ភ្នំពេញ៖ អគ្គនាយកដ្ឋានពន្ធដារ បានបូកសរុបលទ្ធផលសារពើរពន្ធ ប្រចាំខែវិច្ឆិកាឆ្នាំ២០១​៣ ឃើ​ញ​ថា កើនឡើង១១.៤ភាគរយ បើប្រៀបធៀបរយៈពេលដូចគ្នា កាលពីឆ្នាំមុន។ក្នុងខែវិច្ឆិកា ឆ្នាំ២០១៣ នេះ អគ្គនាយកដ្ឋានពន្ធដារ បានប្រមូលនិងប ង់ប្រាក់ ពន្ធ​ចូ​លថវិកាជាតិបាន ជាង២២ម៉ឺនលានរៀល ប្រើប្រៀបធៀបទៅនឹងខែវិច្ឆិកាដូចគ្នា ក្នុងឆ្នាំ២០១២ មានការកើនឡើងស្មើ​នឹង​១១.៤​​​​ភាគរយ។

សរុបរយៈពេល១១ខែក្នុងឆ្នាំ២០១៣ ចំណូលពន្ធអាករមានចំនួន ជាង៣លានលានរៀល ស្មើនឹង៩២.៤នៃគោលដៅ​កំណត់ក្នុង​ច្បាប់​ហិរញ្ញវត្ថុ សម្រាប់ការគ្រប់គ្រងឆ្នាំ២០១៣ ក្នុងនោះថវិការដ្ឋសំរេចបានចំនួនស្មើនឹង៨៩.៦ភាគរយ  និងថវិការាជធានីខេត្ត សម្រេចបានចំនួនស្មើនឹង១១​៣.៦ភាគរយ។បើប្រៀបធៀបនឹងការអនុវត្តបានក្នុងរយៈពេល១១ខែដូចគ្នាក្នុងឆ្នាំ២០១២ ឃើញថា ក្នុងឆ្នាំ២០១៣នេះ មានការកើនឡើងចំនួនស្មើនឹងអត្រាកំណើន១៧,៣ភាគរយ ។តាមការវិភាគប្រភេទពន្ធឃើញថា ចំណូលក្នុង​ឆ្នាំ​២០១៣ មានការកើនឡើងគ្រប់ប្រភេ​ទពន្ធ ក្នុងនោះប្រភេទពន្ធសំខាន់ៗ ដែលមានការកើនឡើងមានដូចជា ពន្ធលើ​ប្រាក់បៀ​វត្ស មានការកើនឡើងប្រមាណ២៦.៤ភាគរយ ពន្ធលើប្រាក់ចំណេញមានការកើនឡើងប្រមាណ១៨.៣ភាគរយ អាករលើតម្លៃប​ន្ថែមកើនឡើងប្រមាណ១៩.៧ភាគរយ និងអាករពិសេសកើនឡើង១៥.២ភាគរយ។

ការពិនិត្យតាមវិស័យឃើញថា ចំណូលក្នុងឆ្នាំ២០១៣ កើនឡើងស្ទើរគ្រប់សកម្មភាពក្នុងនោះផ្នែក ភេសជ្ជៈកើនឡើង ២០.៤​ភាគរយ និងផ្នែកសេវាហិរញ្ញវត្ថុកើនឡើង២​៧​.៣ភាគរយ ក្រៅពីនោះវិស័យផ្សេងៗទៀតក៏មានការកើនឡើងដែរ។លោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានវាយតម្លៃខ្ពស់និងផ្ត​ល់អនុសាសន៍ ណែនាំបន្ថែមទៀត​ដល់អស់​លោកជា​ប្រធាន​អង្គភាពពន្ធដារ និងបានជំរុញអោយប្រធានអង្គភាពគ្រប់លំដាប់ថ្នាក់ពង្រឹងការអនុវត្តច្បាប់ គោរពវិន័យការងារនិង​ក្រម​សីលធម៌មន្រ្តីពន្ធដារអោយបានល្អប្រសើរថែមទៀត តាមរយៈការផ្តល់សេវាអ្នកជាប់ពន្ធ ប្រកបដោយប្រសិទ្ធិភាព និងមានភាព​ទន់ភ្លន់ ធ្វើយ៉ាងណាអោយអ្នកជាប់ពន្ធរីករាយក្នុងកិច្ចសហការបង់ពន្ធជូនរដ្ឋ៕ ដោយ៖ រតនា