ភ្នំពេញ : ក្រសួងការបរទេសសហរដ្ឋអាមេរិកតាមរយៈស្ថានទូតរបស់ខ្លួនប្រចាំកម្ពុជា បានផ្តួចផ្តើម អោយអ្នកជំនាញខាងបច្ចេកវិទ្យាបង្ហាញពីដំណោះស្រាយការជួញដូរមនុស្សតាមប្រព័ន្ធ Internetដែល អាចចំណាយតិច និងងាយស្រួលក្នុងការអនុវត្តន៍ ។
សន្និសីទស្តីពីបច្ចេកវិទ្យាអាស៊ីអាគ្នេយ៍ «ដើម្បីប្រឆាំងការជួញដូរមនុស្ស »ហៅកាត់ថា TechCamp Southeast Asia ត្រូវបានរៀបចំឡើងផ្តោតលើការប្រយុទ្ធប្រឆាំងការជួញដូរមនុស្ស ស្របពេល ដែលពិភព លោកប្រើម ធ្យោ បាយជួញដូរមនុស្សតាមប្រព័ន្ធInternet។បច្ចុប្បន្ន នៅទូទាំងពិភពលោក បច្ចេកវិទ្យា Internet បានផ្តល់លទ្ធភាព ដែលមិនធ្លាប់មានពីមុនមក ចំពោះក្រុមអ្នកជួញដូរមនុស្ស ដើម្បីទាក់ទងជនដែលអាច ទទួលរងគ្រោះ ដោយ ការជួញដូរកាន់តែច្រើនឡើង តាមប្រព័ន្ធទំនាក់ទំនងទំនើប ។
សន្និសីទ TechCamp Southeast Asia មានបំណងធំបំផុតគឺជួយដល់ក្រុមសង្គមស៊ីវិលអោយមានសមត្ថភាព
ខាងបច្ចេកវិទ្យាប្រហាក់ប្រហែលគ្នា ដើម្បីបញ្ឈប់ សកម្មភាពរបស់ក្រុមអ្នកជួញដូរទាំងនោះ។ លោក Darren Hulfman អនុប្រធានស្តីទីស្ថានបេសកកម្មការទូត សហរដ្ឋអាមេរិកប្រចាំកម្ពុជា បានមានប្រសាសន៍ថាការសិក្សាជំនាញទប់ស្កាត់ការជួយដូរមនុស្សនេះ មាន សារៈសំខាន់ណាស់សម្រាប់អ្នកអនុវត្តការងារ ព្រោះថា មិនថាទីណា នោះទេ គឺនៅគ្រប់ទី កន្លែងទាំងអស់ សុទ្ធតែមានការជាប់ពាក់ព័ន្ធគ្នាទាំងអស់តាមរយៈការប្រើប្រព័ន្ធ Internet ។ យោងតាមអង្គការពលកម្មអន្តរជាតិ ILO កាលពីឆ្នាំមុន នៅទូទាំងពិភពលោក មានមនុស្ស ២០.៩លាននាក់បានរងគ្រោះដោយការជួញដូរ ។ មូល ហេតុនៃការជួញដូរនេះបណ្តាលមក ពីកត្តាចម្បងតែមួយគត់ គឺការទាក់ទងគ្នាតាមបច្ចេកវិទ្យាទំនើបដូចជា Smart Phone និងតាម Online ដទៃទៀត ការនេះ គឺ ជារឿងគួរអោយភ័យខ្លាចបំផុត។ លោកបន្តថា ទោះបីយ៉ាងណាក៏ដោយរដ្ឋាភិបាលលើកទឹកចិត្តក្នុងការប្រ
ឆាំងការជួញដូរមនុស្ស ។ដូច្នេះការសិក្សាពីរបៀប ប្រឆាំងការជួញដូរមនុស្សតាមប្រព័ន្ធInternetនៅពេល
នេះអាចចាត់ទុកថាជាវិធានការដ៏មានប្រសិទ្ធិភាព៕ ដោយៈ រតនា