយិការអង្គការអភិវឌ្ឍស្រ្តីក្រីក្រក្នុងទីក្រុងមានប្រសាសន៍ ថា ការជួយជុំនេះមានសារៈសំខាន់ណាស់ដើម្បីបង្ហាញពីតម្រូវការចង់បាននានារបស់ស្រ្តីក្រីក្រទាំង នោះទៅកាន់តែធរដើម្បីចាត់វិធានការដោះស្រាយ។
លោកស្រីបន្តថាជាលទ្ធផលដែលបានរកឃើញ ចំពោះបញ្ហាប្រឈមដែលចង់ឲ្យអាជ្ញាធរបង្កើនប្រសិទ្ធិភាពនៃការដោះស្រាយ មានដូចជា បញ្ហាដីធ្លី និងហេដ្ឋារចនាសម្ព័ន្ធបរិស្ថាន អសន្តិសុខ សុខភាព អំពើហឹង្សាក្នុងគ្រួសារ ការអប់រំ សិក្សា ថវិកា វិនិយោគឃុំ និងការមិនបានចូលរួមផុសផុលពីអាជ្ញាធរដែនដីជាមួយសហគហន៍ជាដើម ។អ្នកស្រីកន អូន ជាប្រធានសហគមន៍ក្រីក្រចំរើន ស្ថិតក្នុងសង្កាត់ច្បារអំពៅ2 ខណ្ឌមានជ័យបានឲ្យ ដឹងថា កិច្ចសហការរបស់អាជ្ញាធរមូលដ្ឋានមានផ្លែផ្កាមួយចំនួនដើម្បីជួយស្រ្តីក្រីក្រ ប៉ុន្តែត្រូវការកិច្ច គាំពារបន្ថែមទៀត ខណៈដែល80ភាគរយនៃសហគមន៍នេះជាអ្នកក្រីក្រលំបាករកមួយថ្ងៃរស់មួយ ដោយពឹងអាស្រ័យលើមុខរបររើសអេដចាយ ធ្វើសំណង់ និងស៊ីឈ្មួលនៅតាមផ្ទះជាដើម។ អ្នកស្រី បញ្ជាក់ថា ជាមធ្យោបាយចំពោះមុខចង់ឲ្យអាជ្ញាធរដោះស្រាយបញ្ហាផ្លូវដើរ ពិសេសជួយជំរុញធ្វើយ៉ា ងណាឲ្យជីវភាពប្រជាពលរដ្ឋកាន់តែប្រសើរតាមរយៈបង្កើតមុខរបរនិងជំនាញវិជ្ជាជីវៈជាដើម។
លោកស្រីឃឹម វណ្ណីប្រធានការងារស្រ្តីនៅក្នុងខណ្ឌមានជ័យបានឲ្យដឹងថា ការដោះស្រាយបញ្ហា ប្រ ឈមនានាដើម្បីគាំពារស្រ្តីក្រីក្រត្រូវបានគិតគូរជាអាទិភាព សំដៅធ្វើយ៉ាងឲ្យស្ថានភាពពួកគេកាន់ តែប្រសើរឡើង។ម្យ៉ាងវិញទៀតលោកស្រីបន្ថែមថា ក្រោមកិច្ចសហការជាមួយអង្គការអភិវឌ្ឍស្រ្តីក្រី ក្រក្នុងទីក្រុងកំពុងទទួលបានលទ្ធផលល្អទៅមុខ ក្នុងកិច្ចគាំពារលើពួកគេ ដោយសារតែខាងអាជ្ញា ធរមានលទ្ធភាពគាំពារផ្នែកច្បាប់ ផ្តល់បច្ចេកទេសនិងសមសម្រួលខាងផ្នែកធនធាន។សូមបញ្ជាក់ថា នៅទូទាំងរាជធានីភ្នំពេញមានសហគមន៍ក្រីក្រទាំងអស់ប្រមាណជិត400សហគមន៍ ហើយអភិបាលរាជធានីភ្នំពេញបានប្រកាសនឹងជួយសហគមន៍ទាំងនោះឲ្យកាន់តែមានស្ថានរស់នៅ ល្អប្រសើរ តាមរយៈចាប់ដៃគូសហការជាមួយអង្គការសង្គមស៊ីវិល និងវិស័យឯកជននានាតាមធន ធានដែលមាន៕
ដោយ៖ អភិរក្ស