ភ្នំពេញៈ លោកឧបនាយករដ្ឋមន្រ្តី ទៀ បាញ់ បានចាត់កងទ័ពកម្ពុជានាពេលបច្ចុប្បន្ននេះ មានសមត្ថភាពគ្រប់គ្រាន់ និងមានលក្ខណៈសមស្របក្នុងទិសដៅកសាងពង្រឹងសមត្ថភាពដល់កងទ័ពឲ្យមានវិជ្ជាជីវៈ ចំណេះដឹង និងចំណេះ
ធ្វើយ៉ាងពិតប្រាកដ សម្រាប់ការទទួលខុសត្រូវក្នុងការចូលរួមបំពេញបេសកកម្មរក្សាសន្តិភាពរបស់អង្គការសហប្រ
ជាជាតិប្រកបដោយប្រសិទ្ធភាពខ្ពស់។
លោកឧបនាយករដ្ឋមន្រ្តីថ្លែងយ៉ាងដូច្នេះ ក្នុងការបិទវគ្គគម្រោងសហប្រតិបត្តិការហ្វឹកហ្វឺននិងអប់រំប្រតិបត្តិការរក្សា
សន្តិភាពអង្គការសហប្រជាជាតិនៃវិទ្យាស្ថានហ្វឹកហ្វឺនឧត្តុង្គកាលពីព្រឹកថ្ងៃទី ២០ ខែមីនា ឆ្នាំ២០១៣ ដោយមានការ
ចូលរួមពីឯកអគ្គរាជទូតនៃព្រះរាជាណាចក្រជប៉ុនប្រចាំកម្ពុជានិងមន្រ្តីថ្នាក់ដឹកនាំនៃក្រសួងការពារជាតិជាច្រើនរូប ។
យោងតាមរបាយការណ៍របស់លោក សែម សុវណ្ណនី អគ្គនាយកមជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព
បោសសំអាតមីន និងកាកសំណល់សង្រ្គាមបានឲ្យដឹងពីសកម្មភាពហ្វឹកហ្វឺន និងលទ្ធផលការងារបញ្ជូនកងកម្លាំង
ចូលរួមបេសកកម្មរក្សាសន្តិភាពរបស់អង្គការសហប្រជាជាតិរយៈពេលកន្លងមកចាប់ពី២០០៦មកដល់ថ្ងៃនេះ មជ្ឈ
មណ្ឌលជាតិដែលជាថ្នាលបណ្តុះបណ្តាលធនធានមនុស្សសម្រាប់ចូលរួមបេសកកម្មរក្សាសន្តិភាពអង្គការសហប្រជា
ជាតិបានហ្វឹកហ្វឺន និងបណ្តុះបណ្តាលដោយផ្ទាល់ម្ចាស់ការដោយខ្លួនឯង និងការជួយឧបត្ថម្ភពីបណ្តាប្រទេសជាមិត្ត
នានាដល់នាយទាហាន នាយទាហានរង ពលទាហានចំនួន ៨០៣០នាក់។ក្នុងនោះហ្វឹកហ្វឺនម្ចាស់ការដោយខ្លួនឯង
បានចំនួន ៣៤១៣នាក់ ពីប្រទេសជាមិត្តចំនួន ៤៦១៧នាក់ រួមជាមួយនោះបានទទួលហ្វឹកហាត់ពីព្រះរាជាណាចក្រ
ជប៉ុនមួយវគ្គមានសិក្ខាកាមចំនួន ១៥នាក់។ បានបញ្ជូនកងកម្លាំងចូលរួមប្រត្តិបត្តិការរក្សាសន្តិភាពរបស់អង្គការសហ
ប្រជាជាតិផ្នែកមនុស្សធម៌នៅប្រទេសចំនួន ៦ រួមមានប្រទេសស៊ូដង់ ប្រទេសស៊ូដង់ខាងត្បូង ប្រទេសឆាត សាធារ
ណរដ្ឋអាហ្វ្រីកកណ្តាល លីបង់ ស៊ីរី បានចំនួន ១១កង មានកម្លាំងសរុបចំនួន ១៤៥០នាក់ មានជំនាញបោសសំអាត
មីន ស្ថាបនាស្ពានថ្នល់ កងរាជអាវុធហត្ថ ជំនាញពេទ្យកំរិត២ ទាហានសង្កេតការណ៍ នាយទាហានសេនាធិការ នាយ
ទាហានជាន់ខ្ពស់ផ្នែកជំនាញអាវុធហត្ថ។គ្រប់បេសកកម្មរក្សាសន្តិភាពរបស់អង្គការសហប្រជាជាតិ កងកម្លាំងកម្ពុជា
បានរក្សានូវសុវត្ថិភាពទាំងស្រុងគឺទៅគ្រប់ត្រឡប់មកវិញក៏គ្រប់ចំនួន។
លោកឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ ទៀ បាញ់ បានមានប្រសាសន៍ថា វគ្គហ្វឹកហ្វឺននេះថ្វីតែមាន
សិក្ខាកាមចូលរួមតែ ១៥នាក់ ហើយមានរយៈពេលសិក្សាតែ ២ខែក៏ពិតមែនប៉ុន្តែសិក្ខាកាមកម្ពុជាបានទទួលនូវ
បទពិសោធន៍ល្អៗតាមរយៈការជួយបណ្តុះបណ្តាលហ្វឹកហ្វឺន និងបង្ហាត់បង្រៀនពីសំណាក់មន្ត្រីយោធាមកពីស
