ភ្នំពេញ៖ ដោយឈលើមូលដ្ឋានលិខិតតុបករណ៍អនុស្សរណៈនៃការយោគយល់គ្នាដែលបានចុះហត្ថលេខា (MOU) ដោយរដ្ឋសភានៃប្រទេសទាំងពីរកម្ពុជា-ឡាវកាលពីខែកក្កដាឆ្នាំ២០១២កន្លងទៅនេះស្ថាប័ននិតិប្បញ្ញត្តិនៃប្រទេស
ទាំងពីបានធ្វើការផ្លាស់ប្តូរបទពិសោធន៍ការងារគ្នាតាមរយៈការបញ្ជូនគណៈប្រតិភូទៅបំពេញទស្សកិច្ចទៅវិញទៅ
មកជាញឹកញាប់ដើម្បីផ្លាស់ប្តូរបទពិសោធន៍ការងារនិងពង្រីងពង្រីកទំនាក់ទំនងចំណងមិត្តភាពសាមគ្គីភាព
កិច្ចសហប្រតិបត្តិការជាប្រពៃណីរវាងអគ្គលេខាធិការដ្ឋាននៃស្ថាប័ននិតិប្បញ្ញត្តិប្រទេសទាំងពីឲ្យកាន់តែរឹងមាំ
និងល្អប្រសើរថែមទៀត។
ជាក់ស្តែងនៅព្រឹកថ្ងៃចន្ទទី១៩ខែមីនាឆ្នាំ២០១៣នេះលោកស្រីឃួនសុដារីអនុប្រធានទី២រដ្ឋសភាបានអនុញ្ញាតិឲ្យ
គណៈប្រតិភូខុទ្ទកាល័យសភាជាតិដឹកនាំដោយលោកបណ្ដិត អ៊ួន កែវវូធិរ៉ាត់ (Ounkeo VOUTHIRATH) អគ្គលេខា
ធិការ និងជានាយខុទ្ទការល័យនៃសភាជាតិសាធារណរដ្ឋប្រជាធិបតេយ្យប្រជាមានិតឡាវចូលជួបធ្វើសវនការខណៈ
គណៈប្រតិភូនេះបានមកបំពេញទស្សនកិច្ចផ្លាស់ប្តូរបទពិសោធន៍ការងារជាមួយអគ្គលេខាធិការដ្ឋានសភាកម្ពុជា។
នៅក្នុងជំនួបសវនការនោះលោកស្រី ឃួនសុដារី បានសម្តែងការស្វាគមន៍យ៉ាងកក់ក្តៅចំពោះគណប្រតិភូនេះនិង
បានចែករំលែកបទពិសោធន៍ការងារដឹកនាំជាច្រើនដែលរដ្ឋសភាកម្ពុជាបានអនុវត្តន៍និងទទួលបានជោគជ័យដ៏ត្រចះ
ត្រចង់ជូនជាតិនិងប្រជាជននាពេលកន្លងមកហើយក៏កំពុងតែបន្តដោយយកចិត្តទុកដាក់។ នៅក្នុងឱកាសនោះលោកស្រីអនុប្រធានទី២រដ្ឋសភាបានមានប្រសាសន៍ថាក្រោយពីអនុស្សរណៈយោគយល់គ្នា
ចូលជាធរមានមករដ្ឋសភានៃប្រទេសទាំងពីរបានប្រែក្លាយខ្លឹមសារនៃអនុស្សរណៈមកជាសកម្មភាពអនុវត្តជាក់ស្តែងដោយបានធ្វើការផ្លាស់ប្តូរទស្សនកិច្ចជាច្រើនលើកមានទាំងកម្រិតប្រតិភូដឹកនាំដោយប្រធានរដ្ឋសភា
គណៈកម្មការជំនាញនិងក្នុងក្របខណ្ឌអគ្គលេខាធិការរដ្ឋាន។ ក្រៅពីនេះសភាទាំងពីរក៏បានចូលរួមសិក្សា
ផ្លាស់ប្តូរយោបល់បទពិសោធន៍ចំណេះដឹងគ្នាជាបន្តបន្ទាប់ ។
ជាមួយគ្នានោះលោកស្រីអនុប្រធានទី២ក៏បានសម្តែងនូវចំណាប់អារម្មណ៍យ៉ាងខ្លាំងចំពោះសមិទ្ធិផល
នានាដែលប្រសូត្រចេញពីការអនុវត្តន៍តាមអនុស្សរណៈយោគយល់គ្នាដែលមានចំណុចសំខាន់ៗជាច្រើន
ដូចជា៖គណៈកម្មការកិច្ចការបរទេសនៃសភាទាំងពីរបាននឹងកំពុងអនុវត្តន៍កិច្ចការរួមគ្នាយ៉ាងសកម្ម
ពីការអភិវឌ្ឍន៍តំបន់ត្រីកោណនៃប្រទេស៣កម្ពុជា-វៀតណាម-ឡាវសំដៅបង្កើនការជម្រុញការ
