ភ្នំពេញ៖ ក្រសួងពាណិជ្ជកម្ម ផ្តល់ចំណេះដឹងបន្ថែម ដល់សិស្ស-និស្សិតមកពី ១១សកល វិទ្យាល័យទូទាំងប្រទេស ដើម្បីយល់ដឹងកាន់តែច្បាស់ អំពីអ្វី ដែលរាជរដ្ឋាភិបាល និងក្រសួង ពាណិជ្ជកម្មកែទម្រង់អ្វីខ្លះនោះ និង បញ្ហា E-Commerce នាពេលបច្ចុប្បន្ន។.
ឯ/ឧ ស៊ុន ចាន់ថុល ទេសរដ្ឋ មន្រ្តី រដ្ឋមន្រ្តីក្រសួងពាណិជ្ជកម្មមានប្រសាសន៏ប្រាប់ក្រុម អ្នកសារព័តមាន បានឲ្យដឹងថា សិក្ខាសាលានេះ គឺជាលើកទី១ របស់ក្រសួងពាណិជ្ជកម្មដែល រៀបចំឡើង ដើម្បីផ្តល់ព័តមានជូនដល់សិស្សនិស្សិតឲ្យយល់ដឹងអំពីអ្វីៗដែលយើងបាននៅ ក្រសួងក្នុងការកែទម្រង់ ដើម្បីអាចទាក់ទាញ អ្នកវិនិយោគធ្វើការងាយស្រួលនិង បង្កើតការ ងារឲ្យនិស្សិតឲ្យប្រជាពលរដ្ឋធ្វើ ហើយក៏មានសារៈសំខាន់ណាស់ ដល់និស្សិតដែរចង់ដឹងថា តើរាជរដ្ឋាភិបាល និងក្រសួងពាណិជ្ជកម្មកែទម្រង់អ្វីខ្លះ? ដើម្បីទាក់ទាញវិនិយោគ ហើយ បើ គ្មានអ្នកវិនិយោគមកបណ្តាក់ទុននៅស្រុកយើងនោះទេ ក៏មិនអាចបង្កើតការងារ ជូនពួក គេ បាន ដែរ។ឯ/ឧទេសរដ្ឋមន្រ្តីបានបន្តថា ដូច្នេះយើងពន្យល់គាត់ឲ្យបានដឹងថា១)ក្រសួងបានធ្វើ អ្វីខ្លះដើម្បីធ្វើការងាយស្រួលក្នុងការ ទាក់ទាញអ្នកវិនិយោគ ២)យើងរៀបចំបង្រៀនពួកគាត់ ថែម ទៀតអំពី E-Commerce ឲ្យគាត់ដឹងថាយើងអាចលក់ ផលិតផលតាមអ៊ិនធើណេតបានរឺ អត់ និងធ្វើយ៉ាងណាចំពោះបញ្ហាទាំងនេះ ។
ជាមួយគ្នានោះ ឯកឩត្តមទេសរដ្ឋមន្រ្តី ស៊ុន ចាន់ថុល បានបញ្ជាក់ទៀតថា ក្រសួង ពាណិជ្ជកម្ម នឹងត្រៀមធ្វើ សិក្ខាសាលាជាបន្តបន្ទាប់ទៀតរៀងរាល់ ១ខែ ឬ ២ខែម្តង តាមដែរ អាច\ធ្វើទៅបាន ប៉ុន្តែចំពោះប្រធានបទវិញគឺផ្សេងៗគ្នា ដោយពេលនេះក្រសួងបង្រៀនអំពី E-Commerce ពេលក្រោយក្រសួងនឹងរៀបចំប្រធានបទផ្សេងទៀត មានដូច ជា ភាពជាអ្នកដឹកនាំ, ចំណេះដឹង ផ្នែក ទីផ្សារ, ការចុះបញ្ជីពាណិជ្ជកម្ម និងប្រធានបទសហគមន៍សេដ្ឋកិច្ចអាស៊ាន AEC ជាដើម។ ដោយបង្រៀនគ្រប់បែបយ៉ាងទាំងអស់ដែលអាចទាក់ទាញសាស្រ្តាចារ្យល្បីៗឲ្យមកជួយបណ្តុះ បណ្តាលដល់និស្សិតថែមទៀត។ ឯកឩត្តមសង្ឃឹមថា សិស្សនិស្សិតទាំងអស់នេះ នឹងបន្តមកចូលរួមជាបន្តទៀត នៅ គ្រាដែលក្រសួងធ្វើសិក្ខាសាលានាពេលក្រោយៗទៀត។
ដោយ៖ អភិរក្ស