កម្មភាពកំចាត់មីន និងយោធាចារ្យជប៉ុនមួយចំនួន ដែលមានបទពិសោធន៍ធ្លាប់ចូលរួមការងាររបស់អង្គការសហ
ប្រជាជាតិ តាំងពីជំនាន់អ៊ុនតាក់ក្នុងអំឡុងឆ្នាំ១៩៩១-១៩៩៣កន្លងមក។ ដូច្នេះវគ្គនេះសំខាន់ណាស់មានលក្ខណៈ
សមស្របក្នុងទិសដៅកសាង និងពង្រឹងសមត្ថភាពដល់កងទ័ពឲ្យមានវិជ្ជាជីវៈ ចំណេះដឹង និងចំណេះធ្វើយ៉ាងពិត
ប្រាកដ សម្រាប់ការទទួលខុសត្រូវក្នុងការចូលរួមបំពេញបេសកកម្មរក្សាសន្តិភាពរបស់អង្គការសហប្រជាជាតិប្រ
កបដោយប្រសិទ្ធភាពខ្ពស់។
ក្នុងនាមក្រសួងការពារជាតិ អគ្គបញ្ចាការនៃកងយោធពលខេមរភូមិន្ទ លោកឧបនាយករដ្ឋមន្ត្រី សម្តែងនូវអំណរ
គុណចំពោះឯកអគ្គរាជទូតជប៉ុនប្រចាំកម្ពុជា និងកងស្វ័យការពារជប៉ុន ដែលជួយគាំទ្រឧបត្ថម្ភនាពេលកន្លងមក
ដល់រាជរដ្ឋាភិបាលនិងកងទ័ពកម្ពុជា។ហើយពេលនេះបានបញ្ជូនយោធាចារ្យមកជួយបង្ហាត់បង្រៀនហ្វឹកហ្វឺនដល់
កងកម្លាំងកម្ពុជា ឲ្យមានជំនាញកាន់តែច្បាស់លាស់ ដើម្បីលើកកម្ពស់សមត្ថភាពយល់ដឹងគ្រប់ផ្នែកសម្រាប់ចូល
រួមក្នុងកិច្ចការសហប្រតិបត្តិការរក្សាសន្តិភាពរបស់អង្គការសហប្រជាជាតិឲ្យកាន់តែប្រសើរថែមទៀត។
ដើម្បីបន្តអនុវត្តការងារជាកងកម្លាំងរក្សាសន្តិភាព ឲ្យកាន់តែទទួលបានជោគជ័យថែមទៀតលោកឧបនាយករដ្ឋ
មន្ត្រីបានផ្តល់អនុសាសន៍ល្អជាច្រើន ក្នុងនោះសំខាន់ត្រូវគោរពឲ្យបានម៉ឺងម៉ាត់នូវបញ្ញត្តិ និងវិន័យរបស់កងយោធ
ពលខេមរភូមិន្ទព្រមទាំងក្តាប់ឲ្យបាននូវបច្ចេកទេសគន្លឹះផ្សេងៗ ដែលមានលក្ខណៈជាតិ-អន្តរជាតិ សំដៅចេញ
ទៅបំពេញភារកិច្ចទទួលជោគជ័យ។
ម៉្យាងត្រូវខិតខំយកចិត្តទុកដាក់សិក្សាស្វែងយល់ពីសភាពការណ៍ជាតិ-អន្តរជាតិ ដើម្បីពង្រឹងពង្រីកទស្សនៈវិស័យ
លើកិច្ចការពារជាតិឲ្យបានទូលំទូលាយនិងខិតខំបំប៉នភាសាបរទេសឲ្យបានជាប្រចាំសំដៅបង្កភាពងាយស្រួល
ដល់ទំនាក់ទំនងអន្តរជាតិបានល្អប្រពៃ និងគ្មានឧបសគ្គ។
ឯកអគ្គរាជទូតជប៉ុនលោក Kumamaru Yujiបានលើកឡើងថា ឆ្នាំនេះគឺជាខួបលើកទី ៦០ នៃទំនាក់ទំនងមិត្តភាព
រវាងប្រទេសជប៉ុននិងប្រទេសកម្ពុជា។មានកម្មវិធីផ្លាស់ប្តូរវប្បធម៌ជាច្រើនសម្រាប់ប្រារព្វឆ្នាំខួបប្រវត្តិសាស្ត្រនេះ
កំពុងត្រូវបានរៀបចំឡើងតាមកាលកំណត់។ប៉ុន្មានឆ្នាំចុងក្រោយនេះ ការវិនិយោគទុនឯកជនជប៉ុននៅប្រទេស
កម្ពុជាមានការកើនឡើងគួរឲ្យកត់សម្គាល់ ហើយទំនាក់ទំនងសេដ្ឋកិច្ចរវាងប្រទេសទាំងពីរត្រូវបានជំរុញ។
លោកមានជំនឿថាគម្រោងសហប្រតិបត្តិការហ្វឹកហ្វឺន និងបណ្តុះបណ្តាលជំនាញរក្សាសន្តិភាពរបស់អង្គការសហ
ប្រជាជាតិនេះ បានរួមចំណែកដល់ការពង្រឹងមិត្តភាព និងសាមគ្គីភាពរវាងមន្ត្រីការពារជាតិនៃប្រទេសជប៉ុន និង
ប្រទេសកម្ពុជា ក៏ដូចជាទំនាក់ទំនងមិត្តភាព និងសហប្រតិបត្តិការយ៉ាងល្អរវាងប្រទេសទាំងពីរកម្ពុជា-ជប៉ុន៕
ស.ស្អាត