អភិវឌ្ឍន៍តំបន់ត្រីកោណដើម្បីលើកស្ទួយកំណើនសេដ្ឋកិច្ចជូនប្រជាជនដែលរស់នៅក្នុងតំបន់នោះឲ្យប្រសើរឡើង។
នៅមានគណៈកម្មការដទៃទៀតដូចជាគណៈកម្មការសង្គមកិច្ចនិងសុខាភិបាលកំពុងអនុវត្តរួមគ្នាលើគោលនយោបាយគ្រឿងស្រវឹងដែលគ្រោងនឹងធ្វើសន្និសីទនៅថ្ងៃទី៦-៧ខែមេសាខាងមុខនេះ។
លោកស្រីបានជម្រុញឲ្យពន្លឿនសហប្រតិបត្តិការរវាងគណៈកម្មការនៃសភាទាំងពីឲ្យកាន់តែស៊ីជម្រៅបន្ថែមទៀត
លើគោលដៅអភិវឌ្ឍន៍សហសវត្សរ៍ទី៥(MDG5)អំពីសុខភាពមាតានិងទារកហើយគណៈកម្មការនេះនឹងត្រូវទៅ
បំពេញទស្សនកិច្ចការងារនៅប្រទេសឡាវនាថ្ងៃទី២៥-៣០សប្តាហ៍ក្រោយនេះ។ចំពោះកិច្ចការនេះជាគំនិតផ្តួត
ផ្តើមផ្ទាល់របស់លោកស្រីអនុប្រធានទី២រដ្ឋសភាកម្ពុជា ក្រោមកិច្ចសហការជាមួយស្ថាប័នជំនាញជាតិនិងអន្តរជាតិ
ដែលមានការគាំទ្រនិងលើកទឹកចិត្តពីលោកជំទាវគតិព្រឹទ្ធបណ្ឌិតប៊ុនរ៉ានីហ៊ុនសែន(ស្ត្រីទី១កម្ពុជា) បានរៀប
ចំនិងដាក់ចេញនូវសេចក្តីសម្រេចិត្តរបស់អន្តរសភាអាស៊ាន(អាយប៉ា) និងបានការគាំទ្រពី(WAIPA)នៃ
ប្រទេសជាសមាជិកទាំង៩។
ដោយឡែកមានគណៈកម្មការមួយចំនួនទៀតគឺគណៈកម្មការសេដ្ឋកិច្ចមហាផ្ទៃការពារជាតិអង្កេតបោសសំអាត
និងមុខងារសាធារណៈនៃរដ្ឋសភាប្រទេសទាំងពីក៏កំពុងតែអនុវត្តន៍កិច្ចការសំខាន់ៗជាច្រើនដែលពាក់ព័ន្ធ
នឹងប្រយោជន៍ជាតិនិងប្រជាជននៃប្រទេសទាំងពីរ។
ក្នុងជំនួបនោះលោកOunkeo VOUTHIRATH បានសម្តែងការសប្បាយចិត្តដែលលោកស្រីអនុញ្ញាតិឲ្យគណៈ
ប្រតិភូលោកចូលជួបសម្តែងការគួរសមនិងបានផ្តល់នូវអនុសាសន៍ល្អៗជាច្រើនដើម្បីជាការតម្រង់
ទិសសម្រាប់គណៈប្រតិភូខុទ្ទការល័យសភាជាតិឡាវក៏ដូចជារូបលោកផ្ទាល់បានយកទៅអនុវត្តន៍
ការងារជូនជាតិនិងប្រជាជនឡាវឲ្យមានប្រសិទ្ធភាពនៅពេលខាងមុខ។
លោកបន្តថាក្នុងរយៈពេលចុងក្រោយនេះមិនត្រឹមតែអនុវត្តMOUប៉ុណ្ណោះទេតែជាការពង្រឹង
ពង្រីកចំណងមិត្តភាពសាមគ្គីភាពនិងការដកពិសោធន៍ការងារផ្ទាល់ពីអគ្គលេខាធិការដ្ឋានព្រោះអគ្គលេខាធិការដ្ឋានជាសេនាធិការផ្ទាល់របស់រដ្ឋសភា។
សូមជម្រាបថាចំណងទំនាក់ទំនងមិត្តភាពសាមគ្គីភាពនិងកិច្ចសហប្រតិបត្តិការជាប្រពៃណីលើគ្រប់វិស័យ
រវាងកម្ពុជាឡាវត្រូវបានពូនជ្រំកាន់តែរឹងមាំឥតឈប់ឈរពិសេសរវាងស្ថាប័ននិតិប្បញ្ញត្តិរដ្ឋាភិបាលនិង
ប្រជាជននៃប្រទេសទាំងពីរក្នុងគោលដៅជម្រុញទំនាក់ទំនងនិងផ្លាស់ប្តូចំណេះដឹងទស្សនកិច្ចប្រតិភូ
ជំនាញនិងស្វែងយល់ពីគ្នាទៅវិញទៅមកសម្រាប់ជាគុណប្រយោជន៍ប្រជាជននិងប្រទេសជាតិទាំងពីរ៕
ស.ស្អាត