ភ្នំពេញ៖ អតីតប្រជាពលរដ្ឋបឹងកក់រួមនឹងព្រះអង្ឃប្រមាណ ១០០អង្គ និងនាក់បានមកប្រមូលផ្តុំគ្នា និងបានបិទផ្លូវ មុខសាលារាជធានីភ្នំពេញ នៅព្រឹកថ្ងៃទី២៣ ខែធ្នូ ២០១៣ នេះ ដើម្បីទាមទារឲ្យអភិបាលសាលារាជធានីភ្នំពេញ លោក ប៉ា សុជាតិវង្ស ជួយដោះស្រាយបញ្ហាផ្តល់សំណង និងផ្តល់ប័ណ្ណកម្មសិទ្ធិឲ្យពួកគាត់ឲ្យបានឆាប់រហ័ស ដើម្បី ឱ្យពួកគាត់បានសាងសង់លំនៅដ្ឋានរស់នៅសមស្រប។ នៅព្រឹកថ្ងៃចន្ទនេះ ប្រជាសហគមន៍បឹងកក់ ពីរក្រុមតវ៉ារួម គ្នា គឺប្រជាសហគមន៍ដែលទទួលបានសំណងហើយ និងប្រជាសហគមន៍ដែលមិនទាន់ទទួលបានសំណង។

ប្រជាសហគមន៍ដែលទទួលសំណងហើយ ទាមទារសំណងបន្ថែមទៀត ដោយពួកគេអះអាងថា សំណងដែល ក្រុមហ៊ុន បង្ខំឲ្យពួកគេទទួលពីមុននោះតិចតួចមិនសម និងតម្លៃដី។ ចំណែកប្រជាសហគមន៍ ដែលមិនទាន់ទទួល សំណងទាមទារឲ្យអាជ្ញាធរពន្លឿនការវាស់វែងដី ផ្តល់ប័ណ្ណកម្ម សិទ្ធិ ឲ្យពួកគាត់ឲ្យបានឆាប់ ដើម្បីជៀសវាងការ បណ្តេញចេញដោយបង្ខំទៀត។

ដំបូងឡើយ ប្រជាសហគមន៍គ្រាន់តែមានបំណងដាក់បញ្ញត្តិសុំកិច្ចអន្តរាគមន៍ទេ តែបន្ទាប់ពីប៉ះពាក្យសំដីជា​មួយ​មន្ត្រីសាលារាជធានីភ្នំពេញ ពួកគេក៏ចាប់ផ្តើមបិទផ្លូវតែម្តង ដោយព្រះសង្ឃចូលរួម ផងដែរ ចាប់ពីពេលម៉ោង៩ ដល់​ម៉ោងជាង១០ព្រឹកនេះ ប្រជាសហគមន៍បិទផ្លូវ មិនទាន់មានការបង្ក្រាបទេ តែសមត្ថ កិច្ចបញ្ជូនបន្ថែមទៅទី​នោះជា​បន្ត​បន្ទាប់ រហូតដល់ម៉ោង១២ ថ្ងៃត្រង់ទើបក្រុមអ្នកតវ៉ាបើកផ្លូវធម្មតាវិញ បន្ទាប់ពីផ្លូវ តូចៗនៅតំបន់​នោះមានការក​កស្ទះចរាចរណ៍យ៉ាងខ្លាំង គ្រាដែលតវ៉ាបិទមហាវិថីមួយនោះ។

បើតាមស្រី្តវ័យ៦០ឆ្នាំប្លាយរូបនេះ បានឱ្យដឹងថា សំណងចំនួន៨០០០ដុល្លារក្នុងមួយគ្រួសារ មិនធ្វើឲ្យអ្នកភូមិរក បានលំនៅដ្ឋានថ្មីសមរម្យនៅក្នុងតំបន់ទីប្រជុំជននោះឡើយ។ គាត់បានបញ្ជាក់ថា គ្រួសារគាត់មានសមាជិកជាង ១០នាក់ ហើយរស់នៅក្រោមដំបូលតែមួយ។ និយាយរួមពួកគាត់មាន២គ្រួសារ ប៉ុន្តែមានតែ១គ្រួសារប៉ុណ្ណោះដែល ទទួលបានសំណងដូច្នេះវាបានបង្ខំឲ្យកូនៗពួកគាត់ត្រូវឈប់រៀន។

អ្នកភូមិទទួលបានមិនបានឲ្យអ្នកភូមិរកទីលំនៅបានសមរម្យនៅទីប្រជុំជននោះទេ។ ការរវ៉ាដែលឈាន ដល់ការបិទ ផ្លូវព្រះមុនីវង្សនោះ រហូតមកដល់ម៉ោង១២ថ្ងៃត្រង់ មិនទាន់មានដំណោះស្រាយពីសាលារាជ ធានីភ្នំពេញនៅឡើយ ទេ៕ ដោយ ៖ ភីនរ៉ា