ភ្នំពេញ ៖ មន្ត្រី បុគ្គលិកអង្គការសង្គមស៊ីវិល សហគមន៍ មន្ត្រីរាជរដ្ឋាភិបាល សិស្ស និស្សិត គ្រូបង្រៀន ព្រះសង្ឃ និង ម្ចាស់ជំនួយជាច្រើនរយនាក់ មានទាំងស្ត្រីផងនោះ គ្រោងនឹងចូលរួមយុទ្ធនាការយាត្រាសន្តិភាពថ្នាក់ជាតិស្តីពីទំនប់ ដនសាហុងនៅ ថ្ងៃទី ២៨ ដល់៣១ ខែមីនា ឆ្នាំ២០១៤ នៅខេត្តក្រចេះ ស្ទឹងត្រែង និង កំពង់ចាម ដើម្បីដាក់សម្ពាធលើរដ្ឋាភិបាលឡាវឲ្យបញ្ឈប់ជាបន្ទាន់នូវ ការសាងសង់ទំនប់វារីអគ្គិសនីខាងលើនេះ។ យុទ្ធនាការយាត្រាសន្តិភាពនេះ ធ្វើឡើងក្នុងគោលបំណងដើម្បី ជំរុញការយល់ដឹង និងជូនព័ត៌មានជូនសាធារណជន ឲ្យបានជ្រាបអំពីវឌ្ឍនភាពនៃគម្រោង សាងសង់ទំនប់លើទន្លេមេនៃទន្លេមេគង្គ ដែលបង្កើតផលប៉ះពាល់ឥតគណនាលើជីវភាព បរិស្ថាន ជីវចម្រុះ និង សេដ្ឋកិច្ចសង្គម ដែលចាប់ផ្តើមពីទំនប់សាយ៉ាប៊ូរី និង ទំនប់ដនសាហុងនៅក្នុងប្រទេសឡាវ ប្រមូលមតិឯកភាពគ្នាក្នុងចំណោមសង្គមស៊ីវិល និង សហគមន៍ទាំងឡាយដែលរស់នៅ និងធ្វើការយ៉ាងសកម្មលើបញ្ហាទន្លេមេនៃទន្លេមេគង្គលើប្រធានបទ គ្មានទំនប់លើទន្លេមេនៃទន្លេមេគង្គ ។
ជាមួយគ្នានេះកំពុងផ្តល់ការយកចិត្តទុកដាក់លើ controversial ទំនប់ វារីអគ្គិសនីលើទន្លេមេពីរដងចម្រូងចម្រាស ពោលគឺទំនប់សាយ៉ាប៊ូរី និង ទន្លេដនសាហុង និងដើម្បីរៀបចំសំណើដាក់ជូនរដ្ឋាភិបាលនៃប្រទេសជាប់ទន្លេមេគង្គ ក្រោមទាំងបួន និង ដៃគូអភិវឌ្ឍន៍ ដើម្បីដាក់សម្ពាធលើរដ្ឋាភិបាលឡាវឲ្យបញ្ឈប់ជាបន្ទាន់ នូវការសាងសង់ទំនប់វារីអគ្គិសនីលើទន្លេមេទាំងពីរនេះ។ ទំនប់ ដន សាហុង គឺជាទំនប់ទីពីរលើទន្លេមេនៃទន្លេមេគង្គ។ ប្រសិនបើដំណើរការតាមផែនការ ទំនប់នេះនឹងធ្វើឲ្យខូចខាតដល់ជលផលទន្លេមេគង្គ និងបំផ្លាញជីវភាពនៅខាងក្រោមខ្សែទឹកដែលប្រជាជនកម្ពុជាត្រូវទទួលរង ។ ទំនប់នេះបានធ្វើឲ្យមានក្តីបារម្ភធ្ងន់ធ្ងរអំពីបរិស្ថាននិងផលប៉ះពាល់សេដ្ឋកិច្ចសង្គម និងជីវភាពរបស់ប្រជាពលរដ្ឋក្រីក្រ។ ក្តីបារម្ភទាំងត្រូវបានលើកឡើងដោយអង្គការមិនមែនរដ្ឋាភិបាល និងអ្នកវិទ្យាសាស្ត្រអំពីទន្លេដនសាហុង និង គម្រោងទំនប់ផ្សេងទៀតលើទន្លេមេ។ ដូច្នេះហើយបានជា មន្ត្រី បុគ្គលិក អង្គការសង្គមស៊ីវិល សហគមន៍ មន្ត្រីរាជរដ្ឋាភិបាល សិស្ស និស្សិត គ្រូបង្រៀន ព្រះសង្ឃ និង ម្ចាស់ជំនួយទាំងអស់ រៀបចំយាត្រាសន្តិភាពថ្នាក់ជាតិមួយសំដៅជំរុញការយល់ដឹងអំពី ទំនប់នេះ និង សក្តានុពលផលប៉ះពាល់របស់វា ក៏ដូចជាជូនព័ត៌មានដល់បណ្តារដ្ឋាភិបាលនៃប្រទេសជាប់ទន្លេមេគង្គ ក្រោមទាំងបួន និងដៃគូអភិវឌ្ឍន៍ ព្រមទាំងភាគីពាក់ព័ន្ធផ្សេងទៀត អំពីការសាងសង់ទំនប់លើទន្លេមេនៃ ទន្លេមេគង្គ។ ដោយប្រកាន់ជំហរដ៏រឹងមាំគឺ គ្មានទំនប់លើទន្លេមេ នៃទន្លេមេគង្គ ៕
ដោយ៖ សស្អាត