ភ្នំពេញ៖ តាមការស្រាវជ្រាវរបស់អង្គការសុខភាពពិភពលោក បានបង្ហាញថា ការប្រើប្រាស់ថ្នាំជក់ ការជក់
បារីបានបណ្តាលឲ្យមនុស្សយ៉ាងតិចជិត៦លាននាក់បានស្លាប់បាត់បង់ជីវិតជារៀងរាល់ឆ្នាំ។
រដ្ឋលេខាធិការក្រសួងសុខាភិបាល លោក អ៊ឹង ភីរុន នៅព្រឹកថ្ងៃទី២៩ ខែឧសភានេះ បានឲ្យដឹងថា តាមការ
ស្រាវជ្រាវរបស់អង្គការសុខភាពពិភពលោក ការប្រើប្រាស់ថ្នាំជក់ ជាពិសេសការជក់បារីបានបណ្តាលឲ្យមនុ
ស្សលើពិភពលោក ៦លាននាក់ជារៀងរាល់ឆ្នាំ ។ លោកថ្លែងយ៉ាងដូច្នេះ នៅក្នុងឱកាសទិវាពិភពលោកគ្មានថ្នាំជក់ ក្រោមប្រធានបទ «ហាមឃាត់ការផ្សាយពាណិជ្ជកម្មការលើកកម្ពស់ និងការឧបត្ថម្ភដោយឧស្សាហកម្ម
ថ្នាំជក់»នៅទីស្តីការក្រសួងសុខាភិបាល ។
លោក អ៊ឹង ភីរុន បានបញ្ជាក់ថាថ្នាំជក់បណ្តាលឲ្យពាក់កណ្តាលនៃអ្នកប្រើប្រាស់ជាប្រចាំបានស្លាប់។ រីឯអ្នកមិន
ជក់បារីចំនួន ៦០០.០០០នាក់ បានស្លាប់ដោយគ្រាន់តែស្រូបផ្សែងបារីពីគេក្នុងមួយឆ្នាំ។ ម៉្យាងជំងឺដែលបង្ក
ដោយសារ ការប្រើប្រាស់ថ្នាំជក់នេះជាប្រភេទជំងឺដែលអាចបង្ការបានដោយគ្រាន់តែមិនប្រើប្រាស់ថ្នាំជក់ និង
ជៀសពីការស្រូបផ្សែងបារីពីគេដោយអចេតនាតាមរយៈការមិនសាកល្បងជក់បារី និងការលះបង់ការជក់បារី។
លោក អ៊ឹង ភីរុន បន្ថែមថា រាជរដ្ឋាភិបាលក្រោមការដឹកនាំរបស់សម្តេចតេជោ សែន នាយករដ្ឋមន្រ្តី បាននឹង
កំពុងធ្វើការយ៉ាងយកចិត្តទុកដាក់បំផុត ដើម្បីលើកកម្ពស់សុខុមាលភាពប្រជាពលរដ្ឋកម្ពុជា សំដៅកាត់បន្ថយ
ភាពក្រីក្រ អាត្រាឈឺ និងអាត្រាមរណៈបណ្តាលមកពីការប្រើប្រាស់ថ្នាំជក់។ ជាក់ស្តែងបានផ្តល់សច្ចាប័នលើ
អនុសញ្ញាស្តីពីការត្រួតពិនិត្យថ្នាំជក់ កាលពីឆ្នាំកន្លងទៅ។ហើយទិវាពិភពលោកគ្មានថ្នាំជក់ គឺជាមធ្យោបាយដ៏
មានប្រសិទ្ធិភាពមួយ ក្នុងការលើកកំពស់ការយល់ដឹងអំពីផលប៉ះពាល់យ៉ាងធ្ងន់ធ្ងរនៃការប្រើប្រាស់ផលិតផលថ្នាំជក់៕ដោយ៖ សំអាត