ភ្នំពេញ៖អង្កការពលកម្មអន្តរជាតិហៅកាត់ថាILOបានបង្កើតគម្រោងថ្មីមួយដើម្បីពង្រីកសេវាការងារ និងលើកកម្ពស់ព័ត៌មានទីផ្សារការងារនៅក្នុងប្រទេសកម្ពុជាហើយគ្រោងនេះនឹងសម្ភោធនៅថ្ងៃទី១៦ ខែមករា ឆ្នាំ២០១៤ គម្រោងនេះត្រូវបានអនុវត្តដោយអង្គការពលកម្មអន្តរជាតិ(ILO) ដោយទទួលបានការគាំទ្រផ្នែកហិរញ្ញវត្ថុពីសាធារណរដ្ឋប្រជាមានិតចិន។ គម្រោងថ្មីរបស់អង្កការILOបានធ្វើកិច្ចសហប្រតិបត្តិការប៉ែកខាងត្បូង‑ខាងត្បូងនៃILO/China កិច្ចសហប្រតិបត្តិការនេះដើម្បីពង្រីកសេវាការងារនិ ង លើ កកំព ស់ ព័ត៌មានទីផ្សារការងារនៅក្នុងប្រទេស កម្ពុជានិងសាធារណរដ្ឋប្រជាធិប តេ យ្យប្រជាមានិតឡាវ។ នេះគឺជាគម្រោងលើកទីមួយរបស់អង្គការ ILO នៅក្នុងប្រទេ ស កម្ពុ ជាដែលគាំទ្រដោយសាធារណរដ្ឋប្រជាមានិតចិន ហើយផ្តោតជាសំខាន់ ទៅលើកា រ ធ្វើឱ្យកាន់តែប្រសើរឡើងនូវសេវាការងារ។ គោលបំណងនៃគម្រោងនេះគឺដើម្បីប ង្កើ ន ប្រ សិទ្ធិភាពទី ផ្សារការងារនិងការចូលរួមពីសំណាក់ភាគីពាក់ព័ន្ធកាត់បន្ថយភាពគ្មាន កា រ ងារធ្វើនិងពង្រឹងលំហូរព័ត៌មានរវាងអ្នកស្វែងរកការងារធ្វើ និងនិយោជក។
គម្រោងថ្មីរបស់អង្កការពលកម្មអន្តរជាតិនេះនឹងចាប់ផ្តើមនៅប្រទេសកម្ពុជារយៈពេល៣ឆ្នាំ ហើយគ្រោងនេះនឹងលើកកម្ពស់គុណភាពសេវាការងារ និងបម្រើតាមសេចក្តីត្រូវការរបស់អតិថិជនបន្ថែមទៀតតាមរយៈមជ្ឈមណ្ឌលការងារដែលមានស្រាប់(នៅរាជធានីភ្នំពេញ បាត់ដំបង សៀមរាប កំពត និងស្វាយរៀង)។ គម្រោងនេះនឹងបង្កើនការផ្គូផ្គង និងការទទួលបានការងារធ្វើ តាមរយៈការធ្វើឱ្យប្រសើឡើងនូវការប្រមូល វិភាគ និងផ្សព្វផ្សាយទិន្នន័យទីផ្សារការងារ ព្រមទាំងជម្រុញការអភិវឌ្ឍកម្មវិធីដែលពាក់ព័ន្ធទៅនឹងការងារសម្រាប់គាំទ្រដល់ក្រុមជនគោលដៅដូចជា ស្រ្តី កម្មករចំណាកស្រុក និងជនពិការ។ គំនិតផ្តួចផ្តើមដែលស្រដៀងគ្នានេះក៍ត្រូវបានរៀបចំអនុវត្តនៅក្នុងប្រទេសឡាវផងដែរ។ប្រភព បានបញ្ជាក់ការសម្ភោធដំណើរការគម្រោងនេះ រួមមានលោក ពេជ សោភ័ន រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ និងជាអនុប្រធានគណៈកម្មាធិការជាតិបណ្តុះបណ្តាល លោកស្រី Lu Xiaoping អគ្គនាយករងនៃនាយកដ្ឋានសហប្រតិបត្តិការអន្តរជាតិ នៃក្រសួងធនធានមនុស្ស និងសន្តិសុខសង្គម នៃសាធារណរដ្ឋប្រជាមានិតចិន និងលោក Maurizio Bussiមន្រ្តីទទួលបន្ទុកការិយាល័យ ILO ប្រចាំប្រទេសថៃ កម្ពុជា និងឡាវ នៅសណ្ឋាគារភ្នំពេញ។សូមបញ្ជាក់ថាអង្គការ ILO គឺជាភ្នាក់ងារឯកទេសរបស់អង្គការសហប្រជាជាតិ ដែលទទួលបន្ទុកផ្នែកការងារ និងកិច្ចការទាំងឡាយដែលទាក់ទងនឹងការងារ។ រចនាសម្ព័ន្ធពិសេសបែបត្រីភាគីរបស់អង្គការ ILO ប្រមូលផ្តុំដោយតំណាងរដ្ឋាភិបាល និយោជក និងកម្មករ ដើម្បីរៀបចំរួមគ្នានូវគោលនយោបាយ និងកម្មវិធីនានា ក្នុងគោលបំណងក្នុងការជម្រុញការងារសមរម្យសម្រាប់ទាំងអស់គ្នា៕
ដោយ៖ រតនា