ភ្នំពេញ៖ សហជីពកម្មករជាង២០នៅលើពិភពលោក និងអ្នកបញ្ជាទិញផលិតផលរោងចក្រកាត់ដេរពីប្រទេសកម្ពុជាបានចេញលិខិតមួយលើការស្នើសុំជួបសម្តេចតេជោ ហ៊ុន សែន នាយករដ្ឋមន្ត្រីកម្ពុជានៅអំឡុងពេលនៃសប្តាហ៏ទី១ នៃខែកុម្ភៈ។
ជាកាស្នើរសុំដើម្បីជំរាបសួរ និងគាំទ្រចំពោះសំណើរបស់អង្គការសហប្រជាជាតិដែលស្នើសុំឲ្យ រាជរដ្ឋាភិបាលកម្ពុជាបើកការស៊ើបអង្កេតមួយជាបន្ទាន់ដោយហ្មត់ចត់ ចំពោះការប៉ះទង្គិច ដែលបណ្តាលឲ្យមនុស្សយ៉ាងហោចណាស់ ៤នាក់ស្លាប់ និងជាច្រើននាក់ទៀតរងរបួសនៅក្នុងព្រឹត្តិការណ៏ប៉ះទង្គិចគ្នាមួយ រវាងសមត្ថកិច្ច និងក្រុមកម្មករនៅលើផ្លូវវេងស្រេង កាលពីថ្ងៃទី២ និងទី៣មករា។
ប្រភព័ត៌មានអ្នកសារព័ត៌មានយើងទទួលបានឱ្យដឹងទៀតថ លិខិតដដែលបានចុះហត្ថលេខាដោយអ្នកបញ្ជាទិញ និងសហជីពសកលជាង២០នៅលើពិភពលោកកាលពីថ្ងៃទី១៧ ខែមករាបានបញ្ជាក់ថាអ្នកបញ្ជាទិញ និងសហជីពគាំទ្រយ៉ាងមុតមាំចំពោះសំណើរបស់អង្គការសហប្រជាជាតិដែល ស្នើសុំឲ្យរាជរដ្ឋាភិបាលកម្ពុជា បើកការស៊ើបអង្កេតមួយជាបន្ទាន់ដោយហ្មត់ចត់ចំពោះការប៉ះទង្គិចដែលបណ្តាលឲ្យមនុស្ស៥នាក់ស្លាប់ និងជាច្រើននាក់ទៀតរងរបួស។
នៅក្នុងលិខិតរបស់សហជីពជាង២០ និងក្រុមអ្នកបញ្ជាទិញបានបន្តថា ការស៊ើបអង្កេតរបស់រដ្ឋាភិបាលនេះគួរតែធានាឲ្យបាននូវការទទួលខុស ត្រូវយ៉ាងពេញលេញ ចំពោះសមាជិកណាមួយនៃកម្លាំងសន្តិសុខ។
បញ្ជាក់ថា អ្នកបញ្ជាទិញ និងសហជីពក៏បានជំរុញឲ្យរដ្ឋាភិបាលកម្ពុជាចូលរួមជាមួយនិយោជក និងសហជីពនៅកម្ពុជា ដើម្បីចរចារកដំណោះស្រាយចំពោះវិបត្តិប្រាក់ឈ្នួលកម្មករនៅកម្ពុជា នេះ ដើម្បីបង្កើតមូលដ្ឋានគ្រឹះសម្រាប់ការពិភាក្សាប្រកបដោយភាពជឿទុកចិត្ត និងទៀងទាត់រវាងកម្មករ និយោជក និងរដ្ឋាភិបាល
គួររំលឹកដែរថា សូមរំលឹកថា នៅចុងឆ្នាំ២០១៣ ប្រាក់ខែកម្មករបានដំឡើងពី៨០ដល់៩៥ដុល្លារហើយបន្ទាប់មករាជរដ្ឋាភិបាលកម្ពុជា បានសម្រេចបន្ថែមដល់១០០ដុល្លារ។ជាមួយគ្នានេះប្រាក់ខែកម្មករ គ្រោងឡើង១០ដុល្លារជារៀងរាល់ឆ្នាំ ដើម្បីឲ្យដល់ឆ្នាំ២០១៨ ប្រាក់ខែកម្មករ នឹងឡើង ដល់១៦០ដុល្លារ។
ជាការឆ្លើយតបទៅនឹងបញ្ហានេះ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសក្នុងពិធីបើកការដ្ឋានសាងសង់ស្ពានជ្រៃធំ ស្ថិតនៅក្នុងស្រុកកោះធំ ខេត្តកណ្តាល ដែលមានព្រំប្រទល់កម្ពុជា-វៀតណាម នៅថ្ងៃទី១៤ ខែមករាម្សិលមិញថា ការទាមទារឡើងប្រាក់ខែកម្មករដល់ ១៦០ ដុល្លារ មិនអាចទៅរួចទេ។
ពាក់ព័ន្ធនឹងការតម្លើងប្រាក់ខែកម្មករ ត្រូវធ្វើទៅតាមលទ្ធភាព ហើយកម្ពុជាបើធៀបនឹងឥណ្ឌា បង់ក្លាដេស ឡាវ និងមីយ៉ានម៉ា គឺប្រាក់ខែកម្មករកម្ពុជាឡើងខ្ពស់ជាង។ សូម្បីតែនៅវៀតណាម កម្មកររោងចក្រមានប្រាក់ខែជាមធ្យមតែជាង ២ លានដុង ដែលប្រមាណជាង ១០០ដុល្លារអាមេរិកប៉ុណ្ណោះ៕
ដោយ៖ ភីនរ៉ា