ភ្នំពេញ ៖ មូលនិធិភាពជាដៃគូសំរាប់អភិវឌ្ឍសមត្ថភាពវិស័យអប់រំ បានផ្តល់សម្ភារៈ បរិក្ខារព័ត៌មានវិទ្យា ដែលមានតម្លៃជិត៥សែនដុល្លារ ដល់ការិយាល័យអប់រំ ស្រុកចំនួន ៩៦ មន្ទីរអប់រំ យុវជន និងកីឡា ២៤ រាជធានីខេត្ដ នាយកដ្ឋានជំនាញចំនួន ១២ និងគ្រឹះស្ថានអប់រំឧត្ដម សិក្សាចំនួន២ ដើម្បីជួយ សំរួលដល់ការផ្តល់សេវា អប់រំកាន់ តែ រឹង មាំ ក៍ដូចជាពង្រឹងវិស័យអប់រំកាន់តែ ប្រសើរ។
.jpg)
ក្នុងពិធីប្រគល់សម្ភារៈបរិក្ខាព័ត៌ មាន វិទ្យា ដល់ក្រសួងអប់រំ យុវជន និងកីឡានៅ ថ្ងៃទី២៩ ខែ វិច្ឆិកា នាវិទ្យាស្ថាន បច្ចេកវិទ្យាកម្ពុជា លោកស្រីFiona Ramsey ប្រធានផ្នែកសហប្រតិបត្ដិការសហភាព អឺរ៉ុបប្រចាំកម្ពុជា មានប្រសាសន៍ថា សម្ភារៈទាំងអស់នេះ នឹងជួយសំរួលដល់ការប្រមូល ទុក ដាក់ការវិភាគព័ត៌មានក៍ដូចជាស្ថិតិអប់រំមួយចំនួនដើម្បីជាបច្ច័យក្នុង ការកសាង ផែនការកាន់តែ ប្រសើរឡើង។សំភារៈទាំងអស់នោះរួមមានកុំព្យូទ័ម៉ាស៊ីនថតចម្លងដែលមានមុខងារច្រើន ទូរឯកសារ ម៉ាស៊ីនបញ្ចាំង LCD និងផ្ទាំងបញ្ចាំង ម៉ាស៊ីនស៊ើវើ ១ គ្រឿង និង កុំព្យូទ័រយួរដៃ ២ គ្រឿង។ តម្លៃសរុបរបស់សម្ភារទាំងនោះជិត ៥ សែនដុល្លារ រាប់បញ្ចូល ទាំងការដឹក ជញ្ផូន ការដំឡើង និងការបណ្ដុះបណ្ដាលដល់អ្នកប្រើ ប្រាស់ សំភារៈពត័មានវិទ្យាទាំងអស់នេះ វានឹងផ្តល់ផលប្រយោជន៍យ៉ាងច្រើនសំរាប់វិស័យអប់រំ។
ឯ.ឧ ណាត ប៊ុនរឿន រដ្ឋលេខាធិការ ក្រសួងអប់រំ យុវជន និងកីឡា មាន ប្រសាសន៍ថា សម្ភារៈ នេះនឹងផ្ដល់លទ្ធភាពឲ្យអ្នករៀបចំផែនការអប់រំ នៅតាមនាយកដ្ឋានជំនាញ លើវិស័យអប់រំ ពិសេស នៅតាមតំបន់ដាច់ស្រយាលធ្វើការងារកាន់តែមាន ប្រសិទ្ធភាព និងធ្វើការប្រាស្រ័យទាក់ទងកាន់តែងាយស្រួលសម្រួលដល់ ការចែក រំលែកព័ត៌មាន និងសេចក្ដីសម្រេចចិត្ដនានា និងអាចឲ្យថ្នាក់ជាតិផ្ដល់ការគាំទ្រដល់ថ្នាក់ក្រោមជាតិបានប្រសើរ ជាងមុន។ ឯ.ឧ បានក្រើនរំលឹកផងដែរ ដល់ប្រធានមន្ទីរ អប់ ងអស់ ត្រូវប្រើឲ្យអស់លទ្ធភាពនូវ សម្ភារៈទាំងនោះក្នុងការងារប្រចាំថ្ងៃ មិនត្រូវប្រើប្រាស់ខុសគោលដៅ រឺយកធ្វើជាសម្ភារៈផ្ទាល់ខ្លួន នោះឡើយ។
ឯ/ឧបានបញ្ជាក់បន្ថែមថា ការផ្ដល់បរិក្ខារព័ត៌មានវិទ្យា នៅទូទាំងប្រទេសបែបនេះនឹងចូលរួមចំណែកពង្រឹងប្រព័ន្ធអប់រំរបស់រដ្ឋាភិបាលទាំងមូល គឺស្របជាមួយនឹងផែនការមេស្ដីពីការអភិវឌ្ឍសមត្ថភាពរបស់រដ្ឋាភិបាល ដើម្បីពង្រឹងសមត្ថភាព របស់មន្ដ្រីអប់រំ នៅគ្រប់កម្រិតទាំងអស់ ដើម្បីឱ្យពួកគេអាចទទួលបានការបំពាក់នូវបច្ចេកវិទ្យាព័ត៌មាន និងសារគមនាគមន៍ និងត្រៀមខ្លួនសម្រាប់សមាហរណកម្មសេដ្ឋកិច្ចអាស៊ាន នៅក្នុងឆ្នាំ ២០១៥ ។
ប្រធាន ការិយាល័យអប់រំស្រុក មកពីស្រុកបាធាយ ខេត្ដកំពង់ចាម ក៏បានលើកឡើងថា បរិក្ខារព័ត៌ មានវិទ្យាទាំងនេះនឹងធ្វើឱ្យការងាររបស់ការិយាល័យអប់រំស្រុកកាន់តែមាន ភាពងាយស្រួលជាងមុន ដោយសារតែ ការិយាល័យអប់រំស្រុក អាចប្រើប្រាស់កុំព្យូទ័រ ដើម្បីធ្វើការងារបានច្រើនយ៉ាង ជាពិសេស វាអាចជួយសន្សំសំចៃពេលវេលា និងប្រាក់កាសយ៉ាងច្រើន បើធៀបជាមួយនឹងពេលដែលយើងប្រើឯកសារជាក្រដាសកន្លងមក៕
ដោយ៖ អភិរក្ស