កណ្ដាល៖ បន្ទាប់ពីធ្វើការជួសជុលអគាររួចរាល់មន្ទីរពេទ្យស្រុកពញាឭ នៅព្រឹកថ្ងៃទី១៩ ខែកក្កដា ឆ្នាំ២០១៣
បានធ្វើពិធីសម្ពោធដាក់ឲ្យប្រើប្រាស់ជាផ្លូវការ ដំណើរការពិនិត្យ និងព្យាបាលអ្នកជំងឺក្រោមវត្តមានលោក លឹម
គានហោ រដ្ឋមន្ដ្រីក្រសួងធនធានទឹកនិងឧតុនិយម និងលោកស្រីព្រមទាំងមន្ដ្រីពាក់ព័ន្ធជាច្រើននាក់ផ្សេង
ទៀត។
លោក ចាន់ យុត្ថា នាយកខុទ្ទកាល័យក្រសួងធនធានទឹកបានឱ្យដឹងថាក្រោយពីមើលឃើញថានៅទូទាំងស្រុក
ពញាឭមានត្រឹមតែកម្រិតមណ្ឌលសុខភាពទើបលោករដ្ឋមន្ដ្រីលឹមគានហោបានបង្កើតមូលនិធិដែលមាន
ឈ្មោះ ថាមូលនិធិតាហោតាមរយៈការចូលរួមឧបត្ថម្ភពីរូបលោកក្រុមគ្រួសារនិងប្រជាពលរដ្ឋមួយចំនួនទាំងនៅ
ក្នុងប្រទេសនិងនៅបរទេសបានមូលមតិគ្នាជួសជុលអគារមន្ទីរពេទ្យដែលចាស់ទ្រុឌទ្រោមចំនួន៤អគារមាន៤០
បន្ទប់។
លោកចាន់យុត្ថាបានបន្ដថាជាមួយគ្នានេះអគារថ្មីមួយរបស់មន្ទីរពេទ្យដែលមានពីរជាន់ស្មើនឹង២០បន្ទប់គឺជាអំ
ណោយដ៏ថ្លៃថ្លារបស់សម្ដេចតេជោហ៊ុនសែននិងសម្ដេចកិត្ដិព្រឹទ្ធបណ្ឌិតក៏បានផ្ដល់ជូនមន្ទីរពេទ្យនេះផងដែរ។
លោកបន្តប្រជាពលរដ្ឋអាចទៅពិនិត្យនិងព្យាបាលជំងឺចាប់ពីថ្ងៃនេះតទៅនៅមន្ទីរពេទ្យស្រុកពញាឭដោយឥត
គិតថ្លៃហើយក្នុងនោះមានការព្យាបាលលើជំងឺ៤ប្រភេទរួមមានផ្នែកកុមារផ្នែកទូទៅផ្នែកសម្ពភនិងរោគស្ដ្រី
ដែលមានវេជ្ជបណ្ឌិតចំនួន៧រូបពេទ្យមធ្យម២រូបនិងពេទ្យឆ្មបមួយចំនួនទៀត។
លោកចាន់យុត្ថាបានបន្ដទៀតថាមានវេជ្ជបណ្ឌិតឯកទេសផ្សេងៗ នឹងចូលរួមមកព្យាបាលជំងឺជូនប្រជាពលរដ្ឋ
នៅមន្ទីរពេទ្យនេះ។ នៅចំពោះមុខក្រុមគ្រូពេទ្យនិងមន្ដ្រីដែលបានចូលរួមលោកលឹម គានហោ បានមានប្រ
សាសន៍ថាការដាក់ឱ្យដំណើរការនៃការពិនិត្យនិងព្យាបាលជំងឺរបស់ប្រជាពលរដ្ឋខាងលើនេះគឺដើម្បីចូលរួមចំ
ណែកលើកកម្ពស់សេវាសុខភាពជូនប្រជាពលរដ្ឋនិងបងប្អូនទាំងអស់នៅទូទាំងស្រុកពញាឭនិងតំបន់ផ្សេង
ទៀតដែលមកសម្រាកនិងព្យាបាលនៅទីនេះ។
លោកលឹមគានហោក៏បានប្រគល់រថយន្ដសង្គ្រោះបន្ទាន់ចំនួន២គ្រឿងជូនដល់មន្ទីរពេទ្យដើម្បីជួយដឹកជញ្ជូន
ប្រជាពលរដ្ឋណាដែលមានស្ថានភាពធ្ងន់ធ្ងរទៅកាន់មន្ទីរពេទ្យក្នុងរាជធានីភ្នំពេញ។
ក្នុងឱកាសនោះដែរលោករដ្ឋមន្រ្តីក៏បានចុះត្រួតពិនិត្យការដ្ឋានសាងសង់អគារថ្មីនៅមន្ទីរពេទ្យដែលជាអំ
ណោយដ៏ថ្លៃថ្លារបស់សម្ដេចតេជោហ៊ុនសែននិងសម្ដេចកិត្ដិព្រឹទ្ធបណ្ឌិតជូនដល់ប្រជាពលរដ្ឋនៅស្រុកពញាឭ
ដែលបានបង្ហាញពីការយកចិត្ដទុកដាក់របស់មន្រ្តីគណបក្សប្រជាជនកម្ពុជានិងក្រុមការងារជួយប្រជាពលរដ្ឋ
តាមរយៈការបម្រើជូននូវសេវាសុខភាពដោយឥតគិតថ្លៃ៕
ដោយ៖ ស.ស្អាត