តាកែវ៖ ព្រះរាជបុត្រីពៅរបស់សម្ដេចឳ សម្ដេចតា សម្ដេចតាទួត ព្រះបាទសម្ដេចព្រះ នរោត្តម សីហនុ ព្រះរាជបិតាឯករាជ្យ និងឯកភាពជាតិខ្មែរនៃយើង គឺសម្តេចរាជបុត្រី ព្រះអនុជ នរោត្តម អរុណរស្មី ជា
ប្រធានគណបក្សហ្វ៊ុនស៊ិនប៉ិច បានយាងជាអធិបតីដ៍ខ្ពង់ខ្ពស់ ក្នុងពិធីចុះសួរសុខទុក្ខប្រជារាស្ត្រចំនួន
ជាង ៥.០០០នាក់ មកពី ១០០ឃុំ ក្នុងស្រុកទាំង១០ នៃខេត្តតាកែវ ។ ពិធីនោះត្រូវបានធ្វើឡើងនៅវត្ត
ខ្សឹងស្ថិតក្នុងភូមិខ្សឹង ឃុំរកាក្នុង ស្រុកដូនកែវខេត្តតាកែវ កាលពីព្រឹកថ្ងៃទី១២ ខែឧសភា ឆ្នាំ២០១៣
កន្លងទៅថ្មីៗនេះដែលអមព្រះដំណើរដោយមន្ត្រីៗ អ្នកមុខអ្នកការនៃគណបក្សហ្វ៊ុនស៊ិនប៉ិចជាច្រើនរូប
ផងដែរ ។
ឯកឧត្តមបណ្ឌិតកុល ផេងបន្ទាប់ពីបានធ្វើរបាយការណ៍ ស្ដីពីស្ថានភាពរស់នៅរបស់ប្រជារាស្ត្រខេត្តតា
កែវថ្វាយ និងជម្រាបជូនគណៈអធិបតីរួចមកឯកឧត្តមក៏បានប្រកាសជម្រាបជូនអ្នកចូលរួមទាំងអស់បាន
ជ្រាបពីឈ្មោះបេក្ខជនឈរឈ្មោះ បោះឆ្នោតជ្រើសតាំង តំណាងរាស្រ្តនីតិកាលទី៥ ថ្ងៃទី២៨ ខែកក្កដា ឆ្នាំ២០១៣ របស់គណបក្សហ៊្វុនស៊ិនប៉ិច ប្រចាំមណ្ឌលតាកែវ ដែលរួមមាន៖ ១-ឯកឧត្តម កែវ ពុទ្ធរស្មី, ២-
ឯកឧត្តម កុល ផេង, ៣-ឯកឧត្តម ម៉ក់ វ៉ាន់, ៤-ឯកឧត្តម ម៉ក់ ថាវិន, ៥-ឯកឧត្តម ផូ សុធា, ៦-ឯកឧត្តម គឹម
កុសល, ៧-ឯកឧត្តម ញឹមសារ៉ន និង៨-ឯកឧត្តម ប៊ុន សុផាត ។
សម្តេចព្រះអនុជ នរោត្តម អរុណរស្មី ប្រធានគណបក្សហ្វ៊ុនស៊ិនប៉ិចបានមានព្រះសវនីយ៍ថា គណបក្ស
ហ្វ៊ុនស៊ិនប៉ិច បានកកើតឡើងនៅឆ្នាំ១៩៨១ដោយស្នាព្រហស្ថរបស់ព្រះរាជបិតាជាតិ ព្រះបាទសម្ដេចព្រះ
នរោត្តម សីហនុ ជាព្រះស្ថាបនិកដែលមួយជីវិតរបស់ព្រះអង្គបានដាក់ព្រះទ័យ ស្រឡាញ់ប្រជារាស្ត្រ ស្នេហាជាតិនិងសាសនា ជាទីបំផុត ។
សម្តេចប្រធានគណបក្សហ្វ៊ុនស៊ិនប៉ិចបានមានព្រះសវនីយ៍ទៀតថា នៅក្នុងព្រះរាជាណាចក្រកម្ពុជាយើង
មានគណបក្សច្រើនចូលរួមក្នុងការបោះឆ្នោតគឺជាការល្អប្រសើរណាស់ តែសូមកុំឲ្យប្រកាន់យកបក្សមួយ
ហើយ កុំស្អប់ខ្ពើមគ្នា។ ផ្ទុយទៅវិញ ត្រូវចេះរក្សាការពារគ្នា ស្រឡាញ់គ្នា សាមគ្គីគ្នា ដើម្បីកសាងសង្គម
មួយឆ្ពោះទៅរកភាពរុងរឿងនិងរីកចម្រើនដូចកាលពីសង្គមរាស្ត្រនិយម ។
សម្តេចរាជបុត្រី ព្រះអនុជ នរោត្តម អរុណរស្មី បានមានព្រះសវនីយ៍រម្លឹកថាក្រោយពីប្រទេសជាតិយើង
មានការផ្លាស់ប្តូររបបពីសង្គមរាស្ត្រនិយមទៅជារបបសាធារណៈរដ្ឋនិងពីរបបសាធារណៈរដ្ឋទៅជារបប
ប៉ុលពតរួចមកបានធ្វើឲ្យជនរួមជាតិខ្មែរស្ទើរតែផុតរលត់ពូជសាសន៍ទៅហើយ ។នេះមកពីខ្មែរបាក់បែក
សាមគ្គីគ្នាហេតុនេះហើយខ្មែរត្រូវតែសាមគ្គីគ្នាឡើង។
ក្រៅពីបានសម្ដែងពីព្រះទ័យសប្បាយរីករាយ ដែលឯកឧត្តម កែវ ពុទ្ធរស្មី ជាឧត្តមស្វាមីរបស់ព្រះអង្គ
បាននិងកំពុងឈរឈ្មោះជាតំណាងរាស្ត្រប្រចាំនៅខេត្តតាកែវព្រោះតែ ឯកឧត្តមមានស្រុកកំណើត នៅ
ក្នុងស្រុកបាទី ខេត្តតាកែវស្រាប់នោះសម្តេចរាជបុត្រី នរោត្តម អរុណរស្មី បុត្រីពៅរបស់សម្ដេចឳ សម្ដេច
តា សម្ដេចតាទួត នរោត្តម សីហនុ បានធ្វើការអំពាវនាវដល់បងប្អូនប្រជារាស្ត្រម្ចាស់ឆ្នោតថា សូមឲ្យបងប្អូនមេត្តាជួយបោះឆ្នោតជូនគណបក្សហ្វ៊ុនស៊ិនប៉ិច ដើម្បីបានបម្រើប្រជារាស្ត្រ ប្រជាពលរដ្ឋ ប្រជា
ជនផងនៅថ្ងៃទី២៨ ខែកក្កដា ឆ្នាំ២០១៣ ខាងមុខនេះ ។ ដោយសារហេតុថា គណបក្សហ្វ៊ុនស៊ិនប៉ិចជា
ស្នាព្រហស្ថរបស់ព្រះរាជបិតាជាតិ ព្រះបាទសម្ដេចព្រះ នរោត្តម សីហនុ ដែលបានចូលរួមក្នុងការកសាង
ប្រទេសជាតិ ឲ្យមានសន្តិភាព និងការអភិវឌ្ឈន៍រីកចំរើន រហូតមកដល់សព្វថ្ងៃនេះនិងតទៅអនាគតថែម
ទៀត ៕ដោយ៖ស.ស្អាត