ភ្នំពេញ៖ ប្រធានអាជ្ញាធរជាតិប្រយុទ្ធនឹងជម្ងឺ អេដស៍បានថ្លែងថា អាត្រាឆ្លងមេរោគរបស់ក្រុមបុរសស្រឡាញ់បុរសនៅតែជាបញ្ហាដ៏ធំមួយរបស់កម្ពុជា គ្រាដែលអាត្រាឆ្លងក្នុងចំណោមប្រជាជនធម្មតាមានអាត្រាឆ្លងត្រឹម តែ ០,៧% តែក្រុមបុរសស្រឡាញ់បុរសមានអាត្រាឆ្លងរហូតដល់២,១%។
ថ្លែងនៅក្នុងកិច្ចប្រជុំសម្របសម្រួលជាន់ខ្ពស់ស្តីពីការអនុវត្តបទអន្តរាគមន៍បង្កាមេរោគអេដស៍ និងជម្ងឺអេដស៍ក្នុងចំណោមបុរសស្រឡាញ់បុរសរបស់ប្រធានអាជ្ញាធរជាតិប្រយុទ្ធ នឹងជម្ងឺអេដស៍ កាលពីថ្ងៃទី២៤ ធ្នូ លោកទេសរដ្ឋមន្រ្តី អៀង មូលី ក្នុងរាជធានីភ្នំពេញ ដោយមានការចូលរួមពីក្រុមបុរសស្រឡាញ់បុរស និងមន្រ្តីពាក់ព័ន្ធប្រមាណជា៥៨នាក់ ក្នុងគោលបំណងនៃកិច្ចប្រជុំគឺធ្វើការកាត់បន្ថយការរើសអើង និងការម៉ាក់ងាយលើក្រុមបុរសស្រឡាញ់បុរស និងក្រុមស្រីស្រស់ និងពង្រឹងការគាំទ្រ តាមរយៈកិច្ចសហប្រតិបត្តិការណ៏ពីស្ថាប័នពាក់ព័ន្ធ ទៅលើបទអន្តរាគមន៍ និងកម្មវិធីបង្ការ ថែទាំ និងគាំទ្រមេរោគអេដស៏ ជំងឺអេដស៏ក្នុងចំណោមបុរសស្រឡាញ់បុរស និងក្រុមស្រី ស្រស់នៅក្នុងប្រទេសកម្ពុជា។។
លោក អៀង មូលី បានបញ្ជាក់ថា នៅពេលដែលអាត្រាឆ្លងមេរោគអេដស៍ប្រជាជនធម្មតា មានតែ ០,៧% ចំណែកក្រុមបុរសស្រឡាញ់បុរសមានដល់ទៅ ២,១% ជាអាត្រាមួយ ដែលគេត្រូវគិតគូរប្រុងប្រយ័ត្នជានិច្ច។ លោកបន្ថែមទៀតថា បើសិនជាមិនមានវិធានការទប់ស្កាត់ប្រកបដោយប្រសិទ្ធភាពទេ នោះបញ្ហាមេរោគអេដស៍ និងជម្ងឺអេដស៍ និងវិលត្រឡប់ក្នុងសង្គមកម្ពុជាម្តងទៀតជាមិនខាន ហើយរលកទី២នេះ នឹងបង្កជាគ្រោះមហន្តរាយជាខ្លាំង ដែលគេមិនអាចទាយទុកបាន។
លោក ជួប សុខចំរើន អនុប្រធានអង្គការ ខាណា និងតំណាងឱ្យសម្ព័ន្ធគម្រោង Flagship ការរើសអើងនូវតែជា បញ្ហាមួយដ៏ចម្បងដែលជះឥទ្ធិពលដល់ក្រុមក្រុមបុរសស្រឡាញ់បុរស និងស្រីស្រស់ក្នុងការរកសេវាពិសេសសេវាតេស្តឈាមរកមេរោគអេដស៍ និងសេវាពិនិត្យកាមរោគ។ លោកបានបញ្ជាក់ថា តាមរយៈគម្រោង Flagship ផែនការ និងសកម្មភាពជាយុទ្ធសាស្ត្រ សម្រាប់ក្រុមបុរសស្រឡាញ់បុរស និងស្រីស្រស់គឺផ្តោតលើ បទអន្តរាគមន៍បង្ការ បរិយាសស្វែងរកការគាំទ្រ សម្ភារៈបរិក្ខារ និងការកសាងសមត្ថភាព ដែលជាផ្នែកមួយឈានទៅសម្រេចគោលដៅសូន្យបីជាពិសេស សូន្យគ្មានការចម្លងមេរោគអេដស៍ថ្មី។
លោកវេជ្ជបណ្ឌិត តែង គន្ធី អគ្គលេខាធិការនៃអាជ្ញាធរជាតិប្រយុទ្ធ នឹងជំងឺអេដស៍ និងជាប្រធានក្រុមការងារបច្ចេកទេសថ្នាក់ជាតិបុរសស្រឡាញ់បុរស និងស្រីស្រស់បានគូសបញ្ជាក់ផងដែរថាកាលពីពេលថ្នីៗកន្លងទៅនេះ មានកិច្ចប្រជុំក្រុមប្រឹក្សាគោលនយោបាយរបស់អាជ្ញាធរជាតិប្រយុទ្ធនឹងជំងឺអេដស៍ ដែលក្នុងនោះបានលើកឡើងនូវគោលការណ៍ ៧ ចំណុច ដើម្បីពង្រឹង និង ពង្រីកការអនុវត្ត ការទប់ស្កាត់ឲ្យកាន់តែមានប្រសិទ្ធភាព។
តាមរយៈកិច្ចប្រជុំដ៏មានសារៈសំខាន់នេះ អ្នកចូលរួមទាំងអស់ទទួលបានព័ត៌មានបន្ថែមទៀតស្តីពីមូលហេតុ ឥរិយាបថ ការប្រព្រឹត្ត និងការប្រឈមទៅនឹងការរីករាលដាលមេរោគអេដស៍ និងជំងឺអេដស៍នៅកម្ពុជារបស់ក្រុមបុរសស្រឡាញ់បុរស និងស្រីស្រស់ ហើយក៏រួមំណែកផងដែរ ដល់ការកាត់បន្ថយការរើសអើងចំពោះក្រុមនេះ នៅក្នុងសង្គមរបស់យើង ។
.jpg)
លោកក៏បានអំពាវនាវដល់ស្ថាប័នរដ្ឋាភិបាលគ្រប់ជាន់ថ្នាក់ ស្ថាប័នឯកជន ដៃគូអភិវឌ្ឍន៍ អង្គការសង្គមស៊ីវិល បណ្តាញបុរសស្រឡាញ់បុរស និងស្រីស្រស់ និងក្រុមបុរសស្រឡាញ់បុរស និងស្រីស្រស់ផ្ទាល់ ឱ្យបន្តចូលរួមយ៉ាងសកម្មបន្ថែមទៀត ក្នុងការប្រយុទ្ធប្រឆាំងមេរោគអេដស៍ និង ជំងឺអេដស៍នៅកម្ពុជាលើការបន្តផ្តល់ជំនួយទាំងថវិកា និងបច្ចេកទេស ដើម្បីឱ្យការអនុវត្តការងារកាន់តែមានប្រសិទ្ធភាពខ្ពស់បន្ថែមទៀត និងឈានទៅសម្រេចនូវ «គោលដៅសូន្យបី» គឺទី១ គ្មានការចម្លងមេរោគអេដស៍ថ្មី ទី២ គ្មានការស្លាប់ដោយសារជំងឺអេដស៍ និងទី៣ គ្មានការរើសអើង និងមាក់ងាយទៅលើអ្នកផ្ទុកមេរោគអេដស៍ និងជំងឺអេដស៍នៅត្រឹមឆ្នាំ២០២០ ខាងមុខ។
សូមបញ្ជាក់់ថា នៅប្រទេសកម្ពុជា ក្រុមដែលគេចាត់ទុកថាបានប្រឈមខ្ពស់នឹងការឆ្លងមេរោគអេដស៍ ត្រូវគេបែងចែកជាបីក្រុម គឺទី១.ក្រុមអ្នក ដែលធ្វើការនៅកន្លែងកំសាន្តសប្បាយ ដូចជាកន្លែងមាស្សា ខារ៉ាអូខេ។ល។ ទី២.ក្រុមអ្នកប្រើប្រាស់គ្រឿងញៀន និងទី៣.ក្រុមបុរសស្រឡាញ់បុរស៕ ដោយ៖ ភីនរ៉